Varhoma 8:24 - Testamente Leyimpsha Xichangana

²⁴ Hi ponisiwile nahili ni kulangutela loku; kasi lesvilanguteliwaka, loko svivonaka, asvahalanguteliwi. Xana munhu angalangutela lesvi asvivonaka ke?

BIBELE Mahungu Lamanene

²⁴ Hi ponisiwile hi ri ni ku langutela loku; kasi leswi languteriwaka, loko swi vonaka, a swa ha languteriwi; xana munhu a nga langutela leswi a swi vonaka xana?

Xitsonga (Bibele)

²⁴ Hikuva hi hlayisekile hi ku langutela; kasi leswi languteriweke, loko swi voniwile, ku langutela a ka ha ri kona; hikuva, leswi munhu a swi voneke, a nga swi languterisa ku yini xana?

Varhoma 8:24 Referans Kwoze

Vaheveru 11:1

Kutani-ke, kupfumela i kutshemba lokutiyeke henhla ka svilo lesvilanguteliwaka, ni kukholwa svinene hi tlhelo ra svilo lesvingavoniwiki.

2 Vakorinto 5:7

Hihanya hi kupfumela, kungali hi kusvivona,

2 Vakorinto 4:18

Kutani hikongomisa mahlo ya hina kungali ka lesvivoniwaka, kambe ka lesvingavoniwiki; hikuva lesvivoniwaka i sva nkamanyana ntsena, kasi lesvi svingavoniwiki i sva minkama hinkwayu.

1 Petro 1:21

Hikolaho ka yena, mi ni kutshemba ka Xikwembu, lexi ximipfuxeke xikarhi ka vafi, xinyika kudzuneka, kuyendlela lesvaku kupfumela ka n'wina ni kulangutela ka n'wina sviva ka Xikwembu.

1 Vatesalonika 5:8

Kambe lesvi hina hinga va nhlekanhi, ahitikhomeni, hiyambala kupfumela ni rirhandzu xiva xitlhangu xa hina xifuveni, kutani nhlokweni hiyambala kulangutela ka kuponisiwa, xiva xigqoko xa hina.

1 Petro 1:3

Akukhensiwe Xikwembu, Tatana wa Hosi ya hina Yesu Kriste! Hi timpsalu ta yena letikulu, ahivelekile ra vumbirhi, lesvaku hiva ni kulangutela loku kuhanyaka, hikolaho ka kupfuka ka Yesu Kriste xikarhi ka vafi,

Varhoma 12:12

Tsakani kulanguteleni, tiyiselani maxangwini, hitekani kukhongeleni.

Varhoma 5:2

nasvona hi kupfumela, hikotile kukuma ha yena timpsalu leti hiyimeke ka tona svosvi, kutani hitikulisa kulanguteleni ka hina ka kuyaveliwa kukwetsima ka Xikwembu.

Varhoma 15:13

Ingi Xikwembu lexi kulangutela kuhumaka ka xona xingamitata hi kutsaka hinkwaku ni kurhula hinkwaku kupfumeleni, lesvaku, hi matimba ya Moya Lowokwetsima, kulangutela kumitalela, kuva kuhalakela.

Vakolosa 1:27

Ka vona Xikwembu xirhandzile kutivisa rifuwo ra xihundla lexi, ni kutwala ka xona xikarhi ka vamatiko; xihundla xakona hi lesvaku Kriste a le ka n'wina, kutani ha yena milangutela kutwala ka Xikwembu lokutaka.

Varhoma 15:4

Hinkwasvu lesvi svitsaliweke hi lava va khale, svitsaliwile lesvaku hijondza ha svona, ni lesvaku hiva ni kulangutela, hikolaho ka kutiyisela ni kuchaveleliwa loku hikukumaka Matsalweni.

Vagalatiya 5:5

Loko ali hina, hi ni kutshemba ka lesvaku Xikwembu xitahiyendla lavalulameke mahlweni ka xona, kutani hi svona lesvi hisvilangutelaka, hi matimba ya Moya lowutirhaka ka hina, hi kupfumela loku hinga nakona.

1 Yohane 3:3

Kutani mani na mani lweyi amulangutelaka, watihlampsa yena hi yexe, kufana ni lesvi yena angatenga.

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

1 Vakorinto 13:13

Svosvi-ke, kutiyile svilo svinharhu: Kupfumela, kulangutela ni rirhandzu; kambe lexikulu ngopfu ka svona i rirhandzu.

Varhoma 4:18

Abrahamu avile ni kutshemba, ava alangutela laha kungalangutelekiki, kutani ahundzuka tatana wa matiko lawa manyingi, hi kuya hi Matsalwa lawa mange: “Vatukulu va wena vatayengetelanisa xisvosvo.”

Varhoma 8:20

Lesvivumbiweke svinyiketiwe ka sva hava, kungali hi kurhandza ka svona, kambe hi kurhandza ka Lweyi asvinyiketeke.

Tito 3:7

lesvaku, hi timpsalu ta xona, hitayendliwa lavalulameke mahlweni ka xona, ni kuyamukela ndzhaka ya vutomi lebzingaheliki, lebzi hibzilangutelaka.