Yohane 17:11 - Testamente Leyimpsha Xichangana

¹¹ Anahali misaveni, kambe vona va laha misaveni, kutani nita koseyo ka wena. Tatana lweyi akwetsimeke, vahlayise hi matimba ya vito ra wena, leri uninyikeke rona, lesvaku vava mun'we kufana na hina.

BIBELE Mahungu Lamanene

¹¹ A ndza ha ri emisaveni, kambe vona va laha misaveni, kutani ndzi ta kwaleyo ka wena. Tatana la kwetsimeke, va hlayise hi matimba ya vito ra wena, leri u ndzi nyikeke rona, leswaku va va un'we ku fana na hina.

Xitsonga (Bibele)

¹¹ A ndza ha ri la emisaveni, kambe vona va ha ri emisaveni; kutani mina ndzi ya eka wena. Tatana la kwetsimeke, hlayisa lava u ndzi nyikeke vona evitweni ra wena, va ta endla un'we kukotisa hina.

Yohane 17:11 Referans Kwoze

Matewu 6:9

N'wina-ke, khongelani hi ndlela leyi, miku: “Tatana wa hina lweyi anga matilweni, vito ra wena arihlawuleke;”

Vaheveru 9:24

Hikuva Kriste anganghenanga xivandleni lexohlawuleka xoyendliwa hi mavoko, lexinga xifaniso ntsena xa leti ta xiviri, kambe anghenile tilweni hikoxe, lesvaku atahumelela svosvi mahlweni ka Xikwembu kuhiyimela.

Vaefesa 4:4

Ku ni miri wun'we, ni Moya wun'we, tani hi lesvi kunga ni kulangutela kun'we loku Xikwembu xingaminyika kona, siku leri ximivitaneke;

Vafilipiya 2:9

Hikolaho Xikwembu ximutlakusile svinene, kutani ximunyikile vito leringa henhla ka mavito hinkwawu,

Yohane 17:25

Tatana lweyi alulameke, misava ayikutivanga, kambe mina nikutivile, kutani vanhu lava vasvitivile lesvaku nirhumiwile hi wena.

Yohane 13:1

Nkhuvu wa Paska awungasifika, kambe Yesu aativa lesvaku nkarhi wa yena wufikile wakusuka laha misaveni, aya ka Tatana. Aarhandza vanhu va yena laha misaveni, kutani avarhandzile ngopfu kuyisa kuheteleleni.

Vaheveru 1:3

Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,

Yohane 16:33

Nimibzelile svilo lesvi lesvaku miva ni kurhula ka mina. La misaveni, mitava ni mahlomulu, kambe tiyani timbilu, nihlulile misava.”

Yohane 14:20

Hi siku rakona, mitativa lesvaku ni le ka Tatana wa mina, ni lesvaku na n'wina mi le ka mina, kukotisa lesvi na mina ninga ka n'wina.

Yuda 1:1

Mina Yuda, nandza wa Yesu Kriste ni makwavu wa Yakobe, nitsalela lava Xikwembu Tatana xivavitaneke, lavahanyaka rirhandzwini ra xona, na vali karhi vahlayisiwa hi Yesu Kriste, nili:

1 Yohane 5:19

Hasvitiva lesvaku hi va Xikwembu, ni lesvaku misava hinkwayu yi le ka lweyi wobiha.

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

Timhaka 3:21

afanele kutshama tilweni, kukondza kufika minkama ya kupfuxetiwa ka svilo hinkwasvu, leyi Xikwembu xingayivula nikhale, hi milomo ya vaprofeta va xona lavohlawuleka.

Yohane 13:3

Yesu, hi kutiva lesvaku Tatana avekile svilo hinkwasvu mavokweni ya yena, ni lesvaku ahumile ka Xikwembu, nasvona aya ka Xikwembu,

Nhlavutelo 4:8

Xivumbiwa xin'wana ni xin'wana xa lesvihanyaka sva mune, axili ni timpapa ta ntlhanu na rin'we letingatala hi mahlo hinkwaku, ndzeni ni le handle. Kutani asviyimbelela vusiku ni nhlekanhi na svingamiyeli, sviku: “Wakwetsima, wakwetsima, wakwetsima, lweyi anga Hosi Xikwembu xa matimba hinkwawu, lweyi aali kona, lweyi anga kona, lweyi angatata.”

