1 Jean 1:2 - Takarata pɛ Sɔ Mbombe Mbon

² Wi ɛngɛ ka ha tunɔ gbasa tɛ, nɛ ɔ zɔka wɛnɛ. Nɛ sising ɔ kɛ nɛ bul wen ha ɛnɛ nde, wɛnɛ nê *tunɔ kpoo. Wɛnɛ badung ang hapɛtɛ Sɔ, Bafa wa, ka gbasa wɛnɛ ha ɔ long.

1 Jean 1:2 Referans Kwoze

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.

Jean 1:4

Yo nê Wen ka haa tunɔ ha hio wi. Nɛ tunɔ ɛngɛ haa saamɔ ha hio wi.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

Jean 17:3

Nɛ tunɔ kpoo, yo nê ingɔ mɛ, ndanga kpasa Sɔ, nɛ ingɔ mi, Jésus-Christ ka mɛ tomsa.

1 Jean 5:11

Nɛ Sɔ kɛa wen nde, wɛnɛ haa *tunɔ kpoo ha ɔ kari, nɛ ɔ kpaa tunɔ ɛngɛ nɛ wal Bewei pɛa.

1 Jean 3:8

Ma, wi ka bhɔna ha dea gdangamɔ, wɛnɛ nê wi pɛ gdanga sɔ. Hazu gdanga sɔ bhɔna ha dea gdangamɔ bhee nisi ha ngimɔ ka Sɔ dea nzan. Nɛ *Bewei pɛ Sɔ tɛa hazu yangili tom pɛ gdanga sɔ yunɛ.

Tite 1:2

Mɛgi hio wi ndɔng begde tazu mbwa ha tɛ Sɔ nde, a beha mbwa *tunɔ kpoo. Gde ka Sɔ tɛ de ka nzan na, a bagɔn nu mɛ ha ɔ tunɔ kpoo. Nɛ Sɔ bo nê wan-tɔ dalo na.

Jean 14:6

Jésus kiforo wen ha wɛnɛ: «Mi nê liwal, mi nê tɛwen, nɛ mi nê tunɔ. Yo nê sɔna nɛ wal mi ka wi lɛma nɛ ha pɛ Bafa mi.

1 Jean 3:5

Nɛ ɛnɛ ingɔ nde, Christ tɛa hakɛ ha nzan hazu gu gdangamɔ ka ɔ dea yunɛ. Ma, pɛa, a tɛ de gdangamɔ ndang na.

2 Timothée 1:10

Sising, Sɔ osa dede sila pɛa nɛ wal tɛa pɛ Jésus-Christ, *wan-kpasisi ɔ. Wɛnɛ yangala ziomɔ pɛ fio yunɛ, nɛ a bulo Dede Wen hazu gbasi tunɔ ka bebhɔn kpoo.

Galasi 4:4

Ma, ka ngimɔ ka Sɔ baweki lɛma kari, a tomsa Bewei pɛa. Bhoko bhɛa wɛnɛ, nɛ a dungɔ ha si *mbonga pɛ Moïse.

Jean 15:27

Mɛgi, ɛnɛ betɔ wen tɛ mi fin ha hio wi. Hazu ɛnɛ dungɔ hinɛ mi nisi ha ngimɔ angara tom pɔm kanɛ swe mɛsɛ.»

Deamɔ 3:15

Mɛgi, ɛnɛ gbɛa wi ɛngɛ ka lɛma mɛ ha tunɔ ha hio wi. Ma, ɔ zɔka nɛ gbali ɔ, ka Sɔ guo wɛnɛ yunɛ ha soko hio fiowi. Nɛ ɔ ha bulo wena ha li wi fɛt.

1 Pierre 5:1

Sising, mi wolmɔ ha ɛnɛ, hio kotowi mɔ eglize. Mi fin, mi nê kotowi. Mi zɔka ngimɔ ka Christ kpaa nɛ yeksamɔ, nɛ mi bekpa fin *lɛkɛ-lɛkɛmɔ pɛa ha ngimɔ ka wɛnɛ begbasi tɛ wa. Mɛgi, mi mbo ɛnɛ nde,

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Deamɔ 10:41

A tɛ gbasi tɛ wa ha hio wi fɛt na, ma, sɔna ha ɔ, ka Sɔ weka sɔngsi mɛ zɔk wɛnɛ nɛ kɛ wena. Ɔ yɔngamɔ nɛ nɔa mɔ hinɛ wɛnɛ hapata guotɛ pɛa ha soko hio fiowi.

