1 Jean 1:6 - Takarata pɛ Sɔ Mbombe Mbon

⁶ Ka ɔ tɔ nde, ɔ ha dea sɔy hinɛ Sɔ, nɛ ka ɔ bhɔna ka ha yala ha zang tutum nɛnɛ, ɔ ha tɔa dalo, nɛ ɔ ha dea mɔ, ka lɛm nɛ tɛwen na.

1 Jean 1:6 Referans Kwoze

1 Jean 4:20

Ka ma wi tɔ nde, a ngoya Sɔ, nɛ wɛnɛ ha sɛna ya wa, wɛnɛ nê wan-tɔ dalo. Hazu, ka ma wi tɛ ngoy ya wa ka dung ha li wa na, a bengoy Sɔ ka wɛnɛ zɔk na, mɛng?

1 Jean 2:4

Wi ka tɔ nde, a ingɔ Sɔ, ma, a pam hio mbonga pɛ Sɔ na, wɛnɛ nê wan-tɔ dalo, nɛ tɛwen bo ang ha tɛ wa na.

1 Jean 1:10

Ka ɔ tɔ nde, ɔ tɛ de gdangamɔ na, ki ɔ ba Sɔ tuka wan-tɔ dalo, nɛ wen pɛa bo ang ha tɛ ɔ na.

Jean 8:12

Hapata, Jésus osamɔ ha hio giliwi nɛ mbinga. A tɔa: «Mi nê saamɔ ka ba ha nzan. Wi ka ndari mi, a lɛm nɛ nɔ ha zang tutum fin na, hazu wɛnɛ kpaa saamɔ ka ha tunɔ.»

Jean 12:35

Jésus tɔa ha mbwa: «Saamɔ bhɔna ka ha soko ɛnɛ hazu bebe ngimɔ tikiring. Lɛma nde, ɛnɛ ayal ha ngimɔ ka saamɔ bhɔna ka hinɛ ɛnɛ, yu nde, tutum betɛ wang ɛnɛ. Hazu wi ka yal ha zang tutum, a ing bhandi ka wɛnɛ nɛ ang na.

Jacques 2:14

Hio ya mi, ka ma wi tɔ nde, wɛnɛ mɛkara Sɔ, nɛ deamɔ lɛm nɛ yo bona, ɛngi bede nɛ ge? Mɛkara Sɔ tuka ɛngi bekpasisi wɛnɛ mɛng?

Jean 12:46

Pɔm, mi tɛa ha nzan tuka saamɔ nde, wi ndang ndang fɛt ka mɛkiri mi, adung ha zang tutum fin na.

1 Jean 1:3

Mɔ ka ɔ zɔka nɛ li ɔ, nɛ ka ɔ zea nɛ zala ɔ, ɔ bul wena ha ɛnɛ fin tuka nde, ɔ hinɛ ɛnɛ fɛt ade sɔy. Mɛgi, ɛnɛ bede fin ndangtɛ sɔy ɛngɛ, ka ɔ ha dea hinɛ Sɔ, Bafa ɔ, nɛ Bewei pɛa, Jésus-Christ.

Jean 11:10

Ma, ka wi yal nɛ zɛ, a bekɔ nanga hazu saamɔ bo hapɛtɛ wa na.»

Jacques 2:18

Ka ma wi tɔ: «Hio ma wi mɛkara Sɔ, nɛ hio ma de pɛ mbwa nɛ dedemɔ.» Mɛgi, mi bekifiri wen: «Ka mɛ de dedemɔ na, mɛ beosi ha mi nde, mɛ mɛkara Sɔ, mɛng? Mi beosi ha mɛ nde, mi mɛkara Sɔ, nɛ wal dede deamɔ pɔm.»

1 Jean 1:8

Ka ɔ tɔ nde, ɔ bo nê *wan-de gdangamɔ na, ki ɔ osili nɛ tɛ ɔ nɛ pɛ ɔ tɛ, nɛ tɛwen bo ang ha tɛ ɔ na.

Jacques 2:16

Ka ma wi ha soko ɛnɛ tɔ ha mbwa: «Ɛnɛ si nɛdedea, ɛnɛ ayol latɛ gangmɔ, nɛ ɛnɛ ayɔngmɔ zang ɛnɛ adon!» Ma, ɛnɛ tɛ ha yɔngamɔ nɛ latɛ ha mbwa na, ɛngi bede nɛ ge?

Matthieu 7:22

Ha swe kita, dɔka wi betɔ ha mi nde, ‹Kongawan, Kongawan bo nɛ ɔ batɔ kuliwen nɛ ling mɛ na nde? Bo nɛ ɔ bayin hio gdanga sɔtɛ nɛ ling mɛ na nde? Bo nɛ ɔ bade dɔka *mɔkifi nɛ ling mɛ na nde?›

1 Timothée 4:2

Mbwa bede mɛgi hazu dambari pɛ hio wan-tɔ dalo beosili mbwa. Ingɔmɔ sila pɛ hio wan-tɔ dalo ndɔng fea kari tuka mɔ ka bea we.

Jean 8:55

ma, ɛnɛ ing wɛnɛ na. Pɔm, mi ingɔ wɛnɛ. Mi atɔ se nde, mi ing wɛnɛ na, ki mi tɔa dalo tuka ka ɛnɛ ha tɔa. Ma, mi ingɔ wɛnɛ, nɛ mi ha dea mɔ lɛm nɛ wen pɛa.