Yakobo 1:22 - Testamente Leyimpsha Xichangana

²² Miva vayendli va rito, mingavi vatwi ntsena lava vatikanganyisaka.

BIBELE Mahungu Lamanene

²² Mi va vaendli va rito, mi nga vi vatwi ntsena lava tixisaka.

Xitsonga (Bibele)

²² Mi va vaendli va rito, mi nga vi vatwi ntsena, lava tixisaka eku ringaniseni ka vona.

Yakobo 1:22 Referans Kwoze

Varhoma 2:13

Hikuva ahi vatwi va Nawu lavavoniwaka na vali lavalulameke mahlweni ka Xikwembu, kambe lavafambaka hi kulandza wona, hivona lavangatahlayiwa lesvaku valulamile.

Yohane 13:17

Loko mitiva svilo lesvi, mitlhela misviyendla, mitava mikatekile.

Yakobo 4:17

Hikolaho, munhu lweyi ativaka lesvolulama lesvi afanelaka kusviyendla, kambe angasviyendli, i mujohi.

1 Yohane 2:3

Hi timhaka leti, hikholwa lesvaku hamutiva; loko hihlayisa milawu ya yena.

Luka 11:28

Yesu aku: “Kukatekile ngopfu lavayingisaka Rito ra Xikwembu, vava varihlayisa!”

Matewu 12:50

hikuva mani na mani lweyi ayendlaka kurhandza ka Tatana wa mina lweyi anga matilweni, hi yena makwerhu waxinuna, ni waxisati, na mamana.”

Vakolosa 3:17

Kutani xin'wana ni xin'wana lexi mixiyendlaka, hi kuvulavula kumbe hi kutirha, xiyendleni hi vito ra Hosi Yesu, na mili karhi mikhensa Xikwembu Tatana ha yena.

Nhlavutelo 22:7

Yesu ali: “Vonani, nata svosvisvosvi. Kukatekile lweyi ahlayisaka marito ya vuprofeta bza buku leyi.”

1 Yohane 3:7

Vananga, mingakanganyisiweni hi munhu. Lweyi ayendlaka lesvilulameke alulamile, kufana ni lesvi yena alulameke.

Yakobo 1:26

Loko munhu ayanakanya lesvaku a ni vukhongeli, kambe angafumi ririmi ra yena, munhu lweyi watikanganyisa, vukhongeli bza yena abzipfuni nchumu.

Vagalatiya 6:7

Mingatshukeni mitixisa: Xikwembu axivungunyiwi; xin'wana ni xin'wana lexi munhu axibzalaka, atatshovela xona;

3 Yohane 1:11

Murhandziwa, ungatekeleli mikhuva leyi yobiha, kambe tekelela leyi yosaseka. Lweyi ayendlaka lesvinene i wa Xikwembu; kambe lweyi ayendlaka lesvobiha angavonanga Xikwembu.

Vagalatiya 6:3

Hikuva loko mun'wana ayanakanya lesvaku yena xanchumu, kasi ahi nchumu, watikanganyisa.

1 Vakorinto 6:9

Xana amisvitivi lesvaku lavohomboloka vangakala vangaji ndzhaka ya Mfumu wa Xikwembu, ke? Mingatshukeni mitikanganyisa: Loko ali lavobiha, ni lavagandzelaka svikwembu svokala svingali svona, ni vunghwavana, ni vavanuna lavayendlaka sva tingana ni vavanunakulobze,

Matewu 28:20

mivajondzisa kuhlayisa hinkwasvu lesvi nimibzeleke svona; kutani vonani, ni na n'wina masiku hinkwawu, kukondza kuhela misava.”

1 Yohane 1:8

Loko hiku ahi na vujoho hatikanganyisa ha hoxe, kutani ntiyiso awu kona ka hina.

Vafilipiya 4:8

Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

1 Vakorinto 15:33

Mingapfumeleni kuxengiwa: “Vanghanu lava vobiha vawonha mikhuva leyinene.”

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.

2 Petro 2:13

Vatayamukela hakelo yobiha, hilaha vangayendla svobiha hakona. Vakuma svivatsakisa vona kucina mintlangu, vanwa nhlekanhi hinkwawu. I svivati, ni svisandzu vanhwini. Ni loko vali na n'wina minkhubzini, vona vatsakela kucina ni kunwa ngopfu.

Tito 3:3

Na hina khale ahili sviphukuphuku, hihumile ndleleni, hiyala kuyingisa; ahili svikarawa sva kunavela, ni sva kutitsakisa kohambanahambana; ahili lavahanyaka hi mona ni mavondzo; ahivengiwa, na hina hivengana.

1 Vakorinto 3:18

Munhu angatshuki atixisa. Loko mun'we xikarhi ka n'wina ativona na ali lweyi atlhariheke hi kuya hi sva minkama leyi, aahundzuke xihunguki, lesvaku atava lweyi wotlhariha.

2 Timotiya 3:13

nasvona vanhu lavobiha ni vakanganyisi vataya mahlweni vayengeteleka kubiha, na vali karhi vakanganyisa, na vona vakanganyisiwa.

Yakobo 4:11

Vamakwerhu, Mingahlevaneni. Lweyi ahlevaka makwavu, kumbe kuyavanyisa makwavu, ahleva ni kuyavanyisa Nawu. Kutani loko munhu ayavanyisa Nawu, angawulandzi, i muyavanyisi.