Varhoma 8:5 - Testamente Leyimpsha Xichangana

⁵ Hikuva lavahanyaka hi kuyingisa miri, va ni miyanakanyu leyifumiwaka hi sva miri lowu; kambe lavahanyaka hi kuyingisa Moya, va ni miyanakanyu leyifumiwaka hi sva Moya.

BIBELE Mahungu Lamanene

⁵ Hikuva lava hanyaka hi ku yingisa ntumbuluko wa laha misaveni, va ni mianakanyo leyi fumiwaka hi swa ntumbuluko lowu; kambe lava hanyaka hi ku yingisa Moya, va ni mianakanyo leyi fumiwaka hi swa Moya.

Xitsonga (Bibele)

⁵ Hikuva lava fambaka hi nyama va anakanya swa nyama; kambe lava fambaka hi Moya, va anakanya swa Moya.

Varhoma 8:5 Referans Kwoze

1 Vakorinto 2:14

Munhu lweyi angaliki na Moya wa Xikwembu, angayamukeli sva Moya Lowokwetsima, hikuva ka yena i vuhunguki; kutani wahluleka kusvitwisisa, hikuva svifanele kuyanakanyiwa hi Moya.

Yohane 3:6

Lweyi angapsaliwa hi nyama i wa nyama, lweyi angapsaliwa hi Moya i Moya. Nyama yipsala sva nyama; kambe Moya wupsala sva moya.

Varhoma 8:9

Kasi loko mili n'wina, amifumiwi hi miri, kambe mifumiwa hi Moya, loko hakunene Moya wa Xikwembu wuyakile ka n'wina. Loko munhu angali na Moya wa Kriste, ahi munhu wa yena.

Marka 8:33

Kambe Yesu ahundzukula; kuteloko alangutile vajondzisiwa va yena, atshinya Petrosi, aku: “Suka ka mina Sathana, hikuva awuyehleketi sva Xikwembu, uyehleketa sva vanhu ntsena.”

2 Vakorinto 10:3

Hakunene hihanya kola misaveni, kambe nyimpi leyi hiyilwaka ahiyakulwela sva misava.

2 Petro 2:10

ngopfungopfu lavalandzaka sva nyama, vanavela kutitsakisa hi svilo sva chaka, vasandza ni vuhosi bza Xikwembu. Vanhu lava vatitshemba ngopfu, nasvona vatitiva; avachavi kusandza sva le henhla lesvikwetsimeke.

Vaefesa 5:9

hikuva kuvonakala hi kona loku kuvekaka mihandzu leyotala, yinga ya vunene ni kululama ni ntiyiso.

1 Vakorinto 15:48

Vanhu lavavumbiweke hi ntshuri vafana ni munhu lweyi wa ntshuri; ni vanhu va le tilweni vafana ni munhu lweyi wa le tilweni.

Vagalatiya 5:17

hikuva kunavela ka nyama kulwa ni Moya; nasvona kunavela ka Moya kulwa ni nyama. Svilo lesvi svimbirhi svalwetana, kutani mahluleka kuyendla lesvi milavaka kusviyendla.