Yohane 11:55 - Testamente Leyimpsha Xichangana

⁵⁵ Nkhuvu wa Paska ya Vayuda awuli kusuhi. Lavotala lavahumaka matikweni, avatlhantukele Yerusalema vayatibasisa, nkhuvu wungasivakona.

BIBELE Mahungu Lamanene

⁵⁵ Nkhuvo wa Paseka ya Vayuda a wu ri kusuhi. Lavo tala lava humaka ematikweni, a va tlhandlukele eYerusalema, va ya tibasisa, nkhuvo wu nga si va kona.

Xitsonga (Bibele)

⁵⁵ Paseka ya Vayuda a yi ri ekusuhi, kutani lavo tala va suka etikweni va tlhandlukela eYerusalema, ku ya tibasisa kona, Paseka yi nga si fika.

Yohane 11:55 Referans Kwoze

Yohane 12:1

Loko kahasele masiku ya ntlhanu ni rin'we nkhuvu wa Paska wungasivakona, Yesu aya Betaniya. Kona akutshama Lazaru lweyi Yesu aamupfuxile kufeni.

Yohane 6:4

Kutani nkhuvu wa Paska ya Vayuda awuli kusuhi.

Yohane 2:13

Nkhuvu wa Paska ya Vayuda awuli kusuhi, kutani Yesu atlhantukela Yerusalema.

Yakobo 4:8

Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi.

1 Vakorinto 11:28

Munhu afanele kurhanga hi kutikamba, kuva kona angataja xinkwa lexi ni kunwela ndzhekweni lowu;

Timhaka 24:18

Vanikumile Tempeleni na nitirha svilo lesvi, na nili lweyi atibasiseke hi nawu; akungali na ntshungu kona, akungapfukanga dzolonga.

Yohane 18:28

Kutani vasuka na Yesu ka Kayafasi, vamuyisa ndlwini ya vuhosi. Akahali mpundzu svinene; vona hi voxe avanghenanga ndlwini ya vuhosi, kuyendlela lesvaku vangatinyamisi, vatakota kuja nkhuvu wa Paska.

Yohane 13:1

Nkhuvu wa Paska awungasifika, kambe Yesu aativa lesvaku nkarhi wa yena wufikile wakusuka laha misaveni, aya ka Tatana. Aarhandza vanhu va yena laha misaveni, kutani avarhandzile ngopfu kuyisa kuheteleleni.

Yohane 5:1

Ndzhaku ka svosvo, nkhuvu wa Vayuda wuvakona, kutani Yesu atlhantukela Yerusalema.

Yohane 2:6

Tani hi lesvi Vayuda vatolovelaka kuhlamba vatibasisa vangasija, makhuwani ya ribze ya ntlhanu na rin'we amatikarhetiwile kolaho, rin'wana ni rin'wana alitatiwa hi makhuwana, mambirhi kumbe manharhu.

Marka 14:1

Akuyosala masiku mambirhi, kungasifika nkhuvu wa Paska ni wa xinkwa xokala comela; kutani Vaprista lavakulu ni Vatsali avalava ndlela yokhoma Yesu ha yona hi vutlhari lesvaku vatamudlaya.

Matewu 26:1

Kuteloko Yesu ahetile kuvulavula timhaka toleto hinkwatu, aku ka vajondzisiwa va yena:

Matewu 26:2

“Masvitiva lesvaku loko kutava kuhundzile masiku mambirhi, kutava ni nkhuvu wa Paska; kutani N'wana-wa-Munhu atanyiketiwa lesvaku avambiwa xihambanwini.”

Luka 22:1

Nkhuvu wa Xinkwa lexokala comela lowuvuliwaka Paska, awuli kusuhi.

Timhaka 21:24

famba na vona, utibasisa na vona, uvahakelela lesvilavekaka, lesvaku vatakota kubzevuliwa tinhloko; kutani hinkwavu vatativa lesvaku akutiyanga ni mhaka ni yin'we ya leti vangabzeliwa tona hi tlhelo ra wena, kambe vatativa lesvaku na wena ulandza Nawu, ni lesvaku wawu hlayisa.

Timhaka 21:26

Hi loko Pawulo ateka vavanuna volavo; hi siku leritlhantamaka atibasisa na vona, kutani anghena Tempeleni kuyativisa lesvaku masiku ya kutibasisa ka vona matahela rini, ni lesvaku kutahumesiwa rini timhamba ta mun'wana ni mun'wana wa vona.