Yohane 10:36 - Testamente Leyimpsha Xichangana

³⁶ Kutani-ke, hikolaho ka yini miku: “Asandza Xikwembu hi mhaka ya lesvi ningate: Ni N'wana-wa-Xikwembu xana? Kasi hi mina lweyi Tatana angamukwetsimisa ni kumurhuma misaveni.

BIBELE Mahungu Lamanene

³⁶ Kutani ke, hikwalaho ka yini mi ku: ‘U sandza Xikwembu’, hi mhaka ya leswi ndzi nga te: ‘Ndzi N'wana wa Xikwembu’ xana? Kasi hi mina loyi Tatana a nga n'wi hlawula ni ku n'wi rhuma emisaveni.

Xitsonga (Bibele)

³⁶ xana n'wina mi ndzi byela ha yini, mi ku: ‘Wa sandza,’ loko ndzi te: ‘Ndzi N'wana wa Xikwembu’? Kasi hi mina loyi Tatana a nga n'wi hlawula ni ku n'wi rhuma emisaveni.

Yohane 10:36 Referans Kwoze

Yohane 3:17

Xikwembu axirhumelanga N'wana wa xona misaveni kutayavanyisa misava, kambe akuli kuyendlela lesvaku misava yitaponisiwa ha yena.

Yohane 20:31

Kambe timhaka leti titsaleliwile n'wina, lesvaku mitakota kupfumela lesvaku Yesu i Kriste, N'wana wa Xikwembu, ni lesvaku, hi mhaka ya kupfumela, miva ni vutomi vitweni ra yena.

Yohane 6:27

Mingatirheli svakuja lesvibolaka, kambe tirhelani svakuja lesvingaboliki, svinga lesvinyikaka vutomi lebzingaheliki. Svakuja lesvi, mitanyikiwa hi N'wana-wa-Munhu, hikuva hi yena lweyi Xikwembu Tatana ximufungeke hi mfungu wa xona.”

Varhoma 9:5

Vakokwana va hina i va vona; na yena Kriste ahuma rixakeni ra vona, hi tlhelo ra kuvelekiwa. Xikwembu lexinga henhla ka svilo hinkwasvu, axivongiwe hilaha kungaheliki. Amen!

Varhoma 1:4

kambe, hi tlhelo ra moya wa yena lowukwetsimaka, svitikombile lesvaku i N'wana wa Xikwembu lweyi anga ni matimba hinkwawu, hi kupfuka ka yena xikarhi ka vafi.

Yohane 20:28

Tomasi amuhlamula, aku: “Hosi yanga ni Xikwembu xanga!”

Yohane 19:7

Vayuda vamuhlamula, vaku: “Hi ni nawu, kutani hi nawu wa hina afanele kufa, hikuva atiyendlile N'wana wa Xikwembu.”

Yohane 17:21

ninavela lesvaku hinkwavu vava mun'we, kufana ni lesvi wena Tatana unga ka mina, na mina ninga ka wena, lesvaku na vona vava ka hina, kutani misava yitapfumela lesvaku unirhumile.

Yohane 17:18

Tani hi lesvi unirhumeke misaveni, na mina nivarhumile misaveni.

Yohane 17:8

hikuva nivanyikile marito lawa uninyikeke wona; vamayamukelile, kutani vajondzile hakunene lesvaku nihuma ka wena, kutani vapfumelile lesvaku nirhumiwile hi wena.

Yohane 6:69

Kutani hina hi ni kupfumela ni kusvitiva lesvaku hi wena Muhlawuliwa wa Xikwembu.”

Yohane 6:57

Tani hi lesvi Tatana lweyi ahanyaka anirhumeke, ni lesvi mina nihanyaka hikolaho ka Tatana, hi mukhuva wolowo na yena lweyi anijaka atahanya hikolaho ka mina.

Yohane 6:38

Hikuva nixikile hi le tilweni, kungali kutayendla kurhandza ka mina, kambe kuyendla kurhandza ka lweyi anirhumeke.

Yohane 5:30

“Ningakala ningatisunguleli niyendla xilo hinoxe; niyavanyisa hilaha nibzeliwaka hakona; hi kolaho, kuyavanyisa ka mina kululamile, hikuva anilavi kuyendla kurhandza ka mina, kambe kurhandza ka lweyi anirhumeke.”

Yohane 3:34

Lweyi arhumiwaka hi Xikwembu, avula marito ya Xikwembu, hikuva Xikwembu axipimi loko xinyika Moya wa xona.

Luka 1:35

Ntsumi yimuhlamula, yiku: “Moya Lowokwetsima wutaxikela ka wena, ni matimba ya Lweyi anga henhlahenhla matakufunengeta; hi kolaho n'wana lweyi wohlawuleka lweyi angatapsaliwa, atavuliwa N'wana wa Xikwembu.

Matewu 27:43

Atshembile Xikwembu, aximuponise svosvi loko ximutsakela, hikuva ate: ‘Ni N'wana wa Xikwembu.’”

Vagalatiya 4:4

Kambe loko nkama wufikile hi ndlela leyi yihetisekeke, Xikwembu xirhumile N'wana wa xona, lweyi avelekiweke hi wansati, avelekiwa na ali hansi ka Nawu,

Varhoma 8:3

Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

Yohane 8:42

Yesu aku ka vona: “Loko Xikwembu axili tatana wa n'wina, amitanirhandza, hikuva mina nihumile, nasvona nita hi ka Xikwembu; anititisanga, kambe nirhumiwile hi yena.

Matewu 27:54

Loko ndhuna ya dzana ra masochwa ni lava avali na yona kurindza Yesu, vavona kutsekatseka ka misava ni lesvihumeleleke, vachava ngopfu, vaku: “Hakunene munhu lweyi aali N'wana wa Xikwembu.”

Yohane 10:35

Hikolaho, loko nawu uvavitile svikwembu lavaya avakongomiwa hi rito ra Xikwembu (kutani amatsalwa mangacinciwi).