Varhoma 8:19 - Testamente Leyimpsha Xichangana

¹⁹ Hikuva svivumbiwa hinkwasvu svilangutela, hi kunavela lokukulu, lesvaku Xikwembu xikombisa rivaleni vana va xona.

BIBELE Mahungu Lamanene

¹⁹ Hikuva swivumbiwa hinkwaswo swi langutela, hi ku navela lokukulu, leswaku Xikwembu xi kombisa erivaleni vana va xona.

Xitsonga (Bibele)

¹⁹ Hikuva leswi vumbiweke hinkwaswo swi langutela ku kombisiwa ka vana va Xikwembu hi ku navela lokukulu.

Varhoma 8:19 Referans Kwoze

1 Yohane 3:2

Varhandziwa, svosvi hi vana va Xikwembu, asvisitikomba lesvi hingatava svona. Kambe hasvitiva lesvaku, loko yena atatikombisa ka hina, hitafana na yena, hikuva hitamuvona tani hi lesvi anga xisvona.

Varhoma 8:23

Akukonyi svivumbiwa ntsena, kambe na hina hingayamukela mihandzu yorhanga ya Moya Lowokwetsima, hakonya ndzeni ka hina, na hili karhi hilangutela kuyendliwa vana, kunga kuponisiwa ka miri wa hina.

Vafilipiya 1:20

Kulangutela ka mina ni kutshemba ka mina, hi lesvaku aningakhomiwi hi tingana nikutsongo, kambe hi kutiya ka mina ningachavi nchumu, svosvi kukota minkama hinkwayu, nitatwalisa vukulu bza Kriste mirini wa mina, hambi hi kuhanya kumbe hi kufa ka mina.

Timhaka 3:21

afanele kutshama tilweni, kukondza kufika minkama ya kupfuxetiwa ka svilo hinkwasvu, leyi Xikwembu xingayivula nikhale, hi milomo ya vaprofeta va xona lavohlawuleka.

Matewu 5:9

Kukatekile lavatisaka kurhula, hikuva vatavuliwa vana va Xikwembu.

Yohane 1:12

Kambe, hinkwavu lava vangamuyamukela, lava vangapfumela ka vito ra yena, avanyikile matimba ya kuyendliwa vana va Xikwembu, vanga lavapfumelaka ka vito ra yena,

Varhoma 8:14

Vanhu hinkwavu lavafambisiwaka hi Moya wa Xikwembu i vana va Xikwembu.

Varhoma 8:16

Moya, lowu wuyima ni mimoya ya hina kutiyisa lesvaku hi vana va Xikwembu.

Varhoma 8:18

Hikolaho-ke, nitshemba lesvaku kuxaniseka ka nkama wa svosvi akufaneli kuringanisiwa ni kukwetsima loku hingatakombiwa kona.

Varhoma 9:26

Kutani lava vangativisiwa lesvaku: ‘Ami vanhu va mina’, kona kolaho vatahlayiwa vana va Xikwembu lexihanyaka.”

1 Vakorinto 1:7

hi kolaho amipfumali nyiko ni yin'we ya Moya, loko mili karhi milangutela kuhlavuteliwa ka Hosi ya hina Yesu Kriste,

1 Vakorinto 1:8

lweyi angatamitiyisa kuyisa kuheteleleni, miva lava vangasolekiki hi siku ra Hosi ya hina Yesu Kriste.

2 Vakorinto 6:18

Nitava tatana wa n'wina, na n'wina miva vana va mina vaxinuna ni vaxisati.” Hosi ya matimba hinkwawu yihlaya svosvo.

Vagalatiya 3:26

Hikuva ka Yesu Kriste hinkwenu mi vana va Xikwembu hi mhaka ya kupfumela.

Vakolosa 3:4

Vutomi bza n'wina bza xiviri i Kriste, kutani loko ahumelela, na n'wina mitahumelela na yena kukwetsimeni.

Vaheveru 12:27

Marito lawa mange: “Nahatatsekatsekisa”, mavula lesvaku svilo lesvivumbiweke, svitatsekatsekisiwa ni kususiwa, lesvaku lesvingatsekatsekiki svitasala.

1 Petro 1:7

Miringo leyi yiyendla lesvaku kupfumela ka n'wina, loku kutlulaka golidi hi risima, kuvoneka na kutiyile. Golidi, hambilesvi riringetiwaka hi ndzilo, rawonheka; kambe kupfumela ka n'wina, lokutiyeke, kutadzunisiwa, kutwalisiwa, siku leri Yesu Kriste angatahumelela.

1 Petro 1:13

Hikolaho, pfukani miyehleketweni! Tikhomeni! Vekani kutshemba ka n'wina hinkwaku henhla ka timpsalu leti mingatakombiwa tona, siku leri Yesu Kriste angatahumelela.

1 Yohane 3:1

Vonani rirhandzu leronghasi leri Tatana ahinyikeke rona, lesvaku hivuliwa vana va Xikwembu. Hikolaho, misava ayihitivi; hikuva ayimutivanga yena.

Nhlavutelo 21:7

Lweyi angatahlula, atakuma ndzhaka ya svilo lesvi, kutani nitava Xikwembu xa yena, na yena ava n'wana wa mina.”