2 Pierre 3:3 - Takarata pɛ Sɔ Mbombe Mbon

³ Sɔngsi mɔ fɛt, ɛnɛ aing nɛdedea nde, ha kpogio ngimɔ hio ma wi betɛ, ka bede kanɛ mɔ ka sila mbwa ngoya. Mbwa bemam ɛnɛ,

2 Pierre 3:3 Referans Kwoze

Jude 1:18

Mbwa batɔ ha ɛnɛ nde, ha kpogio ngimɔ, hio ma wi ka ing Sɔ na, bemam ɛnɛ, nɛ mbwa bede gdangamɔ tuka sila mbwa ngoya.

2 Pierre 2:10

Hio wi ka Sɔ bendulsi mbwa pen mbinga fɛt, yo nê ɛ ndɔng, ka gde tɛ mbwa ha gdanga hɛl deamɔ tum, nɛ ka bhɛsiri ziomɔ pɛ Sɔ. Hio wan-osimɔ dalo ndɔng ka mi tɔa wen pɛ mbwa ha ɛnɛ, mbwa nê wan-sutɛ nɛ wan-ngazu. Mbwa yu ke fɛngsa hio lɛkɛ-lɛkɛ zio sɔtɛ ngɔn na.

Jude 1:16

Wi ndɔng nê nakɛkiri wen ka tɔ tɛ swe fɛt. Mbwa de mɔ fɛt tuka sila mbwa ngoya. Mbwa ha tɔa wen sutɛ nɛ ha ndɔmbala hio wi nɛ zɛng gɛl hazu ku nɛ mɔ ha kɔ mbwa.»

2 Korente 4:2

Ɔ kafa dea mɔ foy nɛ mɔ wuso. Ɔ osili wi na, nɛ ɔ bul wen pɛ Sɔ nɛ dalo ha zanga na. Ma, ɔ gbasi nɛ tɛwen long ha hio wi. Mɛgi ingɔmɔ sila pɛ mbwa being nde, ɔ nê hio mboazu wi ha li Sɔ.

2 Pierre 1:20

Dea nde, ɛnɛ aing wen ɛngɛ nɛdedea: Hio wen ka hio wan-tɔkuliwen bangɛriki se ha zang takarata pɛ Sɔ, wi lɛm ze zanga nɛ wal mbaramɔ pɛa nɛ pɛa tɛ na.

2 Timothée 3:1

Mɛ aing nɛdedea nde, hio nga ngimɔ behɔ ha hio kpogio yala.

1 Jean 2:18

Hio bem pɔm, kpogio ngimɔ koka kari. Ɛnɛ baze nde, wan-sungiri Christ behɔ bin. Ma, sising, hio dɔka wan-sungiri Christ hɔa kari. Yo osi ha ɔ nde, kpogio ngimɔ koka kari.

Jean 12:48

Wi ka kafi mi nɛ ka mɛkiri wen pɔm na, kpaa may hinɛ wan-gɔn kita pɛa kari. Yo nê wen ndɔng ka mi tɔa ka begɔn kita ba wɛnɛ ha kpogio ngimɔ.

Hebro 1:2

Ma, ha hio kpogio yala sising, Sɔ wolamɔ ha ɔ nɛ wal Bewei pɛa. Sɔ bade nzan fɛt nɛ wal wɛnɛ, nɛ a gdea wɛnɛ wan hazu mɔ fɛt.