Yohane 14:6 - Testamente Leyimpsha Xichangana

⁶ Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

BIBELE Mahungu Lamanene

⁶ Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Xitsonga (Bibele)

⁶ Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 14:6 Referans Kwoze

Timhaka 4:12

“Kutani kuponisiwa aku kumeki ka munhu mun'wana, hikuva vanhu avanyikiwanga vito rin'wana laha misaveni, handle ka vito ra Yesu, leri hifanelaka kuponisiwa ha rona.”

Yohane 10:9

Hi mina nyangwa. Loko munhu anghena ha mina, ataponisiwa; atanghena atlhela ahuma, akuma ni majelo.

Vaefesa 2:18

Hi yena lweyi ayendleke lesvaku hina hinkwerhu, Vayuda ni vamatiko, hikota kuta hi Moya wun'we mahlweni ka Xikwembu.

Yohane 1:4

Vutomi abzili ka yena, kutani vutomi lebzo abzili kuvonakala ka vanhu.

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yohane 1:17

Hikuva Nawu wunyikiwile hi Moxe; kambe timpsalu ni ntiyiso svitile ha Yesu Kriste.

Vaheveru 7:25

Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

Yohane 8:32

nasvona mitativa ntiyiso, kutani ntiyiso wutamintshunsa.”

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Yohane 5:21

Kukotisa lesvi Tatana apfuxaka vafi, atlhela avanyika vutomi, svitano na yena N'wana, anyika vutomi ka lava arhandzaka kuvanyika bzona.

2 Yohane 1:9

Mani na mani lweyi ayaka mahlweni hi kutsandzeka, angatiyiseli jondzweni ya Kriste, anga Xikwembu; lweyi atiyiselaka jondzweni ya Kriste, lweyo ana Tatana ni N'wana.

Nhlavutelo 20:15

Loko vito ra munhu ringakumiwi na ritsaliwile bukwini ya vutomi, munhu yelweyo ahoxiwa tiveni ra ndzilo.

Yohane 15:1

“Hi mina nsinya wa xiviri wa mvhinya; murimi i Tatana wa mina.

Matewu 11:27

Tatana avekile svilo hinkwasvu mavokweni ya mina; kutani aku na lweyi ativaka N'wana, loko angali Tatana; nasvona aku na lweyi ativaka Tatana, loko angali N'wana, ni lweyi N'wana alavaka kumutivisa ka yena.

Yohane 6:51

Hi mina vusva lebzi bzihanyaka lebzixikeke hi le tilweni; loko munhu aja vusva bzakona, atahanya hilaha kungaheliki, kutani vusva lebzi ningatabzinyika vanhu, i nyama ya mina; leyi ningatayinyika misava, lesvaku yihanya.”

Nhlavutelo 22:17

Moya ni Mutekiwa vali: “Tana! Ni lweyi asvitwaka aavule aku: ‘Tana!’ Lweyi anga ni torha aate; ni lweyi asvinavelaka aanwe mati ya vutomi mahala, angahakeli.”

Yohane 8:51

Nitiyisile hakunene, nili ka n'wina: Munhu lweyi ahlayisaka rito ra mina, angakala angavoni rifu ni siku ni rin'we.”

1 Yohane 2:23

Mani na mani lweyi ayalaka N'wana anga na yena hambi Tatana. Lweyi apfumelaka N'wana hambi Tatana ana yena.

Yohane 10:28

Kutani nitinyika vutomi lebzingaheliki; tingakala tingalovi, nasvona aku na munhu lweyi angatativutla vokweni ra mina.

Yohane 18:37

Pilato aku ka yena: “Hikolaho, u hosi, ahi svona ke?” Yesu ahlamula, aku: “Kuvula wena lesvaku ni Hosi. Lesvi nipsaleliweleke svona ni lesvi ningatela svona laha misaveni, i kuta nitaveka vumboni henhla ka ntiyiso. Mani na mani lweyi anga wa ntiyiso, ayingisa rito ra mina.”

Yohane 6:33

Hikuva vusva bza Xikwembu hi lebzi bzixikaka hi le tilweni, lebzinyikaka misava vutomi.”

Yohane 14:19

Ndzhaku ka nkarhinyana, misava ayingahanivoni, kambe n'wina mitanivona. Lesvi nihanyaka, na n'wina mitahanya.

Yohane 6:57

Tani hi lesvi Tatana lweyi ahanyaka anirhumeke, ni lesvi mina nihanyaka hikolaho ka Tatana, hi mukhuva wolowo na yena lweyi anijaka atahanya hikolaho ka mina.

