Yohane 1:34 - Testamente Leyimpsha Xichangana

³⁴ “Mina nisvivonile kutani niveka vumboni niku, lweyi hi yena N'wana wa Xikwembu.”

BIBELE Mahungu Lamanene

³⁴ Mina Yohane ndzi swi vonile, kutani ndzi vekile vumbhoni ndzi ku, loyi hi yena N'wana wa Xikwembu.”

Xitsonga (Bibele)

³⁴ Kutani ndzi swi vonile, kambe ndzi vurile vumbhoni bya mina leswaku loyi i N'wana wa Xikwembu.”

Yohane 1:34 Referans Kwoze

Yohane 1:49

Nataniyeli amuhlamula aku; “Mujondzisi, wena u N'wana wa Xikwembu, wena u Hosi ya Israyele.”

Matewu 4:3

Kutani muringi ata ka yena, ataku: “Loko uli N'wana wa Xikwembu, bzela maribze lawa lesvaku mahundzuka svakuja.”

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

Nhlavutelo 2:18

Tsalela ni ntsumi ya kereke ya le Tiyatira, uku: Marito ya N'wana wa Xikwembu, lweyi anga ni mahlo lawa mafanaka ni malangavi ya ndzilo, lweyi minkondzo ya yena yifanaka ni koporo leyipolichiweke, hi lawa:

Varhoma 1:4

kambe, hi tlhelo ra moya wa yena lowukwetsimaka, svitikombile lesvaku i N'wana wa Xikwembu lweyi anga ni matimba hinkwawu, hi kupfuka ka yena xikarhi ka vafi.

Yohane 20:31

Kambe timhaka leti titsaleliwile n'wina, lesvaku mitakota kupfumela lesvaku Yesu i Kriste, N'wana wa Xikwembu, ni lesvaku, hi mhaka ya kupfumela, miva ni vutomi vitweni ra yena.

1 Yohane 4:9

Xilesvo, rirhandzu ra Xikwembu ritikomba ka hina hi ndlela leyi: Hi lesvaku Xikwembu xirhume N'wana wa xona lweyi angapsaliwa ali yexe kuta laha misaveni, lesvaku hitakota kuhanya hikolaho ka yena.

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.

1 Yohane 2:23

Mani na mani lweyi ayalaka N'wana anga na yena hambi Tatana. Lweyi apfumelaka N'wana hambi Tatana ana yena.

2 Vakorinto 1:19

hikuva N'wana wa Xikwembu Yesu Kriste lweyi himupaluxeke xikarhi ka n'wina, mina na Silvhano na Timotewu, aangali “ina na ihim!” Kambe ka yena kuvuliwa “ina!” masiku hinkwawu.

Yohane 19:7

Vayuda vamuhlamula, vaku: “Hi ni nawu, kutani hi nawu wa hina afanele kufa, hikuva atiyendlile N'wana wa Xikwembu.”

Yohane 11:27

Aku ka yena: “Ina Hosi, napfumela lesvaku hi wena Kriste, N'wana wa Xikwembu, lweyi aafanela kuta laha misaveni.”

Yohane 10:36

Kutani-ke, hikolaho ka yini miku: “Asandza Xikwembu hi mhaka ya lesvi ningate: Ni N'wana-wa-Xikwembu xana? Kasi hi mina lweyi Tatana angamukwetsimisa ni kumurhuma misaveni.

Marka 1:1

Lawa hi wona masungulu ya Evhangeli ya Yesu Kriste, N'wana wa Xikwembu.

Matewu 27:54

Loko ndhuna ya dzana ra masochwa ni lava avali na yona kurindza Yesu, vavona kutsekatseka ka misava ni lesvihumeleleke, vachava ngopfu, vaku: “Hakunene munhu lweyi aali N'wana wa Xikwembu.”

Matewu 27:43

Atshembile Xikwembu, aximuponise svosvi loko ximutsakela, hikuva ate: ‘Ni N'wana wa Xikwembu.’”

