1 Timothée 1:5 - Takarata pɛ Sɔ Mbombe Mbon

⁵ Goto mɔ ka mi haa nu ha mɛ mɛgi, yo nde, hio wi pɛ Christ angoy hio ma mbwa nɛ ngoy ka tɛ nɛ wal saa sila, nɛ wal dede ingɔmɔ sila, nɛ wal mɛkaramɔ ka bo nɛ dambari na.

1 Timothée 1:5 Referans Kwoze

1 Timothée 1:19

Mɛ bhɔn ka ha mɛkara Christ, nɛ mɛ pam ingɔmɔ sila pɛ mɛ nɛ saa. Hio ma wi kafa mɛ de mɛgi, nɛ mɛkaramɔ pɛ mbwa bhonda.

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

2 Timothée 2:22

Mɛ ayu hio hɛl ka ba sila pɔlɔmbɔ wi. Mɛ ki wal mɛ de mɔ nzeng, mɛ mɛkiri Christ nɛkpasa, mɛ ngoy ma mɛ, nɛ mɛ dung nɛ gaamɔ hinɛ wi ndɔng ka gɔ Kongawan nɛ saa sila.

2 Timothée 1:5

Tazu mi ha gbaa nɛ kpasa mɛkaramɔ ka mɛ mɛkara nɛ Christ. Yo nê ndangtɛ mɛkaramɔ ɛngɛ, ka ngbanana mɛ, Lois, nɛ nana mɛ, Enis, mɛkara nɛ Christ sɔngsi. Ey, mi ingɔ nɛdedea nde, mɛ fin nɛ ndangtɛ mɛkaramɔ.

2 Timothée 1:3

Mi ha oeba ha Sɔ ka mi de tom pɛa nɛ saa sila gbesi tuka hio ngbabafa mi bade se. Swe nɛ zɛ, tazu mi gba nɛ mɛ kpoo ha zang gɔamɔ pɔm.

1 Pierre 3:21

Mbeng li ɛngɛ dung tuka li ka ɛ gdumso ɛnɛ ang nɛ ling Jésus-Christ. Ɛ tɛ gdumsi ɛnɛ ha li hazu kusi nzing ha tɛ ɛnɛ yunɛ na, ma, ɛ dea yo hazu ani Sɔ mɛ sasisi ingɔmɔ sila pɛ ɛnɛ. Ɛnɛ kpasa sising nɛ wal gdumso ɛnɛ ha li hazu Jésus-Christ guotɛ ha soko hio fiowi.

1 Pierre 3:16

Ɛnɛ atɔ yo nɛ mɔka sila, nɛ ɛnɛ aba hio wi ndɔng nɛ zioa. Dea nde, ingɔmɔ sila pɛ ɛnɛ adung nɛ saa. Tuka ɛngi, foy beba hio wi, ka tɔ gdanga lingtɛ ɛnɛ, nɛ ka ya ɛnɛ hazu ɛnɛ ha dea dedemɔ, ka Christ ngoya.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

2 Pierre 1:7

Dungɔa nɛ mboazu bede nde, ɛnɛ angoy fin may tuka hio gdiya. Nɛ ngoya may bede nde, ɛnɛ angoy fin hio olo wi fɛt.

Rome 10:4

Yo nê Christ ka lɛmsara goto mbonga pɛ Moïse. Hio wi fɛt ka mɛkiri Christ tɛ bo nê *nzeng wi ha li Sɔ.

Tite 1:15

Ka sila hio ma wi nɛ saa ha li Sɔ, mɔ fɛt nɛ saa ha wal pɛ mbwa. Ma, pɛ wi ndɔng ka sila mbwa nɛ nzing, nɛ ka tɛ mɛkiri Sɔ na, ma mɔ ndang bo nɛ saa ha wal pɛ mbwa na. Hazu, takaramɔ pɛ mbwa nɛ ingɔmɔ sila pɛ mbwa nɛ nzing ha li Sɔ.

1 Timothée 3:9

Mbwa apam tɛwen hazu mɛkaramɔ ka Sɔ gbasa yo, nɛ saa ingɔmɔ sila.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

1 Pierre 4:8

Pen fɛt, ɛnɛ abhɔn ka ha ngoya may nɛ sila ɛnɛ fɛt. Hazu, ngoy bisi dɔka *sɛmbɔ.

