Biblia Todo Logo
Bib sou entènèt

- Piblisite -




1 Pierre 5:9 - Takarata pɛ Sɔ Mbombe Mbon

9 Ɛnɛ zati ha li wa, nɛ ɛnɛ bhɔn ka ha mɛkara Sɔ, hazu ɛnɛ ingɔ fɛt nde, hio ya ɛnɛ ha Christ ha nzan fɛt, mbwa ha kpaa ndangtɛ yeksamɔ fin tuka ɛnɛ.

Gade chapit la Kopi




1 Pierre 5:9
24 Referans Kwoze  

Mɛgi ɛnɛ hil nɛ mɛndi ha si Sɔ. Ɛnɛ zati ha li *Satan, nɛ wɛnɛ beyu ɛnɛ pen nɛyɛa.


Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»


Sɔ saa ɛnɛ mɛ de mɛgi hazu Christ nɛ pɛa tɛ kpaa yeksamɔ hazu ɛnɛ fin. A osa wal ha ɛnɛ nde, ka ɛnɛ ade mɔ tuka ka wɛnɛ dea.


Mɔ ka sɛbhili ɛnɛ, yo nê ndangtɛ mɔ ka sɛbhili hio wi fɛt. Ma, Sɔ nɛ mboazu, wɛnɛ lɛm mɛkiri nde, mɔ asɛbhili ɛnɛ pen zu ngatɛ pɛ ɛnɛ na. Ma, wɛnɛ beha ɛnɛ ngatɛ mɛ yɔng yini ha zang *sɛbhalamɔ, nɛ wɛnɛ beosi ha ɛnɛ wal mɛ kpɔy ha yo.


Ey, hio wi benamili ɛ ndɔng fɛt ka ngoy dung nɛ mboazu ha li Sɔ nɛ wal dea sɔy hinɛ Jésus-Christ.


Ngimɔ fɛt, ha bhandi fɛt, ɛnɛ ku mɛkaramɔ ba ha kɔ ɛnɛ tuka kɛlɛ. Mɛgi, ka Satan bepi hio sɛ ka we ha nua, ɛnɛ beguy yo fɛt.


Totɛ ha ɛnɛ, ka ɛnɛ kpa yeksamɔ hazu ɛnɛ ha dea nzengmɔ. Ka ɛnɛ ayu ke hio wi na, nɛ ka sila ɛnɛ abhunziki na.


Nɛ wal mɛkara Sɔ, mbwa gana zu hio mbing kandɔ ha bulo, mbwa dea nzengmɔ, nɛ mbwa kpaa nde, Sɔ dea mɔ ka wɛnɛ bagɔn nu mɛ de. Mbwa gdɔka nu hio dila,


Mɛ bi dede bulo ha wal mɔ Sɔ tuka nde, mɛ akpa *tunɔ kpoo tuka kɛamɔ. Sɔ saa mɛ hazu kpa yo ha ngimɔ ka mɛ kɛa wen mɛkaramɔ pɛ mɛ ha li hio dɔka wi.


Mɛgi, sila ɛnɛ lɛm bhunziki ha zang yeksamɔ ndɔng na. Ɛnɛ ingɔ nɛ pɛ ɛnɛ tɛ nde, yeksamɔ ha soko hio mɔ ka Sɔ bheka hazu ɔ.


Ka ɛnɛ agde nde, *Satan agan zu ɛnɛ, na.


Ɛ aa bu gbambusa ha tɛ mbwa fɛt. Nɛ ɛ tɔa ha mbwa nde, dɔka hio sɔy-tom pɛ mbwa nɛ hio ya mbwa ndɔng ka befe ha kɔ hio wi gbesi tuka mbwa, dɔka mbwa tɛ lɛm ka na. Mɛgi mbwa aɔm tɛ mbwa tikiring keri nɛ hio ya ndɔng.


Ma, ɛnɛ ade totɛ, hazu ɛnɛ kpa sɔna nɛ ndangtɛ yeksamɔ ka Christ bakpa. Mɛgi, ɛnɛ bede fin totɛ pen mɔ sɔngsi ha yala ka Christ begbasi tɛ wa nɛ *lɛkɛ-lɛkɛmɔ pɛa.


Mɛgi ɛnɛ ade gasa totɛ hazua, ngase ka yo lɛma ha ma bebe ngimɔ nde, ɛnɛ akpa ngɔtɛ sising nɛ wal mɔ nɛtɛ-nɛtɛ ka we sila ɛnɛ.


Ngase ka mi bo ha soko ɛnɛ na, mi ha soko ɛnɛ nɛ wal takaramɔ pɔm. Nɛ mi nɛ totɛ ha zɔka nde, ɛnɛ ha dea mɔ nɛ wala, nɛ ɛnɛ bhɔna ka nɛ nɔa nging ha mɛkara Christ.


Mi tɔa wen ndɔng ha ɛnɛ bingiri tuka nde, ɛnɛ fɛt ka dol tɛ hinɛ mi, ɛnɛ adung nɛ gaamɔ. Ɛnɛ bekpa yeksamɔ ha kɔ wi mɔ nzan. Ma, ɛnɛ ba da hazu mi gana zu nzan kari!»


Mi kiforo wen ha wɛnɛ: «Gasa wi pɔm, yo nê mɛ ha ing mbwa.» Nɛ wɛnɛ tɔa ha mi: «Yo nê hio wi ndɔng ka gboa ha zang gasa yeksamɔ. Mbwa fala la tɛ mbwa ha zang tɔktɛ Besami gde nɛ bua.


Ma, mi gɔa Sɔ hazu mɛ nde, ka mɛ alak mɛkaramɔ gde na. Nɛ hapata, ka mɛ bekifiri fin ha pɔm, lɛma nde, mɛ angasisi hio ya mɛ.»


Mi nê Jean, ya ɛnɛ. Nɛ wal Jésus, ɔ hinɛ ɛnɛ tɛ bo nê sɔy ha yeksamɔ, ha *Kongakandɔ pɛ Sɔ, nɛ ha keramɔ nɛ yikosila. Ɛ baa mi tomsi ha kisi ka ɛ sa nde Patmos, hazu mi bulo wen pɛ Sɔ nɛ tɛwen ka Jésus kɛ wena.


Mi bio dede bulo, mi lɛmsara sɔawi ha kpakpay kari, mi pama mɛkara Christ nɛ nɔa.


Sɔ ha ndulso hio bewei pɛa fɛt mɛgi. Nɛ ka wɛnɛ ndulsi ɛnɛ na, ki ɛnɛ bo nê hio ngbak bewei pɛa na, ma, ɛnɛ nê bekɔ sɔna.


Swiv nou:

Piblisite


Piblisite