Yohane 15:16 - Testamente Leyimpsha Xichangana

¹⁶ Ahi n'wina minihlawuleke; hi mina nimihlawuleke, kutani nimivekile lesvaku miya, miyaveka mihandzu, ni lesvaku mihandzu ya n'wina yiva kona masiku hinkwawu; kutani hinkwasvu lesvi mingatasvikombela ka Tatana hi vito ra mina, ataminyika svona.

BIBELE Mahungu Lamanene

¹⁶ A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya, mi ya veka mihandzu, ni leswaku mihandzu ya n'wina yi va kona masiku hinkwawo; kutani xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

Xitsonga (Bibele)

¹⁶ “A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Yohane 15:16 Referans Kwoze

Yohane 15:19

Loko amili vanhu va misava, misava ayitarhandza sva yona. Kambe lesvi n'wina mingaliki va misava, ni lesvi nimihlawuleke ka yona, vanhu va misava vamivenga.

Vaefesa 2:10

Hikuva hina hivumbiwile hi Xikwembu, kutani, ka Yesu Kriste, Xikwembu xihivumbele kutirha mintirho leyinene, leyi xihilungiseleke yona khale, lesvaku hitayendla yona.

Luka 6:13

Loko bzixile, avitana vajondzisiwa va yena, kutani xikarhi ka vona ahlawula khume ni vambirhi, avachula vapostola va yena.

Vagalatiya 1:15

Kambe Xikwembu lexi xinihlawuleke na ningasi velekiwa, xinivitanile hi timpsalu ta xona;

1 Yohane 4:19

Hina hamurhandza, hikuva hi yena arhangeke ahirhandza kusungula.

Timhaka 22:14

Kutani aku: ‘Xikwembu xa vatatana va hina xikuhlawulile lesvaku utiva kurhandza ka xona, uvona Lweyi alulameke, utwa rito lerihumaka non'weni wa yena;

2 Timotiya 2:2

Kutani lesvi usvitweke ka mina mahlweni ka timboni letotala, svihundzisele ka vanhu lavotshembeka, lava na vona vangatakota kujondzisa van'wana.

Yohane 13:18

“Anivulavuli nipatsa n'wina hinkwenu; nitiva lava nivahlawuleke; kambe Tsalwa rifanele kuhetiseka, leringe: ‘Lweyi ajaka xinkwa na mina, anihundzukelile, anikhadlanya.’

Yohane 6:70

Yesu avahlamula aku: “Xana ahi mina ningamihlawula, n'wina lava va khume ni vambirhi? Kambe mun'we wa n'wina i Diyavulosi.”

1 Petro 3:15

Timbilwini ta n'wina, kombisani xichavu ka Kriste, lesvi anga Hosi; masiku hinkwawu tilungiseleni kutihlamulela ka mun'wana ni mun'wana lweyi amivutisisaka henhla ka kulangutela loku minga nakona,

1 Yohane 4:10

Leri hi rona rirhandzu ra ntiyiso, hikuva ahi hina hingarhandza Xikwembu, kambe hi xona xihirhandzeke, kutani xirhumela N'wana wa xona lesvaku ava mukutsuli wa svijoho sva hina.

Timhaka 1:24

Kutani vakhongela, vaku: “Hosi, wena lweyi ativaka timbilu ta vanhu hinkwavu, kombisa lweyi umuhlawuleke ka lava vambirhi,

1 Petro 3:2

hikuva vatavona xichavu xa n'wina ni kutenga ka n'wina.

Varhoma 15:4

Hinkwasvu lesvi svitsaliweke hi lava va khale, svitsaliwile lesvaku hijondza ha svona, ni lesvaku hiva ni kulangutela, hikolaho ka kutiyisela ni kuchaveleliwa loku hikukumaka Matsalweni.

