Yohane 16:20 - Testamente Leyimpsha Xichangana

²⁰ Nitiyisisile nili ka n'wina: Mitarila miva mikolola, kambe misava yona yitatsaka; mitatwa kuvaviseka, kambe kuvaviseka ka n'wina kutahundzuka kutsaka.

BIBELE Mahungu Lamanene

²⁰ Ndzi tiyisisile ndzi ri ka n'wina: Mi ta rila mi va mi kolola, kambe misava yona yi ta tsaka; mi ta twa ku vaviseka, kambe ku vaviseka ka n'wina ku ta hundzuka ku tsaka.

Xitsonga (Bibele)

²⁰ Ndzi vurisile ndzi ri eka n'wina: Mi ta rila, mi va mi kolola, kutani yona misava yi ta tsaka; mi ta va ni ku vaviseka, Kambe ku vaviseka ka n'wina ku ta hundzuka ku tsaka.

Yohane 16:20 Referans Kwoze

Yakobo 1:2

Vamakwerhu, loko mihlangana ni miringo ya tinxakaxaka, yitekeni na yili mhaka ya kutsakisa svinene,

Matewu 5:4

Kukatekile lavarilaka, hikuva vatachaveleliwa.

2 Vakorinto 6:10

havavisiwa, hambi svilitano hitsakile masiku hinkwawu; wonge hisvisiwana, kasi hifuwisa lavotala; wonge ahi na nchumu, kasi hi ni svilo hinkwasvu.

Marka 16:10

Mariya ayativisa vajondzisiwa lavan'wana va Yesu lava avali nkosini, na varila;

Yuda 1:24

Eka yena lweyi anga ni matimba ya kumihlayisa lesvaku mingakhunguvanyeki miwa, ka yena lweyi akwetsimaka, lweyi akotaka kumiyimisa mahlweni ka yena na mingali na xivati, na mitsakile svinene kutwalisiweni ka yena.

Luka 24:21

Loko ali hina, ahitshembile lesvaku hi yena lweyi angataponisa Israyele; hambi svilitano, namuntlha i siku ra vunharhu na timhaka leti tihumelelile.

Vagalatiya 5:22

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka

Varhoma 5:11

Kungali svosvo ntsena, kambe hatitlakusa ka Xikwembu ha Hosi ya hina Yesu Kriste, lweyi svosvi hiyamukeleke kuvuyelelana loku ha yena.

Luka 24:17

Kutani aku ka vona: “Hitihi timhaka leti mivulavulaka ha tona ndleleni ke?” Hi loko vona vayima na vali ni gome.

Luka 23:27

Naxona xitshungu lexikulu ni vavasati lava votala avalandza Yesu, na vali karhi vaba nkosi, vamurila.

Nhlavutelo 18:7

Mukombeni maxangu ni mahlomulu, hi kuya hi mpimo wa kutidzunisa ka yena ni wa kuhunguka ka yena, hikuva mbilwini ya yena avula lesvi: ‘Nitshama laha, mina Nkosikazi! Ani wansati wa mufelakazi, aningagami hi kuvona mahlomulu!’

Nhlavutelo 11:10

Lava vayakeke misaveni vatatsaka hi kudlayiwa ka vona, vacina, vanyikana ni svihiwa, hikuva vaprofeta lava vambirhi avaxanisile svinene vayaki va misava.

Timhaka 5:41

Loko vali vona, vahuma hubzeni na vatsakile, hikuva avakumiwile na vali lavafanelaka kusoliwa hikolaho ka vito ra Yesu.

Yohane 16:33

Nimibzelile svilo lesvi lesvaku miva ni kurhula ka mina. La misaveni, mitava ni mahlomulu, kambe tiyani timbilu, nihlulile misava.”

Yohane 16:6

Kambe hi mhaka ya lesvi nimibzeleke svilo lesvi, timbilu ta n'wina titele hi gome.

Luka 22:62

Kutani Petrosi ahumela handle, ayarila hi xiviti.

Luka 22:45

Loko ahetile kukhongela, apfuka ayima, ata ka vajondzisiwa, avakuma na vayetlele hikolaho ka gome.

Luka 6:21

Mikatekile n'wina mitwaka ndlala svosvi, hikuva mitaja mixurha. Mikatekile n'wina mirilaka svosvi, hikuva mitahlekelela.

Marka 14:72

Nkarhi wolowo nkuku wuyimba ka vumbirhi. Kolaho Petrosi atsundzuka rito leri Yesu amubzeleke rona, loko aku: “Nkuku wungasiyimba ka mbirhi, utava unilandzulile kanharhu.” Hi loko Petrosi atlhaveka ngopfu arila.

1 Vatesalonika 1:6

Kutani na n'wina milandzile tindlela ta hina ni ta Hosi, hikuva, hambilesvi mingaxaniseka ngopfu, miyamukelile Rito ra Xikwembu hi kutsaka loku kunyikiwaka hi Moya Lowokwetsima.

Yohane 20:20

Loko avulise svosvo, avakomba sviyandla sva yena ni rheve ra yena. Vajondzisiwa vatsaka ngopfu loko vavona Hosi.

Matewu 21:38

“Kambe loko valugari vavona n'wana lweyi, vabzelana vaku: ‘Majandzhaka hi lweyi! Tanani hi mudlaya, hiteka rifuwo ra yena.’”