Yohane 17:3 - Testamente Leyimpsha Xichangana

³ Kambe vutomi lebzingaheliki, hi lesvaku vakutiva, wena ntsena unga Xikwembu xa ntiyiso, na Yesu Kriste lweyi umurhumeke.

BIBELE Mahungu Lamanene

³ Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Xitsonga (Bibele)

³ Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 17:3 Referans Kwoze

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

Yohane 17:25

Tatana lweyi alulameke, misava ayikutivanga, kambe mina nikutivile, kutani vanhu lava vasvitivile lesvaku nirhumiwile hi wena.

Yohane 3:17

Xikwembu axirhumelanga N'wana wa xona misaveni kutayavanyisa misava, kambe akuli kuyendlela lesvaku misava yitaponisiwa ha yena.

1 Yohane 4:6

Hina hi va Xikwembu. Mani na mani lweyi ativaka Xikwembu wahiyingisa, kambe lweyi angaliki wa Xikwembu, angahiyingisi. Hikolaho hina hawutiva Moya wa ntiyiso ni moya wa mavunhwa.

Yohane 17:23

Mina ka vona, na wena ka mina, lesvaku vayendliwa lavahetisekeke, vakondza vava mun'we, kutani vanhu va misava vatativa lesvaku unirhumile, ni lesvaku uvarhandzile kufana ni lesvi unirhandziseke xisvona.

Yohane 17:21

ninavela lesvaku hinkwavu vava mun'we, kufana ni lesvi wena Tatana unga ka mina, na mina ninga ka wena, lesvaku na vona vava ka hina, kutani misava yitapfumela lesvaku unirhumile.

Yohane 3:34

Lweyi arhumiwaka hi Xikwembu, avula marito ya Xikwembu, hikuva Xikwembu axipimi loko xinyika Moya wa xona.

2 Vakorinto 4:6

Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.

2 Vatesalonika 1:8

malangavini ya ndzilo. Xitaba lava vangaxitiviki, vanga lava vangayingisiki Evhangeli ya Hosi ya hina Yesu.

Yohane 17:8

hikuva nivanyikile marito lawa uninyikeke wona; vamayamukelile, kutani vajondzile hakunene lesvaku nihuma ka wena, kutani vapfumelile lesvaku nirhumiwile hi wena.

Yohane 14:26

Kambe Muchaveleli anga Moya Lowokwetsima lowu Tatana angatawurhuma hi vito ra mina, atamujondzisa hinkwasvu, ni kumutsundzuxa hinkwasvu lesvi nimibzeleke svona.

Yohane 8:19

Vaku ka yena: “Tatana wa wena akwihi?” Yesu ahlamula, aku: “Aminitivi, hambi ali Tatana wa mina amimuntivi; loko onge minitivile, ina mintivile Tatana wa mina.”

1 Vakorinto 15:34

Xalamukani, mitshika kujoha. Van'wana va n'wina avativi Xikwembu; nivula lesvi kumikhomisa tingana.

1 Vatesalonika 1:9

Vanhu lava hinkwavu varungula hilaha mihiyamukeleke hakona xikarhi ka n'wina, ni hilaha mingahundzuka hakona ka Xikwembu, mifularhela svikwembu sva hava, lesvaku mitirhela Xikwembu lexihanyaka, xa ntiyiso.

Yohane 10:36

Kutani-ke, hikolaho ka yini miku: “Asandza Xikwembu hi mhaka ya lesvi ningate: Ni N'wana-wa-Xikwembu xana? Kasi hi mina lweyi Tatana angamukwetsimisa ni kumurhuma misaveni.

Yohane 7:29

Mina namutiva, hikuva, nihuma ka yena, nasvona hi yena lweyi anirhumeke.”

Yohane 6:57

Tani hi lesvi Tatana lweyi ahanyaka anirhumeke, ni lesvi mina nihanyaka hikolaho ka Tatana, hi mukhuva wolowo na yena lweyi anijaka atahanya hikolaho ka mina.

