Biblia Todo Logo
Bib sou entènèt

- Piblisite -




1 Jean 1:3 - Takarata pɛ Sɔ Mbombe Mbon

3 Mɔ ka ɔ zɔka nɛ li ɔ, nɛ ka ɔ zea nɛ zala ɔ, ɔ bul wena ha ɛnɛ fin tuka nde, ɔ hinɛ ɛnɛ fɛt ade sɔy. Mɛgi, ɛnɛ bede fin ndangtɛ sɔy ɛngɛ, ka ɔ ha dea hinɛ Sɔ, Bafa ɔ, nɛ Bewei pɛa, Jésus-Christ.

Gade chapit la Kopi




1 Jean 1:3
38 Referans Kwoze  

Sɔ nɛ mboazu. Yo nê wɛnɛ nɛ pɛa tɛ ha sa ɛnɛ nde, ɛnɛ ade sɔy hinɛ Bewei pɛa, Jésus-Christ, Kongawan pɛ ɔ.


Nɛ tunɔ kpoo, yo nê ingɔ mɛ, ndanga kpasa Sɔ, nɛ ingɔ mi, Jésus-Christ ka mɛ tomsa.


Pɛ ɔ, ɔ lɛm lak bulo wen mɔ, ka ɔ zɔka nɛ zea, gde na.»


Mi gɔ mɛ nde, mbwa fɛt adung tɛ ndang gbesi tuka ɔ hinɛ mɛ, Bafa mi, ɔ dung tɛ ndang. Nɛ nde, mbwa fɛt adung tɛ ndang hinɛ ɔ, tuka nde, hio wi mɔ nzan amɛkiri nde, yo nê mɛ ka tomsa mi.


Christ ha ngasasa ɛnɛ hazu ɛnɛ nê hio wi pɛa. Ngoy ka wɛnɛ ngoya nɛ ɛnɛ ha yɔkala ɛnɛ. Ɛnɛ ha dea sɔy hinɛ *Nzɔy-Sɔtɛ. Ɛnɛ ha dea ngay ha tɛ may. Nɛ ɛnɛ ha dea kobhe tɛ may. Kpasawen, na nde?


Ma, ka ɔ ha yala ha zang saamɔ tuka Sɔ dung ha zang saamɔ, ɛngɛ osi nde, ɔ ha dea sɔy hinɛ may, nɛ tɔktɛ Jésus, *Bewei pɛ Sɔ, ha fala *sɛmbɔ pɛ ɔ fɛt yunɛ.


Ɔ ngɛriki takarata ɛngɛ ha ɛnɛ hazu wi ɛngɛ ka ɛ sa nde, Wen ka ha tunɔ. Wɛnɛ ang nisi ha ngimɔ ka Sɔ dea nzan. Ɔ zea wen nu wa nɛ zala ɔ. Ɔ zɔka wɛnɛ nɛ li ɔ. Ɔ mbara wɛnɛ. Nɛ ɔ ndɔa tɛ wa nɛ kɔ ɔ.


Lɛma nde, ɔ abhɔn ha gdea tazu ɔ ha tɛ Christ tuka ka ɔ dea nɛ ha angara mɛkara wɛnɛ. Hazu, ɔ nê hio sɔy pɛa sɔna ka ɔ de mɛgi tee hɔ ha kpogio ngimɔ.


Mɔ ka mi ngoy pentɛ, yo nde, mi aing Christ, nɛ nde, ngatɛ ka guo wɛnɛ ha soko hio fiowi ade tom ha tɛ mi fin. Yo tɔ nde, mi ngoy kpa ndangtɛ yimtɛ, ka wɛnɛ kpaa, nɛ fe tuka wɛnɛ fea.


Sising, mi wolmɔ ha ɛnɛ, hio kotowi mɔ eglize. Mi fin, mi nê kotowi. Mi zɔka ngimɔ ka Christ kpaa nɛ yeksamɔ, nɛ mi bekpa fin *lɛkɛ-lɛkɛmɔ pɛa ha ngimɔ ka wɛnɛ begbasi tɛ wa. Mɛgi, mi mbo ɛnɛ nde,


Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.


Sɔ gbosasa ɔ ha si ziomɔ tutum yunɛ, nɛ a lesasa ɔ ha Kongakandɔ pɛ Bewei pɛa ka wɛnɛ ngoya gdang.


Hazu mi osa ha ɛnɛ hio bhekamɔ pɛ Sɔ fɛt. Mi tɛ wusi ma mɔ ha li ɛnɛ ndang na.


Sɔ nê saamɔ, nɛ tutum bo ang ha tɛ wa ndang na. Ɛngɛ nê wen ka ɔ zea ha nu Jésus-Christ, nɛ ka ɔ tɔ yo ha ɛnɛ.


A tɔa ha Sɔ: «Mi betɔ wen ling mɛ ha hio ya mi, Mi bebe gima lukisi mɛ ha soko giliwi pɛ mɛ.»


