1 Jean 1:1 - Takarata pɛ Sɔ Mbombe Mbon

¹ Ɔ ngɛriki takarata ɛngɛ ha ɛnɛ hazu wi ɛngɛ ka ɛ sa nde, Wen ka ha tunɔ. Wɛnɛ ang nisi ha ngimɔ ka Sɔ dea nzan. Ɔ zea wen nu wa nɛ zala ɔ. Ɔ zɔka wɛnɛ nɛ li ɔ. Ɔ mbara wɛnɛ. Nɛ ɔ ndɔa tɛ wa nɛ kɔ ɔ.

1 Jean 1:1 Referans Kwoze

Jean 20:27

Hapata, a tɔa ha Thomas: «Mɛ yafifi ndɔng kɔ mɛ hakɛ, nɛ mɛ zɔk hio kɔ mi. Mɛ yafifi kɔ mɛ pi ha zang mbanzi mi. Mɛ lak sio kafɛ gde, ma, mɛ mɛkiri mi.»

Deamɔ 4:20

Pɛ ɔ, ɔ lɛm lak bulo wen mɔ, ka ɔ zɔka nɛ zea, gde na.»

1 Jean 4:14

Pɛ ɔ, ɔ zɔka nɛ tɛ gbali ɔ nde, Sɔ, Bafa tomsa Bewei pɛa mɛ dung *wan-kpasisi hio wi mɔ nzan. Nɛ sising ɔ ha kɛa wena.

Jean 5:26

Hazu, gbesi tuka Bafa mi nɛ ziomɔ mɛ ha tunɔ ha hio wi, a haa mi fin ziomɔ mɛ ha tunɔ ha hio wi.

Dede Wen hazu Jésus-Christ ka Luc ngɛraka 24:39

Ɛnɛ zɔk kɔ mi nɛ nanga mi, yo nê mi nɛ tɛ mi! Ɛnɛ tam tɛ mi nɛ ɛnɛ bezɔk nde, mi nɛ mul nɛ gbala, ka sɔtɛ bo nɛ yo na.»

Jean 8:58

A kiforo wen ha mbwa: «Kpasawen mi tɔ ha ɛnɛ: Sɔngsi bhee, gde ɛ tɛ bhɛ ka Abraham na, mi ang.»

Gbasamɔ 1:8

*Kongawan Sɔ tɔa: «Mi nê Alfa nɛ Omega, mi ang, mi badung ang, nɛ mi betɛ. Mi nê wan-zu mɔ fɛt.»

Jean 19:35

*Wan-yambimɔ ɛngɛ, ka zɔka mɔ ɛngɛ nɛ tɛ li wa, kɛa wena nde, yo nê tɛwen. Wɛnɛ ingɔ nde, a tɔa tɛwen tuka nde, ɛnɛ fin amɛkiri yo.

Deamɔ 1:3

Hapata fio pɛa, a dungɔ ha gbasa tɛ ha mbwa ha zang yala bhukɔa nar. A osa ha mbwa nɛ dɔka wal nɛtɛ-nɛtɛ nde, wɛnɛ nɛ zutunɔ. Nɛ wɛnɛ tɔa wen *Kongakandɔ pɛ Sɔ ha mbwa.

Gbasamɔ 19:13

Nɛ wɛnɛ yola gbambusa ka ɛ vɔtaka ha zang tɔk. Linga nde, «Wen pɛ Sɔ.»

Gbasamɔ 2:8

«Mɛ ngɛriki ha *telenge pɛ giliwi mɔ eglize ha Simirne wen mɛgɛ: Ɛngɛ nê wen nu wi kɛ ka dung nê bosi wi nɛ kpogio wi, ka bafe nɛ ka kiforo fin ha tunɔ.

Gbasamɔ 1:11

ka tɔa: «Mɛ ku takarata nɛ mɛ ngɛriki mɔ ka mɛ bezɔk, nɛ mɛ tomsi yo ha hio *giliwi mɔ eglize mɔrkɔ zanga bwa ha hio le Efeze, Simirne, Pergame, Tiatire, Sarde, Filadelfi nɛ Laodise.»

1 Jean 5:7

Mɛgi, yo nê mɔ tar ka kɛ wen nde, Jésus nê Bewei pɛ Sɔ:

Hebro 2:3

Mɛgi, ka ɔ bhɛsiri gasa mɔkpasi ka Sɔ ngoy kpasisi nɛ ɔ, ɔ bekpɔy ha ndulsomɔ mɛng? Yo nê *Kongawan nɛ pɛa tɛ ka angara bulo wen mɔkpasi ɛngɛ, nɛ hio wi ndɔng ka zea wena, mbwa tɔa ha ɔ nde, yo nê tɛwen.