1 Jean 4:1 - Takarata pɛ Sɔ Mbombe Mbon

¹ Hio ndɔngsila mi, hio wi ndɔng ka tɔ nde, *Nzɔy-Sɔtɛ ha tɛ mbwa, ka ɛnɛ amɛkiri mbwa fɛt na. Ma, ɛnɛ awe sɔtɛ ka dung ha tɛ mbwa hazu ing mana yo tɛ nɛ pɛ Sɔ. Hazu hio *wan-tɔkuliwen dalo dona nzan kari.

1 Jean 4:1 Referans Kwoze

1 Tesalonike 5:21

Ma, ɛnɛ ambari soko hio kuliwen fɛt, nɛ ɛnɛ apam ɛ ndɔng ka dung nɛ dedea.

2 Pierre 2:1

Sɔngsi bhee, hio *wan-tɔkuliwen dalo bahɔ ha soko kandɔ *Israel. Gbesi tuka ɛngi fin, hio wan-osimɔ dalo behɔ ha soko ɛnɛ. Mbwa betɛ nɛ wuso hazu osi hio kalbho-kalbho osamɔ ka begdangsi tunɔ pɛ hio wi. Nɛ mbwa bekafi Jésus-Christ, wan pɛ mbwa, ka yanga mbwa. Nɛ wal dea mɔ mɛgi, mbwa de nde, Sɔ abhondisi mbwa nɛhasa.

1 Timothée 4:1

*Nzɔy-Sɔtɛ gbasa long nde, ha kpogio ngimɔ hio ma wi belak mɛkaramɔ gde, mbwa beze nu hio sɔtɛ ndɔng ka osili wi, nɛ mbwa bendari pata osamɔ ka tɛ nɛ wal hio gdanga sɔtɛ.

2 Jean 1:7

Dɔka hio wan-osili wi dama nzan fɛt. Mbwa tɛ mɛkiri nde, Jésus-Christ yola tɛ wi na. Tili wi mɛgi nê wan-osili wi, nɛ fin wan-sungiri Christ.

1 Korente 14:29

Ka bo nê pɛ wi ka tɔ kuliwen pɛ Sɔ, wi bwa mana tar lɛma tɔ wen. Nɛ hio mbinga agba soko mɔ ka mbwa tɔa.

1 Jean 2:18

Hio bem pɔm, kpogio ngimɔ koka kari. Ɛnɛ baze nde, wan-sungiri Christ behɔ bin. Ma, sising, hio dɔka wan-sungiri Christ hɔa kari. Yo osi ha ɔ nde, kpogio ngimɔ koka kari.

Dede Wen hazu Jésus-Christ ka Luc ngɛraka 12:57

«Hazu ge ɛnɛ nɛ tɛ ɛnɛ lɛm gba soko mɔ ka dung nzeng na, ge nde?

Dede Wen hazu Jésus-Christ ka Luc ngɛraka 21:8

Wɛnɛ tɔa ha mbwa: «Ɛnɛ pangay, ka ma wi aosili ɛnɛ na. Hazu dɔka wi betɛ nɛ ling mi, nɛ mbwa betɔ: ‹Mi nê *Mesi!› nɛ mbwa betɔ fin: ‹Kpogio ngimɔ koka kari!› Ka ɛnɛ andari mbwa na.

2 Timothée 3:13

Ma, hio gdanga wi nɛ hio wan-osili wi, mbwa bebhɔn ha dea gdangamɔ nɛnɛ pen mɔ sɔngsi. Mbwa beosili hio wi, nɛ hio wi beosili mbwa fin.

Gbasamɔ 2:2

Mi ingɔ deamɔ pɛ ɛnɛ fɛt. Ɛnɛ ha dea ngatom. Ɛnɛ nɛ yikosila ha ngimɔ yeksamɔ, nɛ mi ingɔ fin nde, ɛnɛ yɛkili gdanga wi ha soko ɛnɛ na. Ɛnɛ wea sila hio wi ndɔng ka ba tɛ mbwa tuka *wan-nɛtom, ngase mbwa bo nê yo na. Nɛ ɛnɛ kpaa nde, mbwa nê hio wan-dalo.

1 Korente 12:10

Nɛ Nzɔy-Sɔtɛ ha ngatɛ ha ma wi mɛ de nɛ *mɔkifi, nɛ a ha ngatɛ ha ma mbinga mɛ tɔ nɛ kuliwen pɛ Sɔ, nɛ a ha ngatɛ ha ma fin mɛ gba nɛ soko gdanga sɔtɛ nɛ Nzɔy-Sɔtɛ. Ma wi kpa ngatɛ mɛ wol mɔ nɛ hio nu pɛ Nzɔy-Sɔtɛ, nɛ ma mbinga kpa ngatɛ mɛ bul longowen nu ndɔng.

Deamɔ 20:29

Mi ingɔ nde, ka mi pena kari, hio ma wi bele ha soko ɛnɛ, nɛ mbwa bepanziki giliwi mɔ eglize, tuka ka nyalɔ ngɔnzu panziki nɛ hio sami.

Marc 13:21

Nɛ ha ngimɔ ɛngi, ka ma wi tɔ ha ɛnɛ: ‹Ɛnɛ zɔk, *Mesi hakɛ!› Nɛ ka ma tɔ ha ɛnɛ: ‹Zɔk wɛnɛ haki!›, ka ɛnɛ amɛkiri na.

Deamɔ 17:11

Sila hio zuife mɔ le Bere nɛ dedea pen pɛ hio zuife mɔ le Tesalonike. Mbwa baa wen pɛ Sɔ nɛ *dede sila fɛt. Mbwa dungɔ ha tɔla takarata pɛ Sɔ swe fɛt hazu zɔk nde, mana wen pɛ Paul nê tɛwen.

1 Tesalonike 5:20

Ka ɛnɛ abhɛsiri hio kuliwen na.

2 Tesalonike 2:2

ka takaramɔ pɛ ɛnɛ abhunziki nɛhasa na, nɛ ka ɛnɛ ayaksi na. Hazu hio ma wi ha tɔa wen nde, swe ka Kongawan bepe nɛ hɔa kari. Mbwa ha tɔa nde, wen ɛngɛ tɛ nɛ wal *Nzɔy-Sɔtɛ, mana nɛ wal ma wen nu ɔ, mana nɛ wal ma takarata ka ɔ tomsa.

1 Jean 2:7

Hio ndɔngsila mi, yo bo nê ma mbombe mbonga ka mi ngɛriki ha ɛnɛ na. Ma, yo nê koto mbonga ɛngɛ ka ɛnɛ baze nisi ha angara. Koto mbonga ɛngɛ, yo nê wen ka ɛnɛ zea sɔngsi kari.

3 Jean 1:11

Ndɔngsila mi, ka mɛ azɔk dea gdangamɔ mɛ de nɛ pɛ mɛ na. Ma, mɛ zɔk dea dedemɔ mɛ de nɛ pɛ mɛ. Wi ka de dedemɔ, wɛnɛ nê wi pɛ Sɔ. Ma, wi ka de gdangamɔ, wɛnɛ tɛ zɔk Sɔ na.