2 Timothée 1:3 - Takarata pɛ Sɔ Mbombe Mbon

³ Mi ha oeba ha Sɔ ka mi de tom pɛa nɛ saa sila gbesi tuka hio ngbabafa mi bade se. Swe nɛ zɛ, tazu mi gba nɛ mɛ kpoo ha zang gɔamɔ pɔm.

2 Timothée 1:3 Referans Kwoze

Hebro 13:8

Jésus-Christ ka nê ndang tɛ wa, mɛmbalasɔ, swe mɛsɛ, kpoo nɛ kpoo.

Deamɔ 23:1

Paul zɔka hio wan-kpo zuwen gdoo, nɛ a tɔa: «Hio ya mi, ingɔmɔ sila pɔm gbasa ha mi nde, swe fɛt, mi dungɔ nɛdedea ha li Sɔ gbo ha swe mɛsɛ.»

Deamɔ 24:14

Ngase ɛngi, mi gbasi ha mɛ long nde, mi de tom ha Sɔ pɛ hio ngbabafa ɔ nɛ wal pɛ *Kongawan Jésus, ka mbwa tɔ nde, yo bo nzeng na. Ma, mi ha mɛkara mɔ fɛt, ka Moïse ngɛraka ha takarata *mbonga, nɛ ka hio *wan-tɔkuliwen ngɛraka.

1 Timothée 1:19

Mɛ bhɔn ka ha mɛkara Christ, nɛ mɛ pam ingɔmɔ sila pɛ mɛ nɛ saa. Hio ma wi kafa mɛ de mɛgi, nɛ mɛkaramɔ pɛ mbwa bhonda.

1 Timothée 1:5

Goto mɔ ka mi haa nu ha mɛ mɛgi, yo nde, hio wi pɛ Christ angoy hio ma mbwa nɛ ngoy ka tɛ nɛ wal saa sila, nɛ wal dede ingɔmɔ sila, nɛ wal mɛkaramɔ ka bo nɛ dambari na.

Deamɔ 24:16

Yo nê ɛngi, ka mi gbɛngsi tɛ mi hazu pam sila mi swe fɛt nɛ saa ha li Sɔ nɛ ha li hio wi.

Deamɔ 22:3

«Mi nê zuife, ɛ bhɛa mi ha gasa le Tarse ha kandɔnu Silisi. Ma, mi kpɔatɛ hakɛ ha Jérusalem. Wan-osimɔ pɔm nê Gamaliel, ka osa ha mi *mbonga pɛ hio ngbabafa ɔ nɛdedea nzeng. Mi dungɔ nɛ lululu sila hazu Sɔ gbesi tuka ɛnɛ fɛt swe mɛsɛ.

2 Timothée 3:15

Mɛ ingɔ takarata pɛ Sɔ nisi ha ngimɔ bhobem. Takarata ɛngɛ lɛma ha mɛ mbaramɔ hazu kpasi nɛ wal mɛkara Jésus-Christ.

2 Timothée 1:5

Tazu mi ha gbaa nɛ kpasa mɛkaramɔ ka mɛ mɛkara nɛ Christ. Yo nê ndangtɛ mɛkaramɔ ɛngɛ, ka ngbanana mɛ, Lois, nɛ nana mɛ, Enis, mɛkara nɛ Christ sɔngsi. Ey, mi ingɔ nɛdedea nde, mɛ fin nɛ ndangtɛ mɛkaramɔ.

1 Tesalonike 3:10

Ɔ ha gɔa Sɔ swe nɛ zɛ pentɛ pet nde, wɛnɛ aha ɔ wal mɛ nɛ nɛ zɔk ɛnɛ fin nɛ mbinga, nɛ mɛ lɛmsiri mɔ ka kɔpi ɛnɛ ha wal mɛkara Christ.

Efeze 1:16

ka mi bhɔna ngimɔ fɛt ha tɔa oeba ha Sɔ hazu ɛnɛ. Mi ha takara ha ɛnɛ ha zang gɔamɔ pɔm.

Galasi 1:14

Mi bayambi mɔ hazu hio ndɔki deamɔ pɛ hio zuife pen hio olo zuife mɔ tanga pɔm. Nɛ mi gdea sila mi ha hio ndɔki deamɔ pɛ ngbabafa ɔ nɛkpasa pen mbwa fɛt.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

Rome 9:1

Mi nê wi pɛ Christ, mɛgi mi ha tɔa tɛwen. *Nzɔy-Sɔtɛ gbesi hinɛ ingɔmɔ sila pɔm ha kɛa wena. Wen ka mi betɔ sising, yo bo nê dalo na.

Deamɔ 27:23

Hazu, nɛ zɛ ɛngɛ, Sɔ, ka mi dung nê pɛa nɛ ka mi de tom pɛa, tomsa ma *telenge pɛa ha pɔm.

Deamɔ 26:4

«Hio zuife fɛt ingɔ deamɔ pɔm nisi ha pɔlɔmbɔ tɛ, hazu mi dungɔ ha soko kandɔ pɔm nɛ ha Jérusalem angiri ha bosi ngimɔ.

Dede Wen hazu Jésus-Christ ka Luc ngɛraka 2:37

Mɛgi Anne dungɔ nagula tee. Bɛlɛ pɛa fɛt tɛ bo nɛ bhukɔa mɔrkɔ zu bhukɔa tar gbala nar. A lak gasa twa Sɔ gde ndang na. Swe nɛ zɛ a dea tom Sɔ nɛ wal gɔa Sɔ, nɛ ma ngimɔ wɛnɛ zimɔ fin yɔngamɔ.

1 Timothée 5:5

Kpasa nagula ka bo nɛ wi mɛ gbakiri wɛnɛ na, gdea tazu wa fɛt ha tɛ Sɔ kari. Nɛ wɛnɛ bhɔna ka ha ana mɔ ha kɔ Sɔ nɛ ha gɔa wɛnɛ swe nɛ zɛ.