Yohane 8:55 - Testamente Leyimpsha Xichangana

⁵⁵ Kutani n'wina amimuntivi, kambe mina namutiva: Loko mina nivula lesvaku animutivi, nitava nili muhembi kufana na n'wina, kambe namutiva, nasvona nihlayisa rito ra yena.

BIBELE Mahungu Lamanene

⁵⁵ Kasi a mi n'wi tivi, kambe mina ndza n'wi tiva. Loko ndzi nga vula leswaku a ndzi n'wi tivi, ndzi ta va muhembi ku fana na n'wina. Kambe mina ndza n'wi tiva, kutani ndzi hlayisa rito ra yena.

Xitsonga (Bibele)

⁵⁵ kasi a mi n'wi tivanga, kambe mina, ndza n'wi tiva; loko ndzi nga vula ndzi ku: A ndzi n'wi tivi, ndzi nga kotisa n'wina, ndzi va ni vunwa; kambe ndza n'wi tiva, kutani ndzi hlayisa rito ra yena.

Yohane 8:55 Referans Kwoze

Yohane 8:19

Vaku ka yena: “Tatana wa wena akwihi?” Yesu ahlamula, aku: “Aminitivi, hambi ali Tatana wa mina amimuntivi; loko onge minitivile, ina mintivile Tatana wa mina.”

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

Nhlavutelo 3:9

Vona, loko vali va ntlawa wa ka Sathana, vahembi lavativulaka Vayuda kuve ahi vona, nitayendla lesvaku vata, vatakhinsama mahlweni ka wena vakugandzela; vatativa lesvaku nikurhandzile.

Yohane 8:51

Nitiyisile hakunene, nili ka n'wina: Munhu lweyi ahlayisaka rito ra mina, angakala angavoni rifu ni siku ni rin'we.”

Matewu 11:27

Tatana avekile svilo hinkwasvu mavokweni ya mina; kutani aku na lweyi ativaka N'wana, loko angali Tatana; nasvona aku na lweyi ativaka Tatana, loko angali N'wana, ni lweyi N'wana alavaka kumutivisa ka yena.

1 Yohane 5:10

Lweyi apfumelaka ka N'wana wa Xikwembu, a ni vumboni le mbilwini, lweyi angapfumeliki ka Xikwembu axiyendla muhembi, hikuva angapfumelanga vumboni lebzi Xikwembu xibzinyikeke mayelanu ni N'wana wa xona.

Yohane 15:21

Kambe vatayendla hinkwasvu lesvi ka n'wina hikolaho ka mina, hikuva avamutivi lweyi anirhumeke.

1 Yohane 2:22

I mani muhembi loko angali yena lweyi ayalaka lesvaku Yesu hi yena Kriste? Munhu wotanu, hi yena Antikriste, lweyi akanetaka Tatana ni N'wana.

1 Yohane 2:4

Lweyi avulaka lesvaku: “Mina namutiva”, kambe angahlayisi milawu ya yena, wahemba, ka yena ntiyiso awu kona.

2 Vakorinto 4:6

Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.

Timhaka 17:23

Hikuva loko nifamba na nili karhi nilanguta tindhawu leti migandzelaka ka tona, nikumile alitari leyi kutsaliweke marito ka yona lawa mange: ‘KA XIKWEMBU LEXINGATIVIWIKI!’ Svosvi-ke, lesvi misvigandzelaka na mingasvitivi, hi svona lesvi nimitivisaka svona.

Yohane 17:25

Tatana lweyi alulameke, misava ayikutivanga, kambe mina nikutivile, kutani vanhu lava vasvitivile lesvaku nirhumiwile hi wena.

Yohane 16:3

Vatamiyendla svilo lesvi hikuva avahitivanga, hambi Tatana hambi mina.

Yohane 15:10

Loko mihlayisa milawu ya mina, mitatshama arirhandzwini ra mina, hilaha na mina nihlayiseke milawu ya Tatana wa mina, kutani nitshama arirhandzwini ra yena.

Yohane 10:15

Tani hilaha Tatana anitivaka hakona, ni hilaha na mina nitivaka Tatana hakona; kutani ninyiketa vutomi bza mina nifela tinyempfu.

Yohane 8:29

Kutani lweyi anirhumeke, ana mina; Tatana anganitshikanga nili noxe, hikuva masiku hinkwawu niyendla lesvi svimutsakisaka.”

Yohane 6:46

Asvivuli lesvaku ku ni munhu lweyi atshamaka avona Tatana, ahihim. Lweyi ahumaka ka Xikwembu, hi yena ntsena lweyi avoneke Tatana.

Yohane 1:18

Aku na munhu lweyi atshamaka avona Xikwembu ni siku ni rin'we. N'wana wa Xikwembu lweyi angapsaliwa ali yexe, lweyi anga xifuveni xa Tatana, hi yena lweyi angayendla lesvaku Xikwembu xitiviwa.

Luka 10:22

“Tatana avekile svilo hinkwasvu mavokweni ya mina; kutani aku na lweyi ativaka lesvaku N'wana i mani, loko angali Tatana; nasvona aku na lweyi ativaka Tatana lesvaku i mani, loko angali N'wana, ni lweyi N'wana alavaka kuhlavutela Tatana ka yena.”

Yohane 8:52

Vayuda vaku ka yena: “Svosvi hasvitiva lesvaku u ni dimoni; hikuva Abrahamu afile; ni vaprofeta, vafile; kambe, wena uli: ‘Loko munhu ahlayisa rito ra wena, angakala angaringi rifu ni siku ni rin'we!’ ”

1 Yohane 1:6

Loko hiku hi ni vuhlengeli na xona, kambe hifamba munyameni, hahemba, ahihanyi hi kulandza ntiyiso.