1 Pierre 3:14 - Takarata pɛ Sɔ Mbombe Mbon

¹⁴ Totɛ ha ɛnɛ, ka ɛnɛ kpa yeksamɔ hazu ɛnɛ ha dea nzengmɔ. Ka ɛnɛ ayu ke hio wi na, nɛ ka sila ɛnɛ abhunziki na.

1 Pierre 3:14 Referans Kwoze

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

2 Korente 12:10

Mi nê mɔka wi, hio wi ha yaa mi, hio mɔ ha kɔpa mi, hio wi ha namala mi, nɛ hio yeksamɔ ha kpaa mi hazu mi nê pɛ Christ. Ma, mi nɛ totɛ ha zang mɔ ndɔng fɛt, hazu ka mi nɛ mɔkaa, mi nɛ ngatɛ.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

Jean 14:27

«Hazu kɛ tɛ nɛ ɛnɛ, mi gde gaamɔ ha sila ɛnɛ. Yo nê gaamɔ pɔm, ka mi ha ha ɛnɛ. Yo bo nê gaamɔ ɛngɛ ka hio wi mɔ nzan ha na. Ka ɛnɛ adung nɛ nɔzang na, nɛ ka ɛnɛ ayu ke na.

Jean 14:1

Jésus tɔa ha hio *wan-yambimɔ pɛa: «Ka ɛnɛ adung nɛ nɔzang na. Ɛnɛ mɛkiri Sɔ, nɛ ɛnɛ mɛkiri fin mi.

Marc 10:29

Jésus kiforo wen: «Kpasawen, mi tɔ ha ɛnɛ nde, ka ma wi laka twa pɛa, hio ya wa mɔ bewei nɛ mɔ bebhoko, nana wa, bafa wa, hio bem, mana fɔ pɛa gde hazu mi nɛ hazu *Dede Wen,

Marc 8:35

Hazu wi, ka ngoy kpasisi tunɔ pɛa, a beyɔsisi yo. Ma, wi ka yɔsisi tunɔ pɛa hazu wɛnɛ mɛkara mi nɛ *Dede Wen pɛ Sɔ, a bekpasisi yo.

Matthieu 19:29

Nɛ wi ndang ndang fɛt ka belak twa pɛa, hio ya wa, bafa wa, nana wa, hio bem, mana fɔ pɛa gde hazu mi, wɛnɛ bekpa mɔ ze gɔmmay ndang pen mɔ sɔngsi. Nɛ wɛnɛ bekpa tunɔ kpoo.

Matthieu 16:25

Hazu wi ka ngoy kpasisi tunɔ pɛa, a beyɔsisi yo. Ma, wi ka beyɔsisi tunɔ pɛa hazu mi, a bekpa yo kpoo.

1 Pierre 3:6

Deamɔ pɛ Sara dungɔ fin gbesi. A dungɔ ha zea nu wei pɛa Abraham, nɛ a saa wɛnɛ nde, kongawan pɛa. Sising, ɛnɛ tɛ bo nê hio bem pɛa, ka ɛnɛ de dedemɔ, nɛ ka sila ɛnɛ bo nɛ ke ha dea yo na.

Matthieu 10:39

Wi ka ngoy pama tunɔ pɛa, wɛnɛ beyɔsisi yo. Ma, wi ka yɔsisi tunɔ pɛa hazu wɛnɛ nê wi pɔm, wɛnɛ bekpa yo.»

Filipe 1:29

Nɛ wal dede sila pɛa, Sɔ weka ɛnɛ bo sɔna hazu mɛkiri Christ na, ma, fin nde, ɛnɛ akpa yeksamɔ hazu ɛnɛ nê pɛa.

Matthieu 10:31

Mɛgi ka ɛnɛ ayu ke na, hazu ha li Sɔ, ɛnɛ nɛ zioa pen zugili nadɔle.»

Deamɔ 9:16

Nɛ mi beosi ha wɛnɛ dɔka yeksamɔ, ka lɛma nde, wɛnɛ akpa hazu ling mi.»

Jacques 5:11

Hio wi ndɔng ka dung nɛ yikosila ha zang yeksamɔ, ɔ tɔ nde, mbwa nɛ totɛ. Ɛnɛ zea kasi yikosila pɛ Job. Nɛ ɛnɛ ingɔ wal ka Sɔ karsa yeksamɔ pɛa ha kpogioa. Ey, Kongawan ha dea ngay nɛ kobhe tɛ wi.