Ka bala hinɛ wan pɛa fɛt mɛkara Christ, mbwa tɛ bo nê ya ha Christ. Ngase ɛngi, ka bala abhɛsiri wan pɛa na. Ma, wɛnɛ ade tom nɛdedea pen mɔ sɔngsi, hazu wan pɛa ka kpa dedemɔ ha toma, wɛnɛ mɛkara Christ, nɛ Sɔ ngoya wɛnɛ fin. Mɛ osi mɔ ndɔng ha hio wi, nɛ mɛ mbo mbwa mɛ de yo.


Yo nê dedea nde, mi atakiri mɔ hazu ɛnɛ mɛgi, hazu ɛnɛ dung ha zang sila mi. Sising mi dung ha twa zɔbhɔ, sɔngsi mi lea gdong Dede Wen nɛ bulo yo nde, hio wi amɛkiri yo nɛkpasa. Ɛnɛ bhɔna ka ha dea sɔy hinɛ mi ha zang *dede sila, ka Sɔ de ha tɛ mi ha zang mɔ ndɔng fɛt.


Mɔ ɛngɛ, yo nde: Nɛ wal Dede Wen, hio wi ndɔng ka bo nê zuife na, Sɔ beha mbwa ndangtɛ likɔ hinɛ hio zuife gbesi. Mbwa tɛ bo nê kilitɛ ndang hinɛ hio zuife gbesi. Mɛgi, mbwa bwa fɛt gbesi bekpa mɔ ka Sɔ gɔna nua nɛ wal Jésus-Christ.


Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.


Nɛ mbwa ha tɔa fin nde, ɛnɛ ha kera *Bewei pɛ Sɔ, ka begutɛ ha ngɔn pe nɛ. Bewei ɛngɛ nê Jésus, wi ka Sɔ bagu se ha soko hio fiowi, nɛ ka kpasisi ɔ gbo ha ngambi pɛ Sɔ ka betɛ bin.


Sising, hio ya mi, mi ngoy gba tazu ɛnɛ nɛ *Dede Wen ka mi batɔ ha ɛnɛ. Ɛnɛ mɛkara yo, nɛ ɛnɛ bhɔna ka ha zua nging.


Ey, mbwa kpoa zuwen mɛgi nɛ pɛ mbwa tɛ. Ma, kpasawen, mbwa nê wan-mbee pɛ hio wi pɛ Christ mɔ kandɔ *zuife. Hazu hio wi pɛ Christ mɔ hio olo kandɔ, kpaa dedemɔ ha kɔ *Nzɔy-Sɔtɛ nɛ wal mbwa. Mɛgi, lɛma ka lɛm nde, hio wi pɛ Christ mɔ hio olo kandɔ agbakiri fin mbwa nɛ mɔ kɔ.


‹Ɛnɛ zɔk, ɛnɛ hio wan-bhɛsiri wen pɛ Sɔ, ɛnɛ yaksi nɛ ɛnɛ bhondi! Hazu mi bede ma tom ha ngimɔ tunɔ pɛ ɛnɛ, ka ɛnɛ lɛm mɛkiri ha yo na, ngase ka ma wi tɔa kasia ha ɛnɛ.›»


Mɛgi, ɔ bul *Dede Wen ha ɛnɛ nde, Sɔ lɛmsara mɔ, ka wɛnɛ bagɔn se nua ha hio ngbabafa ɔ.


Mbwa dungɔ nɛ mboazu ha zea osamɔ pɛ hio wan-nɛtom, ha dungɔa nɛ sila ndang, ha kapana mampa pɛ Christ ha soko may, nɛ ha gɔa Sɔ.


Bafa mi, mɛ nɛ nzeng. Hio wi mɔ nzan ing mɛ na, ma, mi ingɔ mɛ, nɛ wi ndɔng hakɛ ingɔ nde, yo nê mɛ ka tomsa mi tɛnɛ.


Sising, mi lɛm dung fin hakɛ ha nzan na. Mi ha kiforoa si ha pɛ mɛ. Ma, mbwa bebhɔn pɛ mbwa ha nzan. Nzɔy Bafa mi, mɛ haa ziomɔ pɛ ling mɛ ha mi. Mɛgi, mɛ pam hio wi pɔm nɛ wal ziomɔ ɛngɛ tuka nde, mbwa adung tɛ ndang gbesi tuka ka ɔ hinɛ mɛ, ɔ dung tɛ ndang.


*Wan-yambimɔ ɛngɛ, ka zɔka mɔ ɛngɛ nɛ tɛ li wa, kɛa wena nde, yo nê tɛwen. Wɛnɛ ingɔ nde, a tɔa tɛwen tuka nde, ɛnɛ fin amɛkiri yo.


Ɔ batɔ wen ha ɛnɛ sɔngsi hazu tɛa pɛ *Kongawan pɛ ɔ, Jésus-Christ, ha zang ziomɔ pɛa. Ɔ tɛ tɔ hio to ka tɛ nɛ wal mbaramɔ pɛ wi na, ma, ɔ zɔka gasa kongamɔ pɛa nɛ tɛ li ɔ.


Swiv nou:

Piblisite


Piblisite