Deamɔ 5:32

Ɔ zɔka mɔ ndɔng, nɛ ɔ kɛ wena nde, yo nê tɛwen. Nɛ *Nzɔy-Sɔtɛ, ka Sɔ haa ha wi ndɔng ka ze nu wa, tɔ ndangtɛ wen fin.»

Deamɔ 2:32

«Ɔ nê wan-kɛwen nde, Sɔ tunso Jésus ɛngɛ ha soko hio fiowi.

Jean 21:14

Ɛngɛ nê mɔ zetara, ka Jésus gbasa tɛ ha hio wan-yambimɔ pɛa, hapata ka wɛnɛ guotɛ ha soko hio fiowi.

Jean 17:5

Nɛ sising, Bafa mi, mɛ gu mi gde hapɛtɛ mɛ ha zang lɛkɛ-lɛkɛmɔ, ka mi badung nɛ yo hapɛtɛ mɛ sɔngsi, ha ngimɔ ka mɛ tɛ de ka nzan na.

Jean 16:28

Mi guotɛ ha pɛ Bafa mi tɛnɛ ha nzan. Sising mi ha guotɛ fin ha nzan hazu kifiri si ha pɛ Bafa mi.»

Jean 8:38

Pɔm, mi tɔ nɛ wen mɔ ka mi zɔka ha pɛ Bafa mi. Nɛ pɛ ɛnɛ, ɛnɛ de kanɛ mɔ ka ɛnɛ zea ha nu bafa ɛnɛ.»

Jean 7:29

Yo nê mi, ka ingɔ wɛnɛ hazu mi guotɛ ha pɛa tɛnɛ. Nɛ yo nê wɛnɛ ka tomsa mi hakɛ ha nzan.»

Jean 3:13

Ma wi ndang tɛ gutɛ ha nu dang si ha ngɔn na, kanɛ mi, *Bewei pɛ Wi, ka zilo ha ngɔn tɛ.

Jean 1:18

Ma wi ndang tɛ zɔk Sɔ na. Ma, yo nê ndanga Bewei pɛa, ka dung hapɛtɛ wa, ka gbasa wɛnɛ ha ɔ.

1 Jean 1:1

Ɔ ngɛriki takarata ɛngɛ ha ɛnɛ hazu wi ɛngɛ ka ɛ sa nde, Wen ka ha tunɔ. Wɛnɛ ang nisi ha ngimɔ ka Sɔ dea nzan. Ɔ zea wen nu wa nɛ zala ɔ. Ɔ zɔka wɛnɛ nɛ li ɔ. Ɔ mbara wɛnɛ. Nɛ ɔ ndɔa tɛ wa nɛ kɔ ɔ.

Jean 10:28

Mi ha mbwa *tunɔ kpoo. Mbwa lɛm fe na, nɛ ma wi lɛm zin mbwa ha kɔ mi yunɛ na,

Jean 19:35

*Wan-yambimɔ ɛngɛ, ka zɔka mɔ ɛngɛ nɛ tɛ li wa, kɛa wena nde, yo nê tɛwen. Wɛnɛ ingɔ nde, a tɔa tɛwen tuka nde, ɛnɛ fin amɛkiri yo.

1 Jean 2:25

Nɛ wal dea sɔy ɛngɛ ɔ kpaa *tunɔ kpoo, ka Bewei pɛ Sɔ gɔna nua mɛ ha yo ha ɔ.

1 Jean 4:2

Mɛgi, wal ka ɛnɛ being wi ka Nzɔy-Sɔtɛ pɛ Sɔ ha tɛ wa, yo nê ɛngɛ: Wi ka gbasi long nde, Jésus-Christ tɛa ha nzan tɛ yol tɛ wi, Nzɔy-Sɔtɛ ha tɛ wia.

1 Jean 4:14

Pɛ ɔ, ɔ zɔka nɛ tɛ gbali ɔ nde, Sɔ, Bafa tomsa Bewei pɛa mɛ dung *wan-kpasisi hio wi mɔ nzan. Nɛ sising ɔ ha kɛa wena.

1 Jean 5:13

Mi ngɛraka takarata ɛngɛ ha ɛnɛ ka mɛkara ling *Bewei pɛ Sɔ tuka nde, ɛnɛ aing nde, ɛnɛ kpaa *tunɔ kpoo kari.