2 Timothée 2:2 - Takarata pɛ Sɔ Mbombe Mbon

² Mɔ ka mɛ zea ha nu mi ha li hio dɔka wi, lɛma nde, mɛ aosi yo ha hio mboazu wi ka lɛma osi yo fin ha hio mbinga.

2 Timothée 2:2 Referans Kwoze

1 Timothée 4:6

Ka mɛ osi mɔ ndɔng ki ha hio ya ha Jésus-Christ, mɛ bedung nê dede wan-tom pɛa. Deamɔ mɛgi beosi nde, mɛ ha daya tɛ mɛ nɛ wen mɛkaramɔ, nɛ fin nɛ dede osamɔ ka mɛ ndari.

1 Timothée 6:12

Mɛ bi dede bulo ha wal mɔ Sɔ tuka nde, mɛ akpa *tunɔ kpoo tuka kɛamɔ. Sɔ saa mɛ hazu kpa yo ha ngimɔ ka mɛ kɛa wen mɛkaramɔ pɛ mɛ ha li hio dɔka wi.

2 Timothée 3:10

Ma, pɛ mɛ, mɛ naka pata osamɔ pɔm, deamɔ pɔm, bhekamɔ pɔm, mɛkaramɔ pɔm, baa sila pɔm, ngoy pɔm, nɛ yikosila pɔm.

Dede Wen hazu Jésus-Christ ka Luc ngɛraka 12:42

Kongawan kiforo wen: «Mi tɔa yo hazu wi fɛt ka dung tuka wan-tom ka dung nɛ mboazu nɛ ingɔmɔ. Wan pɛa begde wɛnɛ ha zu hio olo wan-tom, nɛ beha wɛnɛ tom mɛ kapini yɔngamɔ ha mbwa ha dede ngimɔ.

1 Timothée 1:18

Timothée, bem pɔm, mi gde osamɔ ɛngɛ ha kɔ mɛ lɛm nɛ hio kuliwen ka ɛ batɔ sɔngsi hazu mɛ. Tazu mɛ agba nɛ wen ndɔng tuka nde, mɛ aku yo bi nɛ dede bulo.

1 Timothée 1:12

Mi ha oeba ha Jésus-Christ, *Kongawan pɛ ɔ, ka haa mi ngatɛ hazu de nɛ tom pɛa. Mi ha oeba ha wɛnɛ hazu a zɔka mi tuka mboazu wi, nɛ a weka mi tuka wan-tom pɛa.

1 Timothée 4:14

Ka mɛ alak dea tom nɛ ngatɛ ka *Nzɔy-Sɔtɛ haa ha mɛ gde na. A haa ngatɛ ɛngɛ ha mɛ nɛ wal kuliwen ha ngimɔ ka gili kotowi gdea kɔ ha zu mɛ.

1 Korente 4:2

Mɛgi, lɛma nde, wi ka wan pɛa gdea tom ha kɔ wa, adung nɛ mboazu ha toma.

2 Timothée 3:14

Ka bo nê pɛ mɛ, mɛ bhɔn nɛ nɔa nging ha mɔ ka mɛ yamba, nɛ ka mɛ mɛkara nde, yo nê tɛwen. Hazu mɛ ingɔ wi ndɔng ka osa yo ha mɛ.

Kolose 1:7

Ɛnɛ bayambi Dede Wen ha nu Epafras, sɔy-tom pɛ ɔ, ka ɔ ngoya gdang. Wɛnɛ ha dea tom ha ɛnɛ tuka mboazu wan-tom pɛ Christ.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

1 Timothée 5:22

Ka mɛ agde kɔ ha zu ma wi nɛhasa hazu gde wɛnɛ ha ma tom ha soko giliwi mɔ eglize na. Ka mɛ ade sɔy hinɛ ma wi ha gdangamɔ pɛa na. Mɛ pam tɛ mɛ nɛ saa.

Matthieu 24:25

Ɛnɛ ze! Mi tɔ yo ha ɛnɛ bingiri.

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

2 Korente 2:14

Ɔ ha oeba ha Sɔ hazu wɛnɛ ha ngbɔsa ɔ swe fɛt ha zang nzɔng ka nak pata Christ, wan-gan zu mɔ fɛt. Mɛgi, ha bhandi fɛt ka ɔ nɛ ang, ɔ ha gbasa ingɔmɔ hazu Christ tuka dede pɛl kulomɔ.

2 Korente 3:5

Ɔ tɛ takiri nde, ɔ nɛ pɛ ɔ tɛ lɛma de tom ɛngɛ, ndang na. Yo nê Sɔ ka ha ɔ ngatɛ mɛ de nɛ yo.