Yakobo 2:5 - Testamente Leyimpsha Xichangana

⁵ Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

BIBELE Mahungu Lamanene

⁵ Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Xitsonga (Bibele)

⁵ Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Yakobo 2:5 Referans Kwoze

Matewu 5:3

“Kukatekile svisiwana moyeni, hikuva Mfumu wa matilo i wa svona.

Luka 6:20

Kutani Yesu alanguta vajondzisiwa va yena, aku: Mikatekile n'wina svisiwana, hikuva Mfumu wa Xikwembu wu le ka n'wina.

Nhlavutelo 2:9

Nitiva maxangu ya wena ni vusiwana bza wena (kambe u xipfundzi), nitiva ni kusandziwa ka wena hi lava vativulaka Vayuda, na vangali vona, kambe na vali va Sinagoga ya Sathana.

2 Vakorinto 8:9

Matitiva timpsalu ta Hosi ya hina Yesu Kriste: Aafuwile, hambi svilitano ahundzukile xisiwana hikolaho ka n'wina, lesvaku miyendliwa vafuwi hi vusiwana bza yena.

Luka 12:21

Yesu aheta hi kuvula lesvi: “Svitano ni ka lweyi atihlengeletelaka xuma, kambe angafuwanga ka Xikwembu.”

1 Petro 1:4

ni lesvaku hinyikiwa ndzhaka leyingaboliki, leyinganyamisiwangiki, leyingavuniki. Mivekeliwile yona matilweni,

Yakobo 1:12

Kukatekile munhu lweyi atiyiselaka kuringiweni, hikuva loko ahlulile miringo, atanyikiwa hari ya vutomi leyi Xikwembu xiyitshembiseke lava vaxirhandzaka.

Vaheveru 11:26

Ayehleketile lesvaku kurhuketeliwa hikolaho ka Mesiya i rifuwo leritlulaka vukosi hinkwabzu bza Gibita, hikuva aalangutela hakelo leyi yahataka.

Luka 12:32

“Ungachavi wena ntlhambinyana, hikuva Tatana wa n'wina atsakele kuminyika Mfumu.

1 Vakorinto 2:9

Kambe hilaha kutsaliweke hakona vaku: “Lesvi ni tihlo ni rin'we rikalaka ringasvivonanga, lesvi ni ndleve ni yin'we yikalaka yingasvitwanga, lesvingasikitshama svinghena ka miyanakanyu ya munhu, hi svona lesvi Xikwembu xisvilungiseleke lava vaxirhandzaka.”

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Nhlavutelo 21:7

Lweyi angatahlula, atakuma ndzhaka ya svilo lesvi, kutani nitava Xikwembu xa yena, na yena ava n'wana wa mina.”

Yakobo 1:9

Makwerhu lweyi anga vusiwaneni, afanela kutsaka loko atlakusiwa;

2 Timotiya 4:8

Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.

2 Vakorinto 6:10

havavisiwa, hambi svilitano hitsakile masiku hinkwawu; wonge hisvisiwana, kasi hifuwisa lavotala; wonge ahi na nchumu, kasi hi ni svilo hinkwasvu.

Nhlavutelo 3:18

Loko svilitano, nakukhutaza lesvaku uxava ka mina golidi leyi yibasisiweke yiva yisasekisiwa hi ndzilo, lesvaku uva xipfundzi; xava ni sviyambalu svobasa lesvaku usviyambala, ufunengeta tingana ta vusveti bza wena lesvaku bzingavoneki; xava ni murhi wotota mahlo ya wena lesvaku utakota kuvona.

1 Timotiya 6:18

Vabzele kuyendla lesvinene, vatala rifuwo ra mintirho leyinene, vanyika, vativa ni kupambulela van'wana.

Luka 16:25

Kambe Abrahamu aku: ‘N'wananga, tsundzuka lesvaku ukumile rifuwo vuton'wini bza wena, kasi Lazaru yena aavaviseka nkarhini wolowo; kambe svosvi wa chaveleliwa halenu, kasi wena utwisiwa kuvaviseka.

Matewu 11:5

Svifamahlo svitlhela svivona, svilima svafamba, va nhlokonho vabasisiwa, lavofa tindleve vatwa, vafi vapfuka, svisiwana svibzeliwa Evhangeli.

2 Petro 1:11

Hi ndlela yoleyo, mitanyikiwa mfanelo hinkwayu ya kunghena Mfun'wini lowungaheliki wa Hosi ni muponisi wa hina Yesu Kriste.

2 Timotiya 4:18

Hosi yitaniwutla ni le kubiheni hinkwaku, yiniponisa lesvaku nitakuma Mfumu wa yona wa le matilweni, ka yona akuve kudzuneka hilaha kungaheliki. Amen.

2 Vatesalonika 1:5

Lesvi i xikombiso xa kululama ka Xikwembu loko xiyavanyisa, hikuva svitayendla lesvaku miva lavalulameliweke hi Mfumu wa xona, lowu mixanisiwaka hikolaho ka wona.

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Varhoma 8:17

Loko hili vana, svivula lesvaku hi vinyi va ndzhaka ya Xikwembu, nivaji va ndzhaka svin'we na Kriste; lesvi kunene hixanisekaka na yena, svivula lesvaku hitakwetsimisiwa na yena.

Luka 16:22

Siku rin'wana xikombeli lexiya xifa, kutani tintsumi tixirhwala tixiyisa xifuveni xa Abrahamu. Mufuwi na yena afa, alahliwa sirheni.

Yakobo 1:16

Mingatshukeni mitikanganyisa, vamakwerhu lavarhandzekaka.

1 Vatesalonika 2:12

hi mikhutazile, hi mitiyisile ni kumisusumeta lesvaku mihanya hi ndlela leyitsakisaka Xikwembu lexi ximivitanelaka kuyaveliwa kufuma ka xona ni kutwala ka xona.

Vaefesa 1:18

na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

2 Vakorinto 4:15

Hinkwasvu lesvi sviyendliwile hikolaho ka n'wina, lesvaku loko timpsalu ta Xikwembu tili karhi titala, titalisa ni ntsengo wa lava vangatakhensa vavuyelela, kudzuniseni ka Xikwembu.

Yohane 7:48

I mani ka vakulukumba ni le ka vafarisi lweyi angapfumela ka yena xana?

Luka 22:29

Hilaha Tatana wa mina aninyikeke Mfumu hakona, na mina ni minyika wona;

Marka 7:14

Yesu atlhela avitana xitshungu aku ka xona: “Niyingiseni hinkwenu, mitwisisa.

Timhaka 7:2

Stefano ahlamula, aku: Vavanuna, vamakwerhu na vatatana, niyingiseni! Xikwembu lexikwetsimaka xitikombisile ka tatana wa hina Abrahamu, loko ahali Mesopotamiya, na angasiyaka Harani,

Yakobo 1:19

Vamakwerhu lavarhandzekaka, Tivani lesvi: Munhu mun'wana ni mun'wana aahantlise kutwa, ahlwela kuvulavula, ahlwela kukariha.