1 Pierre 2:15 - Takarata pɛ Sɔ Mbombe Mbon

¹⁵ Hazu Sɔ ngoya nde, ɛnɛ ade dedemɔ hazu gdɔki nu hio yera wi ndɔng ka ing mɔ na.

1 Pierre 2:15 Referans Kwoze

1 Pierre 3:17

Ka ɛnɛ de dedemɔ nɛ Sɔ ngoya nde, ɛnɛ akpa yeksamɔ ha wena, ɛngɛ nɛ dedea pen nde, ɛnɛ akpa yeksamɔ nɛ wal dea gdangamɔ.

Tite 2:8

Mɛ osi mɔ nzeng ka ɛ lɛm sungiri yo na, tuka nde, foy ade hio ngana pɛ ɔ hazu mbwa lɛm tɔ ma gdanga wen ha tɛ ɔ na.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

Matthieu 7:26

Ma, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo na, mbwa gbesi tuka yera wi ka bɛa twa pɛa ha zu lembe.

1 Tesalonike 5:18

Ɛnɛ aha oeba ha Sɔ ha zang mɔ fɛt. Hazu Sɔ ngoya nde, ɛnɛ ka de sɔy hinɛ Jésus-Christ, ɛnɛ ade mɛgi.

1 Tesalonike 4:3

Mɔ ka sila Sɔ ngoya, yo nde, ɛnɛ adung nê nzɔy wi, nɛ ka ɛnɛ ade wanza na.

2 Pierre 2:12

Ma, hio wi ndɔng de mɔ nɛ wal multɛ tuka hio sari bɛlɛ, ka ɛ bhɛ mbwa nde, hio wi aba mbwa gbɛ. Mbwa ha fɛngsa hio mɔ ka mbwa ing na. Sɔ bebhondisi mbwa tuka hio sari bɛlɛ.

Rome 1:21

Hazu, ngase ka mbwa ingɔ nde Sɔ ang, mbwa lukisi wɛnɛ tuka Sɔ na, nɛ mbwa tɔ oeba ha wɛnɛ na. Ma, mbwa kpala tɛ takiri nɛ hio tum mɔ, nɛ mbwa tɛ bo nê yera wi ka dung ha zang tutum.

Jude 1:10

Hio wi ndɔng ha fɛngsa mɔ ka mbwa ing gotoa na. Ma, hio mɔ ndɔng, ka mbwa ingɔ dea yo nɛ wal multɛ tuka hio sari bɛlɛ, yo nê mɔ ndɔng fɛt ka bebhondisi mbwa.

1 Pierre 4:2

Angiri sising, ha ngimɔ fɛt ka ɛnɛ bhɔna nɛ zutunɔ, dea nde, ɛnɛ ade sɔna nɛ mɔ ka Sɔ ngoya. Ka ɛnɛ ade fin hio mɔ ka tɛ ɛnɛ ngoya na.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

Galasi 3:1

Woo! Ɛnɛ, hio wi mɔ Galasi, zu ɛnɛ bona! Nge wi ha osili ɛnɛ, o nde? Bo nê mi gbasa wal ka Jésus-Christ fea nɛ ha getakate ha li ɛnɛ fɛt long, na nde?

Matthieu 25:2

Mɔrkɔ ha soko mbwa nɛ yera, mɔrkɔ nɛ zɔma.

1 Pierre 3:16

Ɛnɛ atɔ yo nɛ mɔka sila, nɛ ɛnɛ aba hio wi ndɔng nɛ zioa. Dea nde, ingɔmɔ sila pɛ ɛnɛ adung nɛ saa. Tuka ɛngi, foy beba hio wi, ka tɔ gdanga lingtɛ ɛnɛ, nɛ ka ya ɛnɛ hazu ɛnɛ ha dea dedemɔ, ka Christ ngoya.