1 Pierre 3:11 - Takarata pɛ Sɔ Mbombe Mbon

¹¹ Lɛma nde, wɛnɛ akafi dea gdangamɔ, wɛnɛ ade nɛ dedemɔ, nɛ wɛnɛ andari ha kio gaamɔ nɛ wi fɛt.

1 Pierre 3:11 Referans Kwoze

Matthieu 5:9

Totɛ ha hio wi ndɔng ka gde gaamɔ ha soko wi, hazu Sɔ besa mbwa nde, hio bem pɛa!

Hebro 12:14

Ɛnɛ aki wal mɛ dung nɛ gaa hinɛ hio wi fɛt, nɛ ɛnɛ aki wal mɛ dung nɛ nzɔya ha li Sɔ. Hazu, wi ka de mɛgi na, lɛm zɔk *Kongawan na.

Rome 14:19

Hazu ɛngi, ɔ gbɛngsi tɛ ɔ hazu de mɔ ka ha gaamɔ ha hio wi, nɛ hazu gbakiri may mɛ kpɔtɛ ha wal mɔ Sɔ.

Kolose 3:15

Dea nde, gaamɔ pɛ Christ angbɔsi sila ɛnɛ. Hazu Sɔ saa ɛnɛ ha gaamɔ ɛngɛ tuka nde, ɛnɛ adung tɛ ndang. Ɛnɛ aha oeba ha Sɔ ha wena.

Rome 14:17

Hazu, *Kongakandɔ pɛ Sɔ, yo zɔk wen yɔngamɔ nɛ nɔa mɔ na. Ma, yo zɔk wen dea nzengmɔ, gaamɔ, nɛ totɛ ka tɛ nɛ wal *Nzɔy-Sɔtɛ.

Rome 12:18

Pɛ ɛnɛ, ka wal ang, ɛnɛ adung nɛ gaamɔ hinɛ hio wi fɛt.

3 Jean 1:11

Ndɔngsila mi, ka mɛ azɔk dea gdangamɔ mɛ de nɛ pɛ mɛ na. Ma, mɛ zɔk dea dedemɔ mɛ de nɛ pɛ mɛ. Wi ka de dedemɔ, wɛnɛ nê wi pɛ Sɔ. Ma, wi ka de gdangamɔ, wɛnɛ tɛ zɔk Sɔ na.

Jacques 4:17

Mɛgi, wi ka ingɔ wal mɛ de dedemɔ, nɛ ka de yo na, wia dea gdangamɔ.

Hebro 13:16

Ka tazu ɛnɛ abisi nɛ dea dedemɔ nɛ dea ngay ha tɛ may na, hazu yo nê tili sadaka mɛgi ka ha totɛ ha Sɔ.

1 Timothée 6:18

Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.

Galasi 6:10

Mɛgi, ha ngimɔ pɛ ɔ fɛt, ɔ ade dedemɔ ha tɛ hio wi fɛt mburr, pen fɛt ha tɛ hio ya ɔ ha zang mɛkara Christ.

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

Rome 8:6

Wi ka de mɔ nɛ tɛ wa, wɛnɛ befe. Ma, wi ka de mɔ nɛ Nzɔy-Sɔtɛ, wɛnɛ bekpa tunɔ nɛ gaamɔ.

Rome 7:21

Mi kpaa nde, ma mbing mbonga dung ang ka tɔ nde, mi nɛ hɛl mɛ de dedemɔ, ma, mi ha dea kanɛ gdangamɔ.

Rome 5:1

Ey, Sɔ gdea ɔ nzeng ha li wa hazu ɔ mɛkara wɛnɛ. Mɛgi, sising, ɔ tɛ bo nɛ gaamɔ ha soko ɔ hinɛ wɛnɛ nɛ wal mɔ ka *Kongawan pɛ ɔ, Jésus-Christ, dea.

Jean 17:15

Mi tɛ gɔ mɛ hazu nde, mɛ agu mbwa ha nzan yunɛ na. Ma, mi gɔ mɛ nde, mɛ apam mbwa, yu nde, *Satan betɛ de gdangamɔ ha tɛ mbwa.

Matthieu 6:13

Lesisi ɔ ha *sɛbhalamɔ na, ma, kpasisi ɔ gbo ha gdangamɔ. [Hazu kongakandɔ, nɛ ziomɔ, nɛ *lɛkɛ-lɛkɛmɔ dung ha kɔ mɛ kpoo. Amen.]›

Matthieu 5:45

Ka ɛnɛ de mɛgi, ɛnɛ bedung nê bem pɛ Bafa ɛnɛ ka dung ha zang ngɔn. Hazu wɛnɛ ha dea nde, swe aba ha zu dede wi nɛ ha zu gdanga wi fɛt gbesi, nɛ nde, kolo aɔl ha zu *nzeng wi nɛ ha zu *kalbho-kalbho wi fɛt gbesi.

Rome 7:19

Mi bo ha dea dedemɔ ka mi ngoy mɛ de na, ma, mi kpala tɛ de nɛ gdangamɔ ka mi kafa.

Dede Wen hazu Jésus-Christ ka Luc ngɛraka 6:35

Ma, ɛnɛ angoy hio ngana pɛ ɛnɛ, nɛ ɛnɛ ade dedemɔ ha tɛ mbwa. Ɛnɛ aha mbee ha ma wi, ma ɛnɛ atakiri hazu wen kiforo yo na. Ka ɛnɛ de mɛgi, mɔ-kɛ ɛnɛ nɛ gasaa ha zang ngɔn, nɛ ɛnɛ bedung hio bem pɛ Sɔ, ka dung ha kuso ngɔn. Hazu wɛnɛ ha dea dedemɔ fin ha tɛ hio gdanga wi, nɛ ha tɛ wi ndɔng ka ing tɔa ‹oeba› na.

Dede Wen hazu Jésus-Christ ka Luc ngɛraka 6:9

Nɛ Jésus tɔa ha mbwa: «Mi ani ɛnɛ nde, mbonga pɛ ɔ haa wal mɛ de nɛ ge? Dede mɔ mana gdanga mɔ? Kpasasa tunɔ mana yangala tunɔ pɛ wi?»

Dede Wen hazu Jésus-Christ ka Luc ngɛraka 1:79

Saamɔ kɛ beba ha zu wi, ka mbwa dungnu ha zang tutum. Saamɔ kɛ beba ha zu wi, ka dung ha si fio. Nɛ yo beyolsi nanga ɔ, nɛ yo bengbɔsi ɔ, tuka nde, ɔ fɛt anɛ nɔ ha dede wal gaamɔ pɛ Sɔ.»

Marc 14:7

Hazu hio fabha wi dung hinɛ ɛnɛ kpoo. Nɛ ɛnɛ lɛma de dedemɔ ha tɛ mbwa ha ngimɔ ka sila ɛnɛ ngoya. Ma, pɔm, mi lɛm dung hinɛ ɛnɛ kpoo na.

1 Pierre 3:12

Hazu, gbali *Kongawan ha zɔka hio *nzeng wi, wɛnɛ ha lɛnga zala ha gɔamɔ pɛ mbwa. Ma, wɛnɛ ha sungoro hio *wan-de gdangamɔ.»