Yohane 1:14 - Testamente Leyimpsha Xichangana

¹⁴ Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

BIBELE Mahungu Lamanene

¹⁴ Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Xitsonga (Bibele)

¹⁴ Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Yohane 1:14 Referans Kwoze

1 Yohane 4:9

Xilesvo, rirhandzu ra Xikwembu ritikomba ka hina hi ndlela leyi: Hi lesvaku Xikwembu xirhume N'wana wa xona lweyi angapsaliwa ali yexe kuta laha misaveni, lesvaku hitakota kuhanya hikolaho ka yena.

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

Yohane 1:1

Kusunguleni ka svilo hinkwasvu, Rito arili kona, Rito arili ni Xikwembu, kutani Rito arili Xikwembu.

Vagalatiya 4:4

Kambe loko nkama wufikile hi ndlela leyi yihetisekeke, Xikwembu xirhumile N'wana wa xona, lweyi avelekiweke hi wansati, avelekiwa na ali hansi ka Nawu,

Vaheveru 1:3

Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,

Yohane 6:51

Hi mina vusva lebzi bzihanyaka lebzixikeke hi le tilweni; loko munhu aja vusva bzakona, atahanya hilaha kungaheliki, kutani vusva lebzi ningatabzinyika vanhu, i nyama ya mina; leyi ningatayinyika misava, lesvaku yihanya.”

Vakolosa 1:19

Hikuva svitsakisile Xikwembu lesvaku kuhetiseka hinkwaku ka xona kutshama ka yena,

1 Vakorinto 15:47

Munhu wa kusungula ahumile misaveni, na ali lweyi ayendliweke hi ntshuri wa misava; munhu lweyi wa vumbirhi ahuma tilweni.

Varhoma 8:3

Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

1 Yohane 4:14

Kutani na hina hisvivonile, hiva hiveka vumboni, lesvaku Tatana arhumele N'wana kuva Muponisi wa misava.

Vakolosa 2:9

Hikuva vukwembu hinkwabzu bziyakile hi ntalu mirini wa yena,

2 Yohane 1:7

Hikuva vakanganyisi lava votala se vanghenile misaveni, lava vangapfumeliki lesvaku Yesu Kriste atile tani hi munhu. Lweyi avulaka svosvo i mukanganyisi nasvona i Antikriste.

Nhlavutelo 21:3

Nitwa ni rito lerikulu lerihumaka Xitshan'weni xa Vuhosi riku: “Vonani, tabernakele ya Xikwembu ni vanhu va xona, hikuva, xitayaka ka vona. Kutani vatava vanhu va xona; Xikwembu hi xoxe xitatshama na vona, xiva Xikwembu xa vona.

Vaheveru 5:5

Svive tano na yena Kriste: Angatitlakusanga kuyendliwa Muprista lwenkulu, kambe ayo vekiwa hi Xikwembu, lexi xingate ka yena: “U n'wananga, namuntlha ni kuvelekile.”

Vaheveru 10:5

Hikolaho ka svona, loko Kriste atile laha misaveni, ate: “Awunavelanga timhamba ni tinyiko, kambe univumbele miri.

Yohane 11:40

Yesu aku ka yena: “Xana anikubzelanga lesvaku loko upfumela, utavona kukwetsima ka Xikwembu ke?”

Yohane 3:16

Hikuva Xikwembu xirhandzile misava, lakakuva, xinyikile N'wana wa xona wa mun'we, lesvaku hinkwavu lava vapfumelaka ka yena vangalovi, kambe vava ni vutomi lebzingaheliki.

Yohane 2:11

Yesu asungulisa xisvosvo amahlori ya yena Kana wa Galileya, akombisa kukwetsima ka yena; kutani vajondzisiwa va yena vapfumela ka yena.

Yohane 14:6

Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

Vaheveru 1:5

Xana hi yihi ntsumi leyi Xikwembu xitshamaka xiku ka yona: “U n'wananga, namuntlha nikuvelekile”; kumbe kuyengeta xiku: “Nitava tatana ka yena, yena ava n'wana ka mina” ke?

