1 Pierre 4:2 - Takarata pɛ Sɔ Mbombe Mbon

² Angiri sising, ha ngimɔ fɛt ka ɛnɛ bhɔna nɛ zutunɔ, dea nde, ɛnɛ ade sɔna nɛ mɔ ka Sɔ ngoya. Ka ɛnɛ ade fin hio mɔ ka tɛ ɛnɛ ngoya na.

1 Pierre 4:2 Referans Kwoze

1 Pierre 1:14

Ɛnɛ ze nu Sɔ hazu ɛnɛ nê hio bem pɛa. Sɔngsi, ha ngimɔ ka ɛnɛ tɛ ze ka *Dede Wen na, ɛnɛ dungɔ ha gdea tɛ ɛnɛ ha gola hio gdangamɔ. Ma, sising, ka ɛnɛ ade mɔ mɛgi fin na.

Efeze 6:6

Lɛma nde, ka ɛnɛ ade yo nɛ peali mana hazu ki longo pɛ wi na. Ma, ɛnɛ ade yo tuka hio bala pɛ Christ ka ha sila mbwa fɛt ha dea mɔ ka Sɔ ngoya.

Rome 6:11

Yo gbesi fin nɛ ɛnɛ. Ɛnɛ zɔk tɛ ɛnɛ tuka hio fiowi ka bo fin nê bala ha si gdangamɔ na, nɛ tuka hio tunɔ wi hazu Sɔ nɛ wal dea sɔy hinɛ Jésus-Christ.

2 Korente 5:15

A fea gɔn zu wi fɛt tuka nde, hio wi ka kpaa mbombe tunɔ, ade fin mɔ hazu mbwa nɛ pɛ mbwa tɛ na, ma, hazu wɛnɛ, ka fea gɔn zu mbwa, nɛ ka guotɛ ha soko hio fiowi.

Efeze 2:3

Ɔ fɛt, ɔ badung fin gbesi tuka mbwa. Ɔ badung ka fin ha dea mɔ ka multɛ ɔ ngoya. Ɔ badung ha gdea tɛ ɔ ha hio mɔ ka multɛ nɛ sila ɔ gola. Hazu ndɔkitɛ ɔ dungɔ mɛgi, ɔ lɛma nɛ ngambi pɛ Sɔ tuka hio olo wi fɛt.

Rome 6:2

Way! Yo bo mɛgi na. Ɔ tɛ bo nê hio fiowi ka bo fin nê bala ha si gdangamɔ na. Ɔ bede fin mɛng mɛ bhɔn ha dea gdangamɔ, ge nde?

Efeze 4:17

Ɛnɛ ze, nɛ ling *Kongawan mi tɔ ha ɛnɛ nɛkpasa nde, ɛnɛ akarsi mɛ de mɔ tuka wi ndɔng ka ing Sɔ na. Hazu deamɔ pɛ mbwa tɛ nɛ wal tum takaramɔ.

Rome 14:7

Hazu, ha soko ɔ, ma wi ka dung nɛ zutunɔ hazu tɛ wa nɛ pɛa tɛ bona. Nɛ ma wi ka fe hazu tɛ wa nɛ pɛa tɛ bona.

1 Pierre 2:1

Hazu ɛngi, ɛnɛ akafi tili gdangamɔ fɛt: Ka ɛnɛ atɔ dalo na, ka ɛnɛ ade gdanga dambari na, ka ɛnɛ ade silamɔ na, nɛ ka ɛnɛ atɔ gdanga lingtɛ na.

Jean 7:17

Wi ka ngoy de mɔ ka sila Sɔ ngoya, wɛnɛ being nde, mana osamɔ pɔm tɛ nɛ wal Sɔ, mana mi ha wola nɛ mɔ nɛ pɔm tɛ.

Marc 7:21

Hazu hio gdanga takaramɔ gutɛ ha sila, mɛgi hio wi dea li bhoko, zuo mɔ, gbɛa wi,

Marc 3:35

Hazu wi ka de mɔ ka Sɔ ngoya, wɛnɛ nê ya mi mɔ wei, mɔ bhoko, nɛ nana mi.»

1 Jean 2:17

Nzan nɛ hio mɔ fɛt ka wi gol ang bepen. Ma, wi ka de mɔ ka Sɔ ngoya, bebhɔn pɛa nɛ zutunɔ kpoo.

Jacques 1:18

Yo nê wɛnɛ nɛ tɛ wa ha ngoy mɛ ha ɔ tunɔ kpoo. A haa yo ha ɔ nɛ wal wen pɛa ka dung nê tɛwen, tuka nde, ɔ adung hio bosi wi ha soko mɔ fɛt ka wɛnɛ dea.

