Varhoma 9:4 - Testamente Leyimpsha Xichangana

⁴ Nivula Vaisrayele, vona lava vangayendliwa vana va Xikwembu, vanyikiweke kukwetsima ka xona, ni mintwananu, ni Nawu, ni vukhongeli bza xiviri, ni svitshembiso.

BIBELE Mahungu Lamanene

⁴ Ndzi vula Vaisraele, vona lava va nga endliwa vana va Xikwembu, va nyikiweke ku kwetsima ka xona, ni mintwanano, ni Nawu, ni vukhongeri bya xiviri, ni switshembiso.

Xitsonga (Bibele)

⁴ va nga Vaisraele, volavo, ku hlayiwa vana ku nga ka vona, ni ku kwetsima, ni ntwanano, ni nawu, ni ku gandzela, ni ku tshembisiwa;

Varhoma 9:4 Referans Kwoze

Vaefesa 2:12

Minkameni yoleyo, amihambene na Kriste, amingahlayiwi nchumu xikarhi ka Vaisrayele, amingali na kuyaveliwa ka mintwananu ya xitshembiso. Amihanya misaveni leyi na mingali na kulangutela, nasvona mingali na Xikwembu.

Varhoma 9:6

Asvivuli lesvaku rito ra Xikwembu ritsandzekile. Hikuva ahi hinkwavu lavahumaka ka Israyele lavanga Vaisrayele va xiviri;

Timhaka 2:39

hikuva xitshembiso lexi xiyendleliwe n'wina ni vana va n'wina, ni va le kule hinkwavu lavangatavitaniwa hi Yehovha, Xikwembu xa hina.”

Vaheveru 9:1

Svosvi-ke, hambi wuli ntwananu lowu wa kusungula awuli ni milawu ya magandzelela ni Tempele yokwetsima leyi yiyakiweke misaveni.

Varhoma 8:15

Hikuva Moya lowu minganyikiwa wona, awumiyendli svikarawa ni kutlhela wumivangela kuchava, kambe miyamukele moya lowu wumiyendlaka vana; lowu hihuwelelaka ha wona hiku: “Aba, Tatana!”

Yohane 1:17

Hikuva Nawu wunyikiwile hi Moxe; kambe timpsalu ni ntiyiso svitile ha Yesu Kriste.

Vaheveru 9:10

kambe svotirha ka svakuja, ni sva kunwa, ni mikhuva leyotala ya kutibasisa, ni milawu ya sva miri leyivekiweke, kukondza kufika nkarhi wa kupfuxeta hinkwasvu.

Vaheveru 9:3

Le ndzhaku ka nguvu leyi ya vumbirhi ya xisirhelelo, akuli ni tabernakele leyivuliwaka “Ndhawu yokwetsimisisa ngopfu”.

Yohane 1:47

Yesu avona Nataniyeli ata ka yena, kutani avulavula ha yena aku: Vonani Muisrayele wa ntiyiso, lweyi kungaliki na kukanganyisa ka yena.

Matewu 21:33

Yingisani xifaniso xin'wana: Akuli ni munumuzana mun'we lweyi aabzalile mvhinya nsin'wini ya yena; ayibiyela hi rithangu, acela ni xikamelo xokamela kona mihandzu, ayaka ni xihondzo; kutani alugarisela varimi vangali vangani, yena ateka riyendzo afamba.

Varhoma 3:2

Kapfuna ngopfu, hi matlhelo hinkwawu. Mhaka yosungula hi lesvaku Xikwembu xivekile svitshembiso sva xona mavokweni ya Vayuda.

2 Vakorinto 11:22

Xana i Vaheberu? Na mina ni Muheberu. Xana i Vaisrayele? Na mina ni Muisrayele. Xana i vatukulu va Abrahamu? Na mina ni ntukulu wa yena.

Vagalatiya 3:16

Svosvi-ke, svitshembiso svinyikiwile Abrahamu ni wa rixaka ra yena; akuhlayiwanga “ni va tixaka”, wonge hi loko kuvuliwa lavotala; kambe kuhlayiwile “ni wa rixaka ra yena”, hi lesvaku munhu mun'we anga Kriste.

Vaheveru 9:5

Henhla ka areka ya ntwananu akuli ni tikerubi letovangama leti andzhuti wa tona awufunengeta ndhawu ya vurivalelo ya svijoho. Kambe hingakala hingahlayi svilo lesvi ha xin'we xin'we.

Vaheveru 9:6

Kutani loko svilo svakona svilungisiwe hi ndlela leyi, vaprista vanghena masiku hinkwawu ka tabernakele yorhanga ya le handle, vayendla ntirho wa vona wa timhamba.