Timhaka 9:15

Hosi yiku ka yena: “Yana, hikuva munhu lweyi i xitirho lexi ningatihlawulela xona kuyapaluxa vito ra mina ka vamatiko, ni ka tihosi, ni ka Vaisrayele;

Matewu 21:22

na svona, hinkwasvu lesvi misvikombelaka hi kukhongela, loko mili ni kupfumela mitanyikiwa svona.”

2 Timotiya 1:11

Mina nivekiwile kuva muchumayeli wa Rito ni mupostola ni mujondzisi hikolaho ka Evhangeli leyi.

1 Vakorinto 10:11

Svilo lesvi svivahumelelile lesvaku sviva xitsundzuxu; nasvona svitsaliwile lesvaku na hina hitsundzuxiwa hi svona, hina lava hinga minkarhini ya makumu.

Varhoma 9:21

Hi tlhelo rin'wana, xana muvumbi anga na wona matimba henhla ka vumba ra yena, akuva hi vumba ro ra rin'we, avumba xibza xin'we xa risima ni xin'wana xosoleka ke?

Yakobo 3:18

Kutani mihandzu ya mahanyela lamalulameke yihuma ka mbewu leyingabzaliwa hi kurhula, hi vanhu lavatirhaka mintirho ya kurhula.

Vaheveru 11:4

Hi kupfumela, Abele ahumesele Xikwembu timhamba letiyamukelekeke kutlula ta Kayini, kutani hikolaho ka svona akumile vumboni bzinene avuliwa lweyi alulameke, Xikwembu na xili karhi xitiyisa svosvo hi kuyamukela tinyiko ta yena. Afile, kambe hi mhaka ya kupfumela ka yena, wahavulavula.

Tito 1:5

Mhaka leyiyendleke lesvaku nikusiya le Kreta, aniyendlela lesvaku usala uhetisa lesvi asvahalava kululamisiwa, nasvona uhlawula vakulukumba va kereke doropeni rin'wana ni rin'wana. Tsundzuka lesvi nikuleriseke svona:

Vakolosa 1:6

leyifikeke ka n'wina kukota lesvi yifikeke matikweni hinkwawu; yikarhi yiveka mihandzu ni kukula, kukota lesvi yiyendlisaka xisvona ka n'wina, kusukela siku leri mitweke ni kutwisisa timpsalu ta Xikwembu hi ntiyiso wa tona.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

Timhaka 10:41

kungali ka tiko hinkwaru, kambe ka timboni leti xiti hlawuleke ka hali kusunguleni, anga hina lava hingaja na yena, hi nwa na yena, ndzhaku ka loko apfukile kufeni.

1 Timotiya 2:7

Kutani, hi svona lesvingayendla lesvaku nivekiwa kuva muchumayeli wa Rito ni mupostola (nivula lesvi svitiyeke, anihembi), nijondzisa vamatiko ta kupfumela ni ta ntiyiso.

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Varhoma 1:13

Nilava lesvaku mitiva mhaka leyi, vamakwerhu: Minkama leyinyingi, nibohile makungu ya kuta ka n'wina, kutaringeta kuhundzula vanhu vangali vangani va ka n'wina lesvaku vapfumela, kukotisa lesvi nisviyendleke matikweni man'wana; kambe kufika svosvi nisiveliwile hi svin'wana.

Timhaka 1:8

kambe mitanyikiwa matimba, siku leri Moya Wokwetsima wungatata henhla ka n'wina; kutani mitava timboni ta mina kola Yerusalema, ni le tikweni hinkwaru ra Yudeya, ni ra Samariya, ni kuyafika magan'wini ya misava.”

Matewu 7:7

Kombelani, mitanyikiwa; lavani, mitasvikuma; gongondzani, mitapfuleliwa,

Yohane 15:5

Hi mina nsinya wa mvhinya; n'wina mimarhavi. lweyi atshamaka ka mina, kukota lesvi na mina nitshamaka ka yena, aveka mihandzu yotala; hikuva handle ka mina mingakala mingakoti kuyendla nchumu.