Yohane 17:23 - Testamente Leyimpsha Xichangana

²³ Mina ka vona, na wena ka mina, lesvaku vayendliwa lavahetisekeke, vakondza vava mun'we, kutani vanhu va misava vatativa lesvaku unirhumile, ni lesvaku uvarhandzile kufana ni lesvi unirhandziseke xisvona.

BIBELE Mahungu Lamanene

²³ Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Xitsonga (Bibele)

²³ mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

Yohane 17:23 Referans Kwoze

Yohane 17:21

ninavela lesvaku hinkwavu vava mun'we, kufana ni lesvi wena Tatana unga ka mina, na mina ninga ka wena, lesvaku na vona vava ka hina, kutani misava yitapfumela lesvaku unirhumile.

Yohane 16:27

hikuva Tatana hi yexe wa mirhandza. Amirhandza hikuva minirhandzile, miva mipfumela lesvaku nihuma ka Xikwembu.

1 Yohane 3:1

Vonani rirhandzu leronghasi leri Tatana ahinyikeke rona, lesvaku hivuliwa vana va Xikwembu. Hikolaho, misava ayihitivi; hikuva ayimutivanga yena.

Yohane 13:35

Hikolaho-ke hinkwavu vatativa lesvaku mi vajondzisiwa va mina, loko mirhandzana.”

1 Yohane 1:3

Lesvi hisvivoneke ni lesvi hisvitweke, himitivisa svona na n'wina, lesvaku miva ni vuhlengeli svin'we na hina; avuhlengeli bzi kona xikarhi ka hina na Tatana, na yena N'wana wa yena Yesu Kriste.

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

Vakolosa 3:14

Kutani henhla ka lesvi hinkwasvu, kulaveka rirhandzu, ringarona leri ribohaka svilo hinkwasvu svitwanana hi kuhetiseka.

Yohane 17:26

Nikutivisile ka vona; nahata kutivisa, lesvaku rirhandzu leri unirhandzeke ha rona, riva ka vona, na mina niva ka vona.”

Yohane 17:24

Tatana, nilava lesvaku hinkwavu lava uninyikeke vona, vava na mina laha ninga kona; vatahamba vahlalela kukwetsima ka mina loku uninyikeke kona, hikuva unirhandzile misava yingasitumbuluxiwa.

1 Vakorinto 1:30

Hi kuyendla ka xona, mi le ka Kriste Yesu, kutani hi xona Xikwembu lexingayendla lesvaku Kriste ava vutlhari ka hina; ha yena hiyendliwa lavalulameke, hihundzuka vakwetsimi va Xikwembu, hiva ni kukutsuliwa.

Yohane 14:23

Yesu amuhlamula, aku: “Loko munhu anirhandza, atahlayisa rito ra mina, kutani Tatana wa mina atamurhandza, kutani hitata ka yena, hitshama na yena.

Yohane 14:10

Xana awupfumeli lesvaku ni le ka Tatana, ni lesvaku Tatana a le ka mina ke? Lesvi nimibzelaka svona asvihumi ka mina. Tatana lweyi anga ka mina, hi yena lweyi atirhaka mintirho leyi ya yena.

Vakolosa 2:2

Nilava lesvaku timbilu ta vona titiyisiwa, ni lesvaku vakhomana svin'we hi rirhandzu, kutani vatachaveleliwa hi matlhelo hinkwawu hi kunyikiwa kutwisisa loku kuhetisekeke, lesvaku vativa xihundla xa Xikwembu, anga Kriste.

Vafilipiya 3:15

Hina hinkwerhu lava hihetisekeke moyeni, hifanele kuva ni miyanakanyu leyotano; kambe loko, ka svin'wana, miyanakanya hi ndlela yin'wana, Xikwembu xitasvihlavutela ka n'wina.

Vagalatiya 3:28

Hikolaho, aku na Muyuda kumbe Mugriki, aku na xikarawa kumbe mutshunxeki, aku na wanuna kumbe wansati, hikuva hinkwenu miwun'we ka Yesu Kriste.

2 Vakorinto 5:21

“Vuyelelanani ni Xikwembu!” Kriste lweyi angativangiki xijoho, Xikwembu ximuyendlile lesvaku ava xijoho hikolaho ka hina, lesvaku hikolaho ka yena, hiyendliwa lavalulameke mahlweni ka Xikwembu.

Yohane 6:56

Lweyi ajaka nyama ya mina, ni kunwa ngati ya mina, atshama ka mina, na mina nitshama ka yena.

Yohane 3:17

Xikwembu axirhumelanga N'wana wa xona misaveni kutayavanyisa misava, kambe akuli kuyendlela lesvaku misava yitaponisiwa ha yena.

1 Yohane 4:19

Hina hamurhandza, hikuva hi yena arhangeke ahirhandza kusungula.

Vakolosa 1:28

Hi yena lweyi hi mutwalisaka, na hili karhi hi tsundzuxa ni kujondzisa vanhu hinkwavu, hi vutlhari hinkwabzu; hi yendlela kutisa vanhu hinkwavu ka Xikwembu na vali lavahetisekeke ka Kriste.

Yohane 10:38

Kambe loko niyendla yona, hambi minganipfumeli, pfumelani yona mintirho, mitativa ni kutwisisa lesvaku Tatana a le ka mina, na mina ni le ka Tatana.”

Yohane 15:9

“Tani hi lesvi Tatana anirhandzeke, na mina nimirhandzile; tshamani arirhandzwini ra mina.

Yohane 17:3

Kambe vutomi lebzingaheliki, hi lesvaku vakutiva, wena ntsena unga Xikwembu xa ntiyiso, na Yesu Kriste lweyi umurhumeke.

Yohane 17:8

hikuva nivanyikile marito lawa uninyikeke wona; vamayamukelile, kutani vajondzile hakunene lesvaku nihuma ka wena, kutani vapfumelile lesvaku nirhumiwile hi wena.

Yohane 17:11

Anahali misaveni, kambe vona va laha misaveni, kutani nita koseyo ka wena. Tatana lweyi akwetsimeke, vahlayise hi matimba ya vito ra wena, leri uninyikeke rona, lesvaku vava mun'we kufana na hina.

Nhlavutelo 3:9

Vona, loko vali va ntlawa wa ka Sathana, vahembi lavativulaka Vayuda kuve ahi vona, nitayendla lesvaku vata, vatakhinsama mahlweni ka wena vakugandzela; vatativa lesvaku nikurhandzile.