Hazu ɛngi hio ndɔngsila mi, ha kera swe ɛngɛ, ɛnɛ agbɛngsi tɛ ɛnɛ nde, deamɔ pɛ ɛnɛ adung nɛ saa, ma wen adung ha zu ɛnɛ ha li Sɔ na, nɛ gaamɔ adung ha soko ɛnɛ hinɛ wɛnɛ.
Mɛgi, Jésus nê gasa wan-hasadaka ka lɛma nɛ ɔ. Wɛnɛ nɛ nzɔya, ma gdangamɔ mana ma wen bo ha zu wa na. Sɔ kuo wɛnɛ ha soko hio *wan-de gdangamɔ gde ha kuso ngɔn.
Ɛnɛ de mɛgi hazu ɛnɛ bhɔna ka ha gdea tazu ɛnɛ ha hio dedemɔ ka Sɔ bhɔngara gde ha ɛnɛ ha zang ngɔn, tuka ɛnɛ baze yo ha zang *Dede Wen ka dung nê tɛwen.
Nɛ wal mɔ ndɔng, Sɔ haa ɔ hio dedemɔ nɛ hio gasa mɔ ka wɛnɛ bagɔn se nua mɛ ha yo ha ɔ. Ka ɛnɛ kpaa mɔ ndɔng, ɛnɛ bedung nɛ ndangtɛ tunɔ ka Sɔ nɛ yo. Ɛnɛ bekpɔy ha mɔ ka behɔ ha hio wi mɔ nzan. Mbwa bebhondi fɛt hazu mbwa nɛ hɛl mɛ de gdangamɔ.