Yakobo 5:16 - Testamente Leyimpsha Xichangana

¹⁶ Hikolaho, tivuleni kujoha ka n'wina mun'we ka mun'wana, mikhongelelana mun'we ka mun'wana lesvaku mitahanya. Xikhongelo xa munhu wolulama xi ni matimba ngopfu, xatirha.

BIBELE Mahungu Lamanene

¹⁶ Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Xitsonga (Bibele)

¹⁶ Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Yakobo 5:16 Referans Kwoze

Matewu 21:22

na svona, hinkwasvu lesvi misvikombelaka hi kukhongela, loko mili ni kupfumela mitanyikiwa svona.”

Yohane 9:31

Hasvitiva lesvaku Xikwembu axiyingisi vajohi; kambe loko munhu achava Xikwembu, ayendla kurhandza ka xona, Xikwembu xa muyingisa.

1 Petro 2:24

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena.

1 Yohane 3:22

Kutani hinkwasvu lesvi hisvikombelaka ka xona, hitanyikiwa svona; hikuva hihlayisa milawu ya xona, hiyendla lesvi svitsakisaka mahlweni ka xona.

Timhaka 19:18

Lavanyingi lavangahundzuka vapfumeli, vata, vativula ni kupaluxa lesvi avasviyendla khale.

1 Vatesalonika 5:17

Mingatshikeni kukhongela.

Vaheveru 12:13

Mifanela kululamisela milenge ya n'wina tindlela letolulama, lesvaku xirho lexilimaleke xingasuleki, kambe xihanyisiwa.

1 Vatesalonika 5:25

Vamakwerhu, hikhongeleleni na hina.

Matewu 3:6

kutani aavakhuvula nambzeni wa Yordani, na vali karhi vativula svijoho sva vona.

Vaheveru 13:18

Hikhongeleleni, hikuva hitshemba svinene lesvaku hi ni ripfalu leritengeke, na hili karhi hinavela kuyendla lesvilulameke minkarhi hinkwayu.

Vaheveru 11:7

Hi kupfumela, Nowa ayingisile svinene loko Xikwembu ximutivisa lesvi asvingasivoneka; kutani ayaka ngalawa kutaponisa va njangu wa yena; hi kuyendla svosvo, ayavanyisile misava, ava ayamukela kululama loku kunyikiwaka hi mhaka ya kupfumela.

Varhoma 5:19

Nasvona, kufana ni lesvi lavanyingi vahundzuliweke vajohi hikolaho ka munhu mun'we lweyi akalaka angayingisanga, hi mukhuva wolowo, hi kuyingisa ka munhu mun'we, vanhu lavanyingi vatahundzuliwa vava lavalulameke.

Varhoma 3:10

Matsalwa matiyisa svosvo, maku:

Vaheveru 11:4

Hi kupfumela, Abele ahumesele Xikwembu timhamba letiyamukelekeke kutlula ta Kayini, kutani hikolaho ka svona akumile vumboni bzinene avuliwa lweyi alulameke, Xikwembu na xili karhi xitiyisa svosvo hi kuyamukela tinyiko ta yena. Afile, kambe hi mhaka ya kupfumela ka yena, wahavulavula.

Timhaka 10:38

mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.

1 Vatesalonika 5:23

Ingi Xikwembu xa kurhula, xona ha xoxe, xingamiyendla lavahlawulekeke hi matlhelo hinkwawu. Ingi mimoya ya n'wina, ni timbilu ta n'wina, ni miri wa n'wina, svingatshama na svibasile, na svingali ni nandzu siku leri Hosi ya hina Yesu Kriste angatavuya.

Vakolosa 1:9

Hikolaho, kusukela siku leri hisvitweke, ahitshikanga kumikhongelela, nikukombela Xikwembu lesvaku ximitata hi vutivi bza kurhandza ka xona, vutlharini hinkwabzu ni le kutwisiseni hinkwaku loku kunyikiwaka hi Moya;

Luka 9:6

Hi loko vahuma, vafamba hi svidoropana, na vali karhi vapaluxa Evhangeli hinkwaku, vahanyisa timbabzi.

Marka 1:5

Kutani vanhu hinkwavu va tiko ra Yudeya ni vayaki hinkwavu va Yerusalema, avaya vayakhuvuliwa hi yena nambzeni wa Yordani, na vali karhi vativula svijoho sva vona.

Timhaka 8:24

Simoni ahlamula, aku: “Nikhongeleleni mili n'wina ka Hosi, lesvaku ningatshuki nihumeleliwa hi xilo ni xin'we xa lesvi misvivuleke.”