Yohane 14:13 - Testamente Leyimpsha Xichangana

¹³ Hinkwasvu lesvi misvikombelaka hi vito ra mina, nitasviyendla, lesvaku Tatana adzunisiwa ka N'wana.

BIBELE Mahungu Lamanene

¹³ Xin'wana ni xin'wana lexi mi xi kombelaka hi vito ra mina, ndzi ta xi endla, leswaku Tatana a dzunisiwa eka N'wana.

Xitsonga (Bibele)

¹³ Hinkwaswo leswi mi nga ta swi kombela hi vito ra mina, ndzi ta swi endla, leswaku Tatana a dzunisiwa eka N'wana.

Yohane 14:13 Referans Kwoze

Yohane 15:7

Loko mitshama ka mina, ni loko marito ya mina matshama ka n'wina kombelani hinkwasvu lesvi misvirhandzaka, kutani mitayendleliwa svona.

Marka 11:24

Hikolaho nili ka n'wina: Hinkwasvu lesvi misvikombelaka hi kukhongela, pfumelani lesvaku minyikiwile svona, kutani mitayendleliwa svona.

Matewu 21:22

na svona, hinkwasvu lesvi misvikombelaka hi kukhongela, loko mili ni kupfumela mitanyikiwa svona.”

Matewu 7:7

Kombelani, mitanyikiwa; lavani, mitasvikuma; gongondzani, mitapfuleliwa,

1 Yohane 5:14

Loku hi kona kutshemba loku hinga nakona ka yena, hi lesvaku loko hikombela xokarhi mayelanu ni kurhandza ka yena, yena wahiyingisa.

Yohane 16:23

“Hi siku rakona, amingahanivutisi nchumu. Nitiyisisile nili ka n'wina: Hinkwasvu lesvi mingatasvikombela ka Tatana hi vito ra mina, ataminyika svona.

1 Yohane 3:22

Kutani hinkwasvu lesvi hisvikombelaka ka xona, hitanyikiwa svona; hikuva hihlayisa milawu ya xona, hiyendla lesvi svitsakisaka mahlweni ka xona.

Yohane 15:16

Ahi n'wina minihlawuleke; hi mina nimihlawuleke, kutani nimivekile lesvaku miya, miyaveka mihandzu, ni lesvaku mihandzu ya n'wina yiva kona masiku hinkwawu; kutani hinkwasvu lesvi mingatasvikombela ka Tatana hi vito ra mina, ataminyika svona.

Yohane 14:14

Loko mikombela ka mina xanchumu hi vito ra mina, nitaxiyendla.”

Yakobo 5:16

Hikolaho, tivuleni kujoha ka n'wina mun'we ka mun'wana, mikhongelelana mun'we ka mun'wana lesvaku mitahanya. Xikhongelo xa munhu wolulama xi ni matimba ngopfu, xatirha.

Vafilipiya 4:13

Ningayendla hinkwasvu hi matimba ya Lweyi anitiyisaka.

Yakobo 1:5

Loko mun'we wa n'wina apfumala vutlhari, aakombele ka Xikwembu, lexinyikaka vanhu hinkwavu hi timpsalu, kungali ni kuvilela, kutani atanyikiwa bzona.

Vaefesa 3:12

Hi kuhlangana na yena, ni kupfumela ka yena, hi tshunxekile kuta mahlweni ka Xikwembu na hingali na kukanakana.

Yohane 16:26

Loko siku rakona rifika, mitakombela hi vito ra mina, kambe anivuli lesvaku nitamikombelela ka Tatana,

Yohane 10:30

Mina na Tatana hi mun'we.

Vaefesa 2:18

Hi yena lweyi ayendleke lesvaku hina hinkwerhu, Vayuda ni vamatiko, hikota kuta hi Moya wun'we mahlweni ka Xikwembu.

Vakolosa 3:17

Kutani xin'wana ni xin'wana lexi mixiyendlaka, hi kuvulavula kumbe hi kutirha, xiyendleni hi vito ra Hosi Yesu, na mili karhi mikhensa Xikwembu Tatana ha yena.

Yohane 7:37

Hi siku rogamesa ra nkhuvu, ringa lerikulu, Yesu asuka ayima, kutani atlakusa rito aku: “Loko munhu ali ni torha, aate ka mina atanwa.”

Vaheveru 7:25

Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

Yohane 14:6

Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

Yohane 12:44

Kutani Yesu atlakusa rito, aku: “Lweyi apfumelaka ka mina, angapfumeli ka mina ntsena kambe apfumela ni le ka lweyi anirhumeke;

Luka 11:9

Hikolaho-ke nili ka n'wina: Kombelani, mitanyikiwa; lavani, mitasvikuma; gongondzani, mitapfuleliwa,

1 Petro 2:5

Kutani, kufana ni maribze lamahanyaka, na n'wina mifanele kuyakiwa miyendla yindlo ya moya, lesvaku mitava vaprista lavahlawulekeke, mihumesa timhamba ta moya letiyamukelekaka ka Xikwembu ha Yesu Kriste.

Yohane 5:19

Hi loko Yesu aku ka vona: “Nitiyisile nili ka n'wina. N'wana angakala angatisunguleli ayendla xilo hi yexe; ayendla ntsena lexi axivoneke xiyendliwa hi Tatana wa yena; hinkwasvu lesvi Tatana asviyendlaka, na yena N'wana wasviyendla.

Vaheveru 13:15

Loko svilitano, ahihumeseni timhamba masiku hinkwawu ha yena Yesu, hidzunisa Xikwembu ha tona, na hili karhi hikhensa vito ra xona hi marito lawa mahumaka milon'weni ya hina.

Vaheveru 4:15

Hikuva Muprista lwenkulu lweyi hinga na yena ahi lweyi atsandzekaka kuhitwela vusiwana minkarhalweni ya hina, kambe hi lweyi aringiweke hi matlhelo hinkwawu kufana na hina, ntsena yena angajohanga.

Vaefesa 3:14

Hikolaho ka svosvo, nikhinsama hi matsolo mahlweni ka Tatana,

Yohane 4:14

Kambe, mani na mani lweyi anwaka mati lawa ni munyikaka, angatatlhela atwa torha, hikuva mati lawa ningatamunyika wona, matayendla xihlovo xa mati lawa mapfelaka hi vutomi lebzingaheliki.

Yohane 4:10

Yesu amuhlamula aku: “Loko onge utivile kunyika ka Xikwembu, ni lweyi ange ka wena; ninyike mati ninwa, awutava ukombela ka yena, kutani aatava akunyikile mati lawa mahanyaka.”

Yohane 16:7

Hambi svilitano, namibzela ntiyiso: Svitava svinene ka n'wina loko nifamba. Hikuva loko ningafambi, Muchaveleli angakala angati ka n'wina; kambe loko nifamba, nitamurhumela ata ka n'wina.

Yohane 13:31

Loko Yudasi ahumile, Yesu aku: “Svosvi N'wana-wa-Munhu adzunisiwile, na xona Xikwembu xidzunisiwile ka yena

1 Vakorinto 14:13

Hikolaho, lweyi avulavulaka hi ririmi leringativiwiki, aakhongele lesvaku akota kurihlamusela.