Jacques 4:8

Ɛnɛ tiki tɛ ha pɛ Sɔ, nɛ Sɔ fin betɛ sanga nɛ ɛnɛ. Ɛnɛ hio *wan-de gdangamɔ, ɛnɛ tay kɔ ɛnɛ! Nɛ ɛnɛ hio wan-sila bwa, ɛnɛ sasisi sila ɛnɛ!

Deamɔ 23:1

Paul zɔka hio wan-kpo zuwen gdoo, nɛ a tɔa: «Hio ya mi, ingɔmɔ sila pɔm gbasa ha mi nde, swe fɛt, mi dungɔ nɛdedea ha li Sɔ gbo ha swe mɛsɛ.»

1 Jean 3:3

Mɛgi, wi fɛt ka gde tazu ha tɛ Christ nde, mɔ behɔ mɛgi, lɛma nde, mbwa ade tɛ mbwa nɛ nzɔya tuka Christ nɛ nzɔya.

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.

1 Korente 13:1

Ka mi wol mɔ nɛ nu pɛ hio wi nɛ pɛ hio *telenge, ma, ka mi ngoy hio wi na, gɛl mi tɛ bo nê kenge keng-keng, mana bio ngbum-ngbum.

Rome 14:15

Ka mɛ ha ngɔtɛ ha ya mɛ nɛ wal yɔnga tili yɔngamɔ mɛgi, yo osi nde, mɛ bo fin ha ngoya wɛnɛ na. Christ fea gɔn zu ya mɛ, mɛgi dea nde, ka mɛ abhondisi wɛnɛ nɛ wal yɔngamɔ pɛ mɛ na.

Rome 9:1

Mi nê wi pɛ Christ, mɛgi mi ha tɔa tɛwen. *Nzɔy-Sɔtɛ gbesi hinɛ ingɔmɔ sila pɔm ha kɛa wena. Wen ka mi betɔ sising, yo bo nê dalo na.

Deamɔ 24:16

Yo nê ɛngi, ka mi gbɛngsi tɛ mi hazu pam sila mi swe fɛt nɛ saa ha li Sɔ nɛ ha li hio wi.

Deamɔ 15:9

Sɔ tɛ gba soko ɔ hinɛ mbwa na. A sasasa sila mbwa hazu mbwa mɛkara Jésus.

Matthieu 12:35

Dede wi gbosisi nɛ dedemɔ ka don zang sila wa. Nɛ gdanga wi gbosisi nɛ gdangamɔ ka don zang sila wa.

Matthieu 5:8

Totɛ ha hio wi ndɔng ka sila mbwa nɛ saa, hazu mbwa bezɔk Sɔ!

1 Jean 3:23

Nɛ mbonga ka Sɔ haa ha ɔ, yo nde, ɔ amɛkiri ling Jésus-Christ, Bewei pɛa. Nɛ nde, ɔ angoy may lɛm nɛ mbonga ka Christ haa ha ɔ.

Hebro 13:18

Ɛnɛ gɔ Sɔ hazu ɔ. Ɔ ingɔ nɛdedea nde, ingɔmɔ sila pɛ ɔ nɛ saa, hazu ɔ ngoya de dedemɔ ha zang mɔ fɛt.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

Rome 12:9

Ɛnɛ ngoy hio wi nɛ ngoy ka bo nɛ sila bwa na. Ɛnɛ bhɛsiri dea gdangamɔ nɛkpasa. Nɛ ɛnɛ dolsi tɛ ɛnɛ ha mɔ ka dung nɛ dedea.

1 Timothée 1:18

Timothée, bem pɔm, mi gde osamɔ ɛngɛ ha kɔ mɛ lɛm nɛ hio kuliwen ka ɛ batɔ sɔngsi hazu mɛ. Tazu mɛ agba nɛ wen ndɔng tuka nde, mɛ aku yo bi nɛ dede bulo.

1 Jean 3:10

Mɛgi, mɔ ka gba soko bem pɛ Sɔ nɛ bem pɛ gdanga sɔ, yo nê ɛngɛ: Wi ka de mɔ nzeng na, nɛ ka ngoy ya wa na, wɛnɛ bo nê bem pɛ Sɔ na.