Deamɔ 10:28 - Takarata pɛ Sɔ Mbombe Mbon

²⁸ A tɔa ha mbwa: «Ɛnɛ ingɔ nde, mbonga pɛ ɔ, hio zuife, tɔa nde, ɔ ade sɔy hinɛ wi mɛ olo kandɔ na, nɛ ɔ ale twa pɛ mbwa na. Ma, pɔm, Sɔ osa ha mi nde, ka mi azɔk ma wi tuka mɔ nzing nɛ mɔ nyɛl na.

Deamɔ 10:28 Referans Kwoze

Jean 4:9

Bhoko Samari ɛngɛ tɔa ha Jésus: «Mɛ nê zuife, nɛ mi nê wi mɔ Samari. Mɛgi, mɛ dea mɛng mɛ gɔ nɛ li ha kɔ mi ge nde?» Hazu hio zuife de sɔy hinɛ hio wi mɔ Samari na.

Deamɔ 11:9

Nɛ mɔ zebwa gɛl ɛngɛ gboa ha ngɔn tɛ, nɛ tɔa: ‹Mɔ ka Sɔ sasasa kari, ka mɛ azɔk yo tuka mɔ nzing fin na.›

Jean 18:28

Nɛ sutole sut, ɛ kuo Jésus ha twa pɛ Kaife nɛnɛ ha twa pɛ gɔfɔrma Pilate. Ma, hio wan-le *zuife ndɔng ka kuo wɛnɛ nɛnɛ, mbwa tɛ le twa pɛ gɔfɔrma na. Hazu mbwa ngoy mɛ dung nɛ saa ha li Sɔ, yu nde mbwa betɛ kɔpi yɔngamɔ yenga *Pake.

Jean 4:27

Ha ngimɔ ɛngi hio wan-yambimɔ pɛ Jésus pea. Mbwa yaksa hazu wɛnɛ ha wolamɔ hinɛ ma bhoko. Ma, ma ndang ha soko mbwa tɛ ani wɛnɛ nde, mɛ gɔ nɛ nge mɔ ha kɔ wa, mana, mɛ wolmɔ hinɛ wɛnɛ hazu ge, na.

Dede Wen hazu Jésus-Christ ka Luc ngɛraka 18:11

Farizien nɛa ha sɔngsi, a yola ha ngɔn, nɛ a gɔa Sɔ ha zang sila wa mɛgɛ: ‹Mi lukisi mɛ, Sɔ, hazu mi bo tuka hio mbinga na, tuka wanzu, gdanga wi, wan-de wanza, nɛ gbesi tuka wan-ndɛm mbɔli garama ɛngɛ na.

Marc 7:2

Nɛ mbwa zɔka nde, hio ma *wan-yambimɔ pɛ Jésus yɔngamɔ nɛ kɔ nɛ nzing. Ɛngɛ tɔ nde, mbwa tɛ tay kɔ lɛm nɛ ndɔki deamɔ pɛ hio ngbabafa mbwa na.

Deamɔ 10:29

Mɛgi, ka ɛnɛ saa mi, mi tɛ kɛkiri wen na. Mi tɛa. Ma, sising mi ngoya ing goto sala ka ɛnɛ saa nɛ mi.»