Yohane 8:32 - Testamente Leyimpsha Xichangana

³² nasvona mitativa ntiyiso, kutani ntiyiso wutamintshunsa.”

BIBELE Mahungu Lamanene

³² naswona mi ta tiva ntiyiso, kutani ntiyiso wu ta mi ntshunxa.”

Xitsonga (Bibele)

³² kutani mi ta tiva ntiyiso, kutani ntiyiso wu ta mi tshunxa.”

Yohane 8:32 Referans Kwoze

Varhoma 8:2

Hikuva Nawu wa Moya lowunyikaka vutomi ha Yesu Kriste, wunitshunxile ka nawu wa kujoha ni wa rifu.

Yohane 8:36

Hikolaho-ke, loko N'wana amitshunxa, mitava lavatshunxekeke hakunene.

Yohane 17:17

Vakwetsimisi antiyisweni; rito ra wena i ntiyiso.

1 Petro 2:16

Hanyani kufana ni vanhu lavatshunxekeke; mingatekeni kutshunxeka ka n'wina yili ndlela yokanganyisa ha yona, yoyendla lesvobiha, kambe hanyani kufana ni vatirhi va Xikwembu.

Yohane 14:6

Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

Varhoma 6:22

Kambe svosvi, mitshunxiwile kujoheni, mihundzukile vatirhi va Xikwembu, kutani mihandzu leyi miyitshovelaka svosvi yimiyisa kutengeni; kuheteleleni, mitakuma vutomi lebzingaheliki.

Yakobo 1:25

Kambe lweyi akambisisaka Nawu lowuhetisekeke wa kutshunxeka, atiyisela ka wona na angali mutwi lweyi arivalaka, kambe ali muyendli lweyi atirhaka, atakateka ka lesvi asviyendlaka.

Vagalatiya 5:1

Hi tshunxiwile hi lesvi Kriste ahitshunxeke. Hikolaho, yimani mitiya, mingahatlheleni mitiveka hansi ka ndzhwalu wa vukarawa.

Yakobo 2:12

Hikolaho, kuvulavuleni ka n'wina ni le mintirhweni ya n'wina, tikombeni lesvaku mi lava vangatayavanyisiwa na vali hansi ka Nawu lowunyikaka tshunxeko.

Vagalatiya 5:13

Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu.

Yohane 7:17

Loko munhu alava kuyendla sva yena, atasvitiva lesvaku jondzo leyi yihuma ka Xikwembu, kumbe no tivulavulela sva mina ntsena?

Varhoma 8:15

Hikuva Moya lowu minganyikiwa wona, awumiyendli svikarawa ni kutlhela wumivangela kuchava, kambe miyamukele moya lowu wumiyendlaka vana; lowu hihuwelelaka ha wona hiku: “Aba, Tatana!”

Yohane 16:13

Kambe loko yena ata, anga Moya wa ntiyiso, atamifambisa ndleleni hinkwayu ya ntiyiso; hikuva angakala angavulavuli svohuma ka yena; kambe xin'wana ni xin'wana lexi axitwaka, ataxivula; nasvona atamitivisa lesvi svingatata.

2 Timotiya 3:7

vayingisa mani na mani, kutani vangakala vangafiki ni siku ni rin'we kutiveni ka ntiyiso.

Yohane 6:45

Kutsaliwile tibukwini ta vaprofeta, vaku: “‘Hinkwavu vatajondzisiwa hi Xikwembu.’” Mani na mani lweyi atweke Tatana ni kujondza ka yena, wata ka mina.

Matewu 11:29

Rhwalani mpingu wa mina, mijondza ka mina, hikuva ni ni mbilu yorhula ni ya timpsalu; kutani mimoya yitakuma kuwisisiwa;

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yohane 1:17

Hikuva Nawu wunyikiwile hi Moxe; kambe timpsalu ni ntiyiso svitile ha Yesu Kriste.

1 Vakorinto 7:22

Hikuva lweyi avitaniweke kuva wa Hosi na ali xikarawa, i mutlhantlhiwa wa Hosi; ni lweyi avitaniweke na ali mutlhantlhiwa i xikarawa xa Kriste.

2 Yohane 1:1

Mina mukulukumba nitsalela muhlawuliwa waxisati, ni vana va yena, lava mina nivarhandzaka hi ntiyiso, ingali mina ntsena, kambe ni hinkwavu lava vativaka ntiyiso.