Matewu 27:40

“Wena lweyi uhirimuxaka Tempele, uku utayipfuxa hi masiku manharhu, tiponise ke, uxika laho xihambanwini, loko uli N'wana wa Xikwembu!”

Matewu 26:63

Kambe Yesu amiyela. Muprista lwenkulu atlhela, aku ka yena: “Nikuhlambanyisa hi Xikwembu lexi xihanyaka, hibzele loko uli wena Mesiya, N'wana wa Xikwembu.”

Matewu 17:5

Aku ahavulavula, refu lerovangama rihumelela, rivafunengeta; kutani kutwakala rito lerihumaka ka refu, riku: “Lweyi i N'wananga lweyi nimurhandzekaka, lweyi nimutsakelaka, muyingiseni!”

2 Yohane 1:9

Mani na mani lweyi ayaka mahlweni hi kutsandzeka, angatiyiseli jondzweni ya Kriste, anga Xikwembu; lweyi atiyiselaka jondzweni ya Kriste, lweyo ana Tatana ni N'wana.

Vaheveru 7:3

Tatana wa yena angativiwi, hambi ali mamana wa yena, kumbe longoloko wa rixaka ra yena. Masiku ya yena amana masungulu, hambi bzili vutomi bza yena, abzi na makumu. Afana ni N'wana wa Xikwembu, kutani aya mahlweni ali Muprista hilaha kungaheliki.

Luka 3:22

Moya Lowokwetsima wuxikela henhla ka yena, wuli ni xivumbeko lexifanaka ni xituvana; kutani rito rihuma tilweni riku: “U N'wananga lweyi arhandzekaka, lweyi ni mutsakelaka svinene.”

Luka 1:35

Ntsumi yimuhlamula, yiku: “Moya Lowokwetsima wutaxikela ka wena, ni matimba ya Lweyi anga henhlahenhla matakufunengeta; hi kolaho n'wana lweyi wohlawuleka lweyi angatapsaliwa, atavuliwa N'wana wa Xikwembu.

Marka 1:11

kutani rito lerihumaka matilweni riku: “Wena u N'wananga lweyi arhandzekaka, lweyi nimutsakelaka.”

Matewu 16:16

Kutani Simoni Petrosi ahlamula aku: “U Kriste, N'wana wa Xikwembu lexinyikaka vutomi.”

Matewu 11:27

Tatana avekile svilo hinkwasvu mavokweni ya mina; kutani aku na lweyi ativaka N'wana, loko angali Tatana; nasvona aku na lweyi ativaka Tatana, loko angali N'wana, ni lweyi N'wana alavaka kumutivisa ka yena.

Matewu 8:29

Kutani vahuwelela, vaku: “Mhaka ya wena na hina hi yihi ke, wena N'wana wa Xikwembu? Xana utele kutahixanisa nkarhi wungasifika ke?”

Matewu 4:6

aku ka yena: “Loko uli N'wana wa Xikwembu, jatama, hikuva kutsaliwile lesvi: “‘Xikwembu xitarhumela tintsumi ta xona, kutani titakuqhamukela mavokweni ya tona, lesvaku nenge wa wena wungatshuki wuvavisiwa hi ribze.’”

Matewu 3:17

Kutani kutwakala rito lerihumaka matilweni, riku: “Lweyi i N'wananga lweyi nimurhandzaka, lweyi nimutsakelaka.”

Yohane 20:28

Tomasi amuhlamula, aku: “Hosi yanga ni Xikwembu xanga!”

Yohane 10:30

Mina na Tatana hi mun'we.

Yohane 6:69

Kutani hina hi ni kupfumela ni kusvitiva lesvaku hi wena Muhlawuliwa wa Xikwembu.”

Yohane 1:18

Aku na munhu lweyi atshamaka avona Xikwembu ni siku ni rin'we. N'wana wa Xikwembu lweyi angapsaliwa ali yexe, lweyi anga xifuveni xa Tatana, hi yena lweyi angayendla lesvaku Xikwembu xitiviwa.