Yohane 3:2 - Testamente Leyimpsha Xichangana

² Siku rin'wana aya ka Yesu nivusiku, aku ka yena: “Mujondzisi, hasvitiva khwatsi lesvaku uyena mujondzisi lweyi ata ka hi ka Xikwembu; hikuva aku na munhu lweyi angayendlaka svikombiso lesvi usviyendlaka, loko Xikwembu xingali na yena.”

BIBELE Mahungu Lamanene

² Siku rin'wana, ú tile eka Yesu ni vusiku, a fika a ku: “Mufundhisi, ha swi tiva leswaku u mudyondzisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Xitsonga (Bibele)

² a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 3:2 Referans Kwoze

Yohane 5:36

Kambe vumboni lebzi ninga na bzona bzitlula bza Yohani, hikuva mintirho leyi Tatana aninyikeke lesvaku niyihetisisa, yinga yona mintirho leyi niyiyendlaka, hi yona leyivekaka vumboni henhla ka mina, bza lesvaku nirhumiwile hi Tatana.

Timhaka 10:38

mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.

Timhaka 2:22

Vavanuna va Israyele, yingisani marito lawa: Yesu wa Nazareta, aali wanuna lweyi Xikwembu xingamikomba yena, hi mintirho ya matimba, ni svihlamaliso, ni mahlori lawa ximayendleke ha yena xikarhi ka n'wina hilaha misvitivaka hakona na n'wina;

Yohane 9:16

Van'wana xikarhi ka vafarisi vaku: “Lweyi ayendleke svilo lesvi angahumi ka Xikwembu, hikuva anga na mhaka ni siku ra Savata.” Van'wana vaku: “Xana munhu wa mujohi angasvikotisa kuyini kuyendla mahlori lawa yotanu ke?” Kutani kuva ni kuyavana xikarhi ka vona.

Yohane 12:37

Hambilesvi ayendleke mahlori layotala ngopfu mahlweni ka vona, avapfumelanga ka yena,

Yohane 1:38

Loko Yesu ahundzukula ndzhaku avavona na vali karhi vamulandza, aku ka vona: “Milava yini xana?” Vaku ka yena: “Mujondzisi utshama kwihi?”

Matewu 22:16

Kutani varhuma vajondzisiwa va vona ni va ntlawa wa va ka Heroda, vayaku: “Mujondzisi, hasvitiva lesvaku uvula lesvitiyeke, ni lesvaku ujondzisa ndlela ya Xikwembu mayelanu ni ntiyiso, na ungalandzi mavonela ya vanhu, hikuva awuyi hi nghohe.

Yohane 7:31

Lavotala xikarhi ka xitshungu vapfumela ka yena, vaku: “Loko Kriste ata, xana atayendla mahlori lawa matlulaka lawa mayendliwaka hi munhu lweyi xana?”

Yohane 20:16

Yesu aku ka yena: “Mariya!” Yena ahundzukula, aku ka Yesu, hi ririmi ra Xiheberu: “Rabuni!” (Hi lesvaku “Mujondzisi”).

Yohane 15:24

Loko aningayendlanga, xikarhi ka vona, mintirho leyi yingasiki yendliwaka hi munhu ni mun'we, avangatava ni nandzu; kambe vayivonile mintirho ya mina, kutani vahivengile, mina na Tatana.

Yohane 3:26

Hi loko vaya ka Yohani, vaku ka yena: “Mujondzisi, munhu lweyi awuli na yena ntlhatuku wa Yordani, lweyi ungavula vumboni henhla ka yena, wakhuvula na yena, kutani hinkwavu vakhirimana vaya ka yena.”

Marka 12:14

Kutani vata, vataku ka yena: “Mujondzisi, hasvitiva lesvaku uvula ntiyiso, ni lesvaku awulandzeleli sva vanhu, hikuva awuyi hi nghohe, kambe ujondzisa ndlela ya Xikwembu hi ntiyiso. Xana svafanela kuhumesela Khezari rhesa, kumbe asvifaneli ke? Xana hihumesa, kumbe hingahumesi ke?”

Vafilipiya 1:14

Kubohiwa ka mina kuyendlile lesvaku vamakwerhu lavotala vaveka kutshemba ka vona ka Hosi, vava vakanya timbilu vavula Rito na vangachavi nchumu.

Matewu 23:7

vatsakela kuxewetiwa hi vajondzi mintsendzeleni, ni kuvitaniwa hi vanhu vaku: ‘Mujondzisi.’

Matewu 23:8

“Loko mili n'wina, mingatshukeni mitivitanisa hi vito ra ‘Mujondzisi’, hikuva Mujondzisi wa n'wina i mun'we ntsena; n'wina hinkwenu mi vamakwavu.

Yohane 2:11

Yesu asungulisa xisvosvo amahlori ya yena Kana wa Galileya, akombisa kukwetsima ka yena; kutani vajondzisiwa va yena vapfumela ka yena.

Yohane 4:31

Nkarhi wolowo vajondzisiwa va yena vamukhongotela, vaku: “Mujondzisi, jana!”

Yohane 6:2

Akuli ni xitshungu lexikulu lexi axifamba na yena, hikuva axivonile mahlori lawa amayendleke hi kuhanyisa timbabzi.

Yohane 10:38

Kambe loko niyendla yona, hambi minganipfumeli, pfumelani yona mintirho, mitativa ni kutwisisa lesvaku Tatana a le ka mina, na mina ni le ka Tatana.”

Yohane 14:10

Xana awupfumeli lesvaku ni le ka Tatana, ni lesvaku Tatana a le ka mina ke? Lesvi nimibzelaka svona asvihumi ka mina. Tatana lweyi anga ka mina, hi yena lweyi atirhaka mintirho leyi ya yena.