Varhoma 8:29 - Testamente Leyimpsha Xichangana

²⁹ Hikuva lava xivativeke kahali kusunguleni, xilulamisile kahali khale lesvaku vatavonaka na vali lavafanaka ni N'wana wa xona, ni lesvaku ava yena wa mativula xikarhi ka vamakwavu lavanyingi.

BIBELE Mahungu Lamanene

²⁹ Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Xitsonga (Bibele)

²⁹ Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.

Varhoma 8:29 Referans Kwoze

Vaefesa 1:11

Hakunene Xikwembu xiyendla hinkwasvu hilaha xirhandzaka hakona ni hilaha xipimaka hakona, kutani xihlawule hina Vayuda kuva vamajandzhaka va xona ka Kriste, hi kutilulamisela ka xona ka khale,

2 Timotiya 1:9

Xihiponisile ni kuhivitana hi vitaniwo rokwetsima kuva vanhu va xona, kungali hikolaho ka mintirho ya hina, kambe kuli hikolaho ka makungu ya xona ntsena ni hikolaho ka timpsalu leti xihinyikeke tona ka Kriste Yesu na minkama yingasiva kona.

1 Petro 1:20

Lweyi angativiwa hi Xikwembu, na misava yingasitumbuluka, akombisiwa hikolaho ka n'wina, minkameni leyi ya makumu.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

2 Timotiya 2:19

Hambi svilitano, masungulu layotiya lamavekiweke hi Xikwembu amatsekatseki; matiyisiwa hi rito leringe: “Hosi yitiva lavanga va yona.” Nasvona: “Mani na mani lweyi avulaka vito ra Hosi, aahambane ni lesvohomboloka.”

1 Vakorinto 2:7

kambe hivulavula hi sva vutlhari bza Xikwembu, bzinga bza xihundla, vutlhari lebzi bzifihliweke, lebzi Xikwembu xibzilungiseke kahali kusunguleni, bzintahinyika kudzuneka.

1 Petro 1:2

vanga lavahlawuliweke khale hi vutivi bza Xikwembu Tatana, vahlawulekisiwa hi Moya lesvaku vayingisa Yesu Kriste ni kuxuviwa hi ngati ya yena, nili: Timpsalu ni kurhula asvive na n'wina hi ntalu.

1 Vakorinto 15:49

Kukotisa lesvi hingayambala xivumbeko xa munhu wa ntshuri, hi ndlela yoleyo hitayambala xivumbeko xa munhu wa le tilweni.

Varhoma 9:23

Kumbe, kuyini ka svona, loko xiyendlele kutivisa vukulu bza kukwetsima ka xona, henhla ka svibza lesvi asvivumbeliwile kutsetseleliwa, svinga svibza lesvi xisvilungiseke kahali kusunguleni lesvaku svitanyikiwa kukwetsima ka xona, ke?

1 Yohane 3:2

Varhandziwa, svosvi hi vana va Xikwembu, asvisitikomba lesvi hingatava svona. Kambe hasvitiva lesvaku, loko yena atatikombisa ka hina, hitafana na yena, hikuva hitamuvona tani hi lesvi anga xisvona.

2 Vakorinto 3:18

Hina hinkwerhu lava hinga ni tinghohe tofununguliwa, hikombaka kuphatima ka Hosi kufana ni xib'uku, hihundzukile lavafanaka na yena hi kuphatima loku kungangamukaka kuya mahlweni. Hosi yiyendlile svosvo, yona yinga Moya.

Varhoma 11:2

Xikwembu axicukumetanga tiko ra xona leri xiritiveke ni le kusunguleni. Xana amisvitivi lesvi Tsalwa rihlayaka svona mayelanu na Eliya ke? Avilelile mahlweni ka Xikwembu hikolaho ka Vaisrayele, aku:

Yohane 17:16

Ahi va misava, tani hi lesvi na mina ningaliki wa misava.

Vafilipiya 3:21

Atahundzula miri wa hina lowusolekaka, awuyendla lowufanaka ni miri wa yena lowokwetsima, hi matimba lawa ha wona akotaka kuveka hinkwasvu hansi ka mfumu wa yena.

Vaefesa 4:24

Yambalani munhu lwe mumpsha lweyi avumbiweke hi xifaniso xa Xikwembu, lweyi atikombaka hi kululama ka yena ni kuhlawuleka lokunga ni ntiyiso.

Matewu 12:50

hikuva mani na mani lweyi ayendlaka kurhandza ka Tatana wa mina lweyi anga matilweni, hi yena makwerhu waxinuna, ni waxisati, na mamana.”

Yohane 17:26

Nikutivisile ka vona; nahata kutivisa, lesvaku rirhandzu leri unirhandzeke ha rona, riva ka vona, na mina niva ka vona.”

Varhoma 13:14

kambe miyambala Hosi Yesu Kriste, kutani mingatsetseleleni sva nyama ya n'wina, hi kuyikolwisa kunaveleni ka yona.

Matewu 7:23

Nkarhini wolowo nitavabzela rivaleni, niku: Animitivanga, ni siku ni rin'we; sukani ka mina, n'wina lavayendlaka lesvobiha!

Yohane 20:17

Yesu aku ka yena: “Unganikhomi, hikuva anisitlhantukela ka Tatana; kambe yana ka vamakwerhu, uyavativisa lesvaku nitlhantukela ka Tatana wa mina, anga Tatana wa n'wina, ka Xikwembu xa mina, xinga Xikwembu xa n'wina.”

Yohane 17:19

Kutani nitikwetsimisa hikolaho ka vona, lesvaku na vona vakwetsimisiwa antiyisweni.

Matewu 25:40

“Hosi yitavahlamula, yiku: ‘Nitiyisile nili ka n'wina, lokomitshama misviyendla svilo lesvi ka mun'we wa vamakwerhu lavatsongo lava, misviyendlele mina.’”

Matewu 28:10

Hi loko Yesu aku ka vona: “Mingachaveni, fambani miyabzela vamakwerhu lesvaku vaya Galileya; vatanivona kona.”

1 Vakorinto 8:3

Kambe loko munhu arhandza Xikwembu, ativiwa hi xona.

Vakolosa 3:10

hikuva miyambalile munhu wa mahanyela lamampsha lweyi apfuxetiwaka minkama hinkwayu, lesvaku mikota kutiva hi kuhetiseka Xikwembu lexi ximitumbuluxeke hi xifaniso xa xona.