Yohane 5:44

Mingapfumelisa kuyini ke, kasi mitsakela kudzunisana, mun'wana ka mun'wana mingalavi kudzunisiwa loku kuhumaka ntsena ka Xikwembu?

Yohane 11:42

Mina nisvitivile lesvaku masiku hinkwawu waniyingisa, kambe nivulile svilo lesvi hikolaho ka xitshungu lexi xiyimeke kola, lesvaku xitaza xipfumela lesvaku hi wena lweyi anirhumeke.”

Luka 9:48

“Mani na mani lweyi ayamukelaka xin'wanana lexi hi vito ra mina, waniyamukela, kutani mani na mani lweyi aniyamukelaka, ayamukela ni lweyi anirhumeke. Hikuva lweyi anga lwentsongo xikarhi ka n'wina hinkwenu, hi yena lweyi anga nkulu.”

Marka 9:37

“Lweyi ayamukelaka mun'we wa vatsongwana lava hi vito ra mina, ayamukela mina; ni lweyi aniyamukelaka, angayamukeli mina ntsena, kambe ayamukela ni lweyi anirhumeke.”

1 Vakorinto 8:4

Loko kuli kuja lesvihumeseliweke svikwembu sva hava, hitiva lesvaku “xikwembu xa hava ahi xilo xanchumu misaveni” ni lesvaku “ku ni Xikwembu xili xin'we ntsena, axi kona xin'wana.”

Yohane 17:18

Tani hi lesvi unirhumeke misaveni, na mina nivarhumile misaveni.

Vafilipiya 3:8

Kungali svona ntsena: Nitekile hinkwasvu svili lesvingahapfuniki nchumu, loko sviringanisiwa ni risima leritlulaka hinkwasvu, ra kutiva Yesu Kriste Hosi ya mina. Hikolaho ka yena, nifularhele hinkwasvu ni svivona na svili nsila ntsena, lesvaku nitakuma Kriste,

Vafilipiya 3:10

Ninavela ntsena kutiva Kriste, ni matimba ya kupfuka ka yena kufeni, nikota ni kuhlangana na yena kuvavisekeni ka yena, niyendliwa lweyi afanaka na yena kufeni,

Vaheveru 3:1

Loko svilitano, vamakwerhu lavakwetsimaka, lava na n'wina miyaveliwaka kuvitaniwa ka le tilweni, yanakanyani Yesu, murhumiwa wa Xikwembu ni Muprista lwenkulu wa vukhongeli bza hina.

2 Petro 1:2

Timpsalu ni kurhula asvive na n'wina svimitalela, kutiveni ka Xikwembu ni ka Yesu Hosi ya hina.

2 Petro 1:3

Hi matimba ya vukwembu bza yena, Kriste ahinyikile svilo hinkwasvu lesvi svihipfunaka kuhanya vutomi bza vukhongeli, hi mhaka ya kutiva lweyi ahivitaneleke kukwetsimeni ka yena ni le kudzunekeni ka ntiyiso.

2 Petro 1:8

Hikuva loko mili ni svilo lesvi, ni loko svimitalela svikula, svitayendla lesvaku mingalolohi kumbe kupfumala mihandzu, kutani svitamifikisa kutiveni loku kuhetisekeke ka Hosi ya hina Yesu Kriste.

1 Yohane 1:2

hikuva vutomi bzitikombisile, hina hibzivonile, hi timboni ta bzona, himibzela hi ta vutomi lebzingaheliki, lebzi abzili na Tatana, lebzi bzitikombiseke ka hina.

1 Yohane 1:3

Lesvi hisvivoneke ni lesvi hisvitweke, himitivisa svona na n'wina, lesvaku miva ni vuhlengeli svin'we na hina; avuhlengeli bzi kona xikarhi ka hina na Tatana, na yena N'wana wa yena Yesu Kriste.

1 Yohane 2:23

Mani na mani lweyi ayalaka N'wana anga na yena hambi Tatana. Lweyi apfumelaka N'wana hambi Tatana ana yena.