1 Petro 2:4

Tanani ka yena, hikuva yena i ribze lerihanyaka, lerinyenyiweke hi vanhu, kasi mahlweni ka Xikwembu hi lerihlawuliweke, ra risima.

Yohane 10:7

Yesu atlhela aku ka vona: “Nitiyisile nili ka n'wina: Hi mina nyangwa ya tinyempfu.”

Varhoma 5:2

nasvona hi kupfumela, hikotile kukuma ha yena timpsalu leti hiyimeke ka tona svosvi, kutani hitikulisa kulanguteleni ka hina ka kuyaveliwa kukwetsima ka Xikwembu.

Vakolosa 3:4

Vutomi bza n'wina bza xiviri i Kriste, kutani loko ahumelela, na n'wina mitahumelela na yena kukwetsimeni.

1 Vakorinto 15:45

Hikolaho kutsaliwile, vaku: “Munhu wa kusungula Adamu, ayendliwile xivumbiwa lexihanyaka.” Kambe Adamu lweyi wohetelela ayendliwile moya lowuhanyisaka.

1 Yohane 1:8

Loko hiku ahi na vujoho hatikanganyisa ha hoxe, kutani ntiyiso awu kona ka hina.

Yohane 6:68

Simoni Petrosi ahlamula, aku ka yena: Hosi, hingaya ka mani xana? Wena u ni marito ya vutomi lebzingaheliki.

Varhoma 5:21

asvili lesvaku, kukotisa lesvi kujoha kufumeke hi rifu, timpsalu na tona titafumisa xisvosvo hi kululama loku kuyisaka vuton'wini lebzingaheliki, ha Yesu Kriste Hosi ya hina.

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

1 Petro 1:21

Hikolaho ka yena, mi ni kutshemba ka Xikwembu, lexi ximipfuxeke xikarhi ka vafi, xinyika kudzuneka, kuyendlela lesvaku kupfumela ka n'wina ni kulangutela ka n'wina sviva ka Xikwembu.

Nhlavutelo 19:11

Ndzhaku ka svona, nivona tilo ripfuliwile, kan'wekan'we, kuvoneka hanchi robasa. Lweyi agadeke rona, mavito ya yena vali i “Mutshembeki” ni “Ntiyiso”. Ayavanyisa ni kulwa hi kululama.

Vakolosa 2:9

Hikuva vukwembu hinkwabzu bziyakile hi ntalu mirini wa yena,

1 Yohane 5:6

Lweyi hi yena lweyi angata hi mati ni ngati,Yesu Kriste, kungali hi mati ntsena, kambe hi mati ni ngati. Kutani Moya hi wona mboni, hikuva Moya i ntiyiso.

Nhlavutelo 3:14

“Tsalela ni ntsumi ya kereke ya le Lawudokiya, uku: “‘Marito ya lweyi anga Amen, mboni leyitshembekeke ya ntiyiso, masungulu ya lesvitumbuluxiweke hi Xikwembu, hi lawa:

Vakolosa 2:17

Hinkwasvu lesvi i ndzhuti wa lesvi svitaka, kambe nsinya wa svona i Kriste hi xivirhi.

Nhlavutelo 3:7

“Tsalela ni ntsumi ya kereke ya le Filadelfiya, uku: “‘Lweyi akwetsimeke, lweyi anga wa ntiyiso, lweyi atameleke khiya ra Davhida, lweyi apfulaka kungapfali munhu, lweyi apfalaka kungapfuli munhu, avula svosvo ali:

Timhaka 3:15

kutani midlaya munyiki wa vutomi; kambe Xikwembu ximupfuxile kufeni; hina hi timboni ta svona.

Nhlavutelo 22:1

Kutani ntsumi yinikomba nambu wa mati ya vutomi lowuvangamaka kufana ni “krixtali”, wukhuluka wuhuma Xitshan'wini xa Vuhosi xa Xikwembu ni xa Xinyempfana.

Vaheveru 9:8

Hi mukhuva lowu, Moya Lowokwetsima wukomba lesvaku ndlela ya kuyanghena xivandleni lexihlawulekeke ayisipfuleka, loko tabernakele ya le handle yaha yimile.

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

Timhaka 9:2

kuyakombela mapapela lawa matsaleliweke masinagoga ya Damaska, lesvaku loko atshuka akuma lavalandzaka Ndlela ya Hosi, vavanuna kumbe vavasati, avayisa Yerusalema na vabohiwile.