1 Petro 1:5

n'wina lava mipfumeleke, kutani mihlayisiwa hi matimba ya Xikwembu, lesvaku mitakuma kuponisiwa loku kuyimeleke kukombisiwa nkameni wa makumu.

Vagalatiya 3:28

Hikolaho, aku na Muyuda kumbe Mugriki, aku na xikarawa kumbe mutshunxeki, aku na wanuna kumbe wansati, hikuva hinkwenu miwun'we ka Yesu Kriste.

1 Vakorinto 1:10

Namikhongotela vamakwerhu, hi vito ra Hosi ya hina Yesu Kriste, nili: Twananani hinkwenu kuvulavuleni. Kungatshuki kuva ni kuhambana xikarhi ka n'wina, kambe mihlangana miva van'we kupimiseni ni le makungwini ya n'wina;

Varhoma 12:5

hi ndlela yoleyo, na hina, hambi hili vanyingi, hi miri wun'we ka Kriste, kutani mani na mani wa hina i xirho ka mun'wana.

Varhoma 9:17

Hikuva tsalwa ribzela Faro riku: “Loko nikukulisa, aniyendlela kukomba matimba ya mina hi wena, ni lesvaku vito ra mina ritwalisiwa misaveni hinkwayu.”

Yohane 16:28

Nihumile ka Tatana, kutani nitile misaveni; svosvi nitlhela nisuka misaveni, niya ka Tatana.”

Yohane 7:33

Kutani Yesu aku ka vona: “nahatava na n'wina nkarhinyana, kutani ndzhaku ka svona nitaya ka lweyi anirhumeke.

Matewu 10:16

Vonani, nimirhuma na mifana ni tinyempfu xikarhi ka mahlolwa; hi kolaho ke tlharihani kufana ni tinyoka, miva lavorhula kufana ni svituvana.

Matewu 5:48

Hikolaho-ke, na n'wina mifanele kuhetiseka, kufana ni lesvi Tatana wa n'wina wa le tilweni ahetisekeke.

Nhlavutelo 19:12

Mahlo ya yena mafana ni langavi ra ndzilo; nhlokweni ya yena ku ni tihari ta vuhosi letotala, nasvona atsaliwile vito leri kungaliki na munhu lweyi aritivaka, loko angali yena n'winyi wa rona ntsena.

Nhlavutelo 15:4

I mani lweyi angatakala angakuchavi, wena Hosi, i mani lweyi angatayala kutwalisa vito ra wena ke? Hi wena ntsena lweyi akwetsimeke, kutani vamatiko hinkwavu vatata vatakhinsama mahlweni ka wena, hikuva mintirho ya wena leyolulama yi le rivaleni!”

Yuda 1:24

Eka yena lweyi anga ni matimba ya kumihlayisa lesvaku mingakhunguvanyeki miwa, ka yena lweyi akwetsimaka, lweyi akotaka kumiyimisa mahlweni ka yena na mingali na xivati, na mitsakile svinene kutwalisiweni ka yena.

1 Yohane 3:12

Hingafaneni na Kayini lweyi aali wa lweyi wobiha, kutani adlaya makwavu. Xana amudlayile hi mhaka muni ke? Hikuva mintirho ya yena ayili leyobiha, kambe ya makwavu ayili leyolulama.

Yohane 17:6

“Nikutivisile ka vanhu lava uninyikeke vona vali lavahlawuliweke misaveni; avali va wena; uninyikile vona, kutani vahlayisile rito ra wena.

Yohane 17:23

Mina ka vona, na wena ka mina, lesvaku vayendliwa lavahetisekeke, vakondza vava mun'we, kutani vanhu va misava vatativa lesvaku unirhumile, ni lesvaku uvarhandzile kufana ni lesvi unirhandziseke xisvona.