Hebro 13:21

Sɔ alɛmsiri ɛnɛ mɛ de hio dedemɔ fɛt, ka sila wa ngoya nde, ɛnɛ ade. Nɛ wal Jésus-Christ, wɛnɛ aha ɛnɛ ngatɛ mɛ de mɔ ka ha totɛ ha wɛnɛ. *Lɛkɛ-lɛkɛmɔ ha kɔ Jésus-Christ kpoo nɛ kpoo. Amen.

1 Tesalonike 5:18

Ɛnɛ aha oeba ha Sɔ ha zang mɔ fɛt. Hazu Sɔ ngoya nde, ɛnɛ ka de sɔy hinɛ Jésus-Christ, ɛnɛ ade mɛgi.

Kolose 1:9

Yo nê ɛngi, angiri ha swe ka ɔ zea nɛ kasi tɛ ɛnɛ, ɔ bhɔna ka ha gɔa Sɔ hazu ɛnɛ ngimɔ fɛt. Ɔ ha gɔa wɛnɛ nde, Nzɔy-Sɔtɛ adonsi ɛnɛ nɛ ingɔmɔ nɛ mbaramɔ fɛt tuka nde, ɛnɛ aing mɔ ka Sɔ ngoya.

Efeze 5:17

Ka ɛnɛ adung tuka hio tamtum wi na. Ma, ɛnɛ ki wal hazu ing mɔ ka Kongawan ngoya nde, ɛnɛ ade.

Rome 12:2

Ka ɛnɛ azɔk nɛ ndɔki deamɔ pɛ wi mɔ nzan hazu de nɛ pɛ ɛnɛ na. Ma, ɛnɛ gde Sɔ aha ɛnɛ mbombe ndɔki takaramɔ hazu kpali ɛnɛ nɛ mbombe wi. Ka ɛnɛ de mɛgi, ɛnɛ being gbaa soko mɔ ka Sɔ ngoy. Wɛnɛ ngoy mɔ ka dung nɛ dedea, ka ha totɛ ha wɛnɛ, nɛ ka lɛm wɛɛ.

Rome 7:4

Hio ya mi, yo fin gbesi nɛ ɛnɛ. Ɛnɛ tɛ bo nê hio fiowi ha li mbonga, hazu Christ fea gɔn nɛ zu ɛnɛ. Sising, ɛnɛ nê hio wi pɛ Christ, ka Sɔ guo wɛnɛ ha soko hio fiowi. Yo nê ɛngi, ka ɔ lɛma mɛ de dede tom ha Sɔ.

Jean 1:13

Wi ndɔng tɛ dung bem pɛ Sɔ nɛ wal ndɔki bhɛ na. Ma, yo nê Sɔ ka haa mbwa mbombe tunɔ.

Matthieu 21:31

O ha soko bem ndɔng bwa dea mɔ ka sila bafa mbwa ngoya, o nde?» Nɛ mbwa tɔa ha Jésus: «Yo nê kaya.» Nɛ Jésus tɔa ha mbwa: «Kpasawen, mi tɔ ha ɛnɛ nde, hio wan-ndɛm mbɔli garama nɛ hio bhoko-de wanza bele ha *Kongakandɔ pɛ Sɔ sɔngsi ɛnɛ.

Matthieu 12:50

Hazu wi ka de mɔ ka Bafa mi ha zang ngɔn ngoya, wɛnɛ nê ya mi mɔ bewei, mɔ bebhoko, nɛ nana mi.»

Matthieu 7:21

«Hio wi ang ka sa mi nde, *Kongawan, Kongawan. Ma, mbwa fɛt lɛm le ha *Kongakandɔ Ngɔn na. Yo sɔna nê wi ndɔng ka de mɔ ka Bafa mi ka dung ha zang ngɔn ngoya.

Kolose 4:12

Epafras, wi pɛ ɛnɛ, fana ɛnɛ. Wɛnɛ nê wan-tom pɛ Jésus-Christ ka gbɛngsi tɛ swe fɛt ha gɔa Sɔ hazu ɛnɛ nde, sila ɛnɛ adon lɛtɛtɛ nɛ mɛkaramɔ ka lɛma wɛɛ, nɛ nde, ɛnɛ ade mɔ ka Sɔ ngoya ha mɔ fɛt.

Kolose 3:3

Hazu ɛnɛ fea kari, nɛ tunɔ pɛ ɛnɛ ha wuso tɛ hinɛ Christ hapɛtɛ Sɔ.

Matthieu 20:4

A tɔa ha mbwa: ‹Ɛnɛ nɛ ha gɔma fɔ pɔm, nɛ mi beha ɛnɛ mbɔli ka lɛma.›