Yohane 14:9

Yesu aku ka yena: “I khale nili na n'wina, kasi ni svosvi awusinitiva, Filipi? Lweyi anivoneke, avonile Tatana; hikolaho ka yini uku: ‘Hi kombe Tatana’?

Luka 9:32

Petrosi ni lava avali na yena avakhomiwile hi vurhongo; kambe loko vasisimuka, vavona Yesu na avangama, vavona ni vavanuna vambirhi na vayimile na yena.

Yohane 17:22

Nivanyikile kudzuneka loku uninyikeke kona, lesvaku vava mun'we kufana na hina hinga mun'we:

Yohane 3:18

Lweyi apfumelaka ka N'wana angayavanyisiwi, kambe lweyi angapfumeliki ayavanyisiwile ni svosvi, hikuva angapfumelanga ka N'wana-wa-Xikwembu lweyi anga mun'we ka xona.

Luka 2:11

hi lesvaku namuntlha mivelekeliwile Muponisi doropeni ra Davhida; lweyi anga Kriste, Hosi.

Vaheveru 2:11

Hambi ali Yesu lweyi abasisaka vanhu svijohweni, hambi vali lavabasisiwaka, hinkwavu vahuma ka Tatana mun'we. Hi yona mhaka leyi yendlaka lesvaku Yesu anga khomiwi hi tingana nikuvavula vamakwavu,

2 Vakorinto 12:9

Kambe Hosi yite ka mina: “Timpsalu ta mina ka wena tiringene; hikuva matimba ya mina mahetiseka laha kunga ni kutsana kona.” Hikolaho nitatsaka ngopfu kutidzunisa hi ta kutsana ka mina, lesvaku matimba ya Kriste matayaka ka mina.

Matewu 1:16

Yakobe aveleka Yosefa nuna wa Mariya, lweyi angaveleka Yesu, lweyi ativiwaka hi vito ra ku i Kriste.

Vakolosa 2:3

Ka yena kutumbetiwile rifuwo hinkwaru ra vutlhari ni ra vutivi.

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Varhoma 9:5

Vakokwana va hina i va vona; na yena Kriste ahuma rixakeni ra vona, hi tlhelo ra kuvelekiwa. Xikwembu lexinga henhla ka svilo hinkwasvu, axivongiwe hilaha kungaheliki. Amen!

Luka 2:7

Kutani aveleka n'wana wa yena wa mativula, wa mufana; amuphutsela hi tinguvu, amulata xigovolweni xa svifuyu, hikuva avapfumalile ndhawu ndlwini ya vayendzi.

Timhaka 13:33

hi lesvaku Xikwembu xihetisisile xitshembiso xakona ka hina vana va vona, hi kupfuxa Yesu kufeni; hi svona lesvitsaliweke ka Pisalma ya vumbirhi, leyinge: “‘U n'wananga, namuntlha ni kupsalile.’”

Yohane 8:32

nasvona mitativa ntiyiso, kutani ntiyiso wutamintshunsa.”

Yohane 17:24

Tatana, nilava lesvaku hinkwavu lava uninyikeke vona, vava na mina laha ninga kona; vatahamba vahlalela kukwetsima ka mina loku uninyikeke kona, hikuva unirhandzile misava yingasitumbuluxiwa.

Yohane 18:37

Pilato aku ka yena: “Hikolaho, u hosi, ahi svona ke?” Yesu ahlamula, aku: “Kuvula wena lesvaku ni Hosi. Lesvi nipsaleliweleke svona ni lesvi ningatela svona laha misaveni, i kuta nitaveka vumboni henhla ka ntiyiso. Mani na mani lweyi anga wa ntiyiso, ayingisa rito ra mina.”

Nhlavutelo 19:13

Ayambele sviyambalu lesvipetiweke angatini, kutani vito leri vamuchuleke rona i “Rito ra Xikwembu”.