Varhoma 8:17 - Testamente Leyimpsha Xichangana

¹⁷ Loko hili vana, svivula lesvaku hi vinyi va ndzhaka ya Xikwembu, nivaji va ndzhaka svin'we na Kriste; lesvi kunene hixanisekaka na yena, svivula lesvaku hitakwetsimisiwa na yena.

BIBELE Mahungu Lamanene

¹⁷ Kutani leswi hi nga vana, naswona hi vadyandzhaka; hi vadyandzhaka va Xikwembu, ni vadyandzhaka swin'we na Kriste; leswi kunene hi xanisekaka na yena, swi vula leswaku hi ta kwetsimisiwa na yena.

Xitsonga (Bibele)

¹⁷ Kutani loko hi ri vana, hi vadyandzhaka na swona; ndzi ri vadyandzhaka va Xikwembu, ni vadyandzhakakulobye na Kriste, loko kunene hi twa ku vaviseka na yena, hi ta kwetsimisiwa na yena.

Varhoma 8:17 Referans Kwoze

Vagalatiya 4:7

Hikolaho wena awahali xikarawa, kambe n'wana; kutani lesvi unga n'wana, u mujandzhaka hi kurhandza ka Xikwembu.

Vagalatiya 3:29

Kutani, loko mili va ka Kriste, svihlaya lesvaku mi rixaka ra Abrahamu, mivaji va ndzhaka hikolaho ka xitshembiso.

Vaefesa 3:6

Xihundla hi lexi: Hi mhaka ya Evhangeli, vamatiko vayaveliwa ndzhaka svin'we na hina Vayuda, vayendla svirho svin'we na hina mirini wun'we, nasvona vayaveliwa xitshembiso xin'we na hina ka Yesu Kriste.

Nhlavutelo 21:7

Lweyi angatahlula, atakuma ndzhaka ya svilo lesvi, kutani nitava Xikwembu xa yena, na yena ava n'wana wa mina.”

1 Petro 4:13

Kambe tsakani hi lesvi miyaveliwaka kuvaviseka ka Kriste, lesvaku siku leri ahumelelaka kukwetsimeni ka yena, na n'wina mitatsaka mitsakisisa.

1 Petro 1:4

ni lesvaku hinyikiwa ndzhaka leyingaboliki, leyinganyamisiwangiki, leyingavuniki. Mivekeliwile yona matilweni,

Tito 3:7

lesvaku, hi timpsalu ta xona, hitayendliwa lavalulameke mahlweni ka xona, ni kuyamukela ndzhaka ya vutomi lebzingaheliki, lebzi hibzilangutelaka.

Vaheveru 6:17

Hikolaho, loko Xikwembu xinavelile kukombisa hi ndlela leyikholwisaka, ka lava avali vamajandzhaka vaxitshembiso, lesvaku xingakala xingatlheleli ndzhaku makungwini ya xona, xisvitiyisile hi kuhlambanya.

Yohane 17:24

Tatana, nilava lesvaku hinkwavu lava uninyikeke vona, vava na mina laha ninga kona; vatahamba vahlalela kukwetsima ka mina loku uninyikeke kona, hikuva unirhandzile misava yingasitumbuluxiwa.

Yakobo 2:5

Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

Vafilipiya 1:29

Hikuva minyikiwile nkateko wotirhela Kriste, kungali ntsena hi lesvi mipfumeleke ka yena, kambe hi lesvi mixanisekaka hikolaho ka yena.

2 Vakorinto 1:7

Kutani kulangutela ka hina henhla ka n'wina kutiyile svinene, hikuva hitiva lesvaku, lesvi miyaveliwaka kuxaniseka kun'we na hina, mitayaveliwa nakona kuchaveleliwa loku hinga nakona.

Varhoma 5:17

Rifu rifumile hi mhaka ya nandzu wa munhu mun'we ntsena; hi ndlela yoleyo, lava vayamukelaka ntalu wa timpsalu ni nkateko wa kuyendliwa lavalulameke, vatatlulisa ngopfungopfu hi kufuma vuton'wini, hi mhaka ya munhu mun'we anga Yesu Kriste.

Vaheveru 1:14

Xana tintsumi hinkwatu ahi mimoya leyitirhelaka Xikwembu, leyirhumiweke kupfuna vanhu lavafanelaka kukuma kuponisiwa ke?

Nhlavutelo 3:21

Lweyi ahlulaka, nitamunyika kutshama na mina xiluvelweni xa mina, kukotisa lesvi na mina hi xiviri nihluleke, kutani nitshamaka ni Tatana wa mina xiluvelweni xa yena.

Luka 12:32

“Ungachavi wena ntlhambinyana, hikuva Tatana wa n'wina atsakele kuminyika Mfumu.

Matewu 16:24

Yesu atlhela aku ka vajondzisiwa va yena: Loko munhu alava kunilandza aatitshike, atirhwexa xihambanu xa yena, kutani anilandza,

1 Vakorinto 2:9

Kambe hilaha kutsaliweke hakona vaku: “Lesvi ni tihlo ni rin'we rikalaka ringasvivonanga, lesvi ni ndleve ni yin'we yikalaka yingasvitwanga, lesvingasikitshama svinghena ka miyanakanyu ya munhu, hi svona lesvi Xikwembu xisvilungiseleke lava vaxirhandzaka.”

Varhoma 8:3

Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

Timhaka 20:32

“Kutani na minyiketa svosvi ka Xikwembu, ni ka rito ra timpsalu ta xona, lerikotaka kumiyakisa ni kuminyika rifuwo xikarhi ka hinkwavu lava xitihlawuleleke vona.

Timhaka 14:22

na vali karhi vatiyisa timbilu ta vajondzisiwa, vavakhongotela kutiyisela kupfumeleni, vaku: “Amfun'wini wa Xikwembu, hifanele kunghena hi maxangu lamanyingi.”

Matewu 25:21

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa lesvotala; nghena kutsakeni ka hosi ya wena.’”

Luka 24:26

Xana asvingafaneli lesvaku Kriste atwisiwa kuvaviseka koloko, atlhela anghena kukwetsimeni ka yena ke?”

Timhaka 26:18

utapfula mahlo ya vona lesvaku vahuma munyameni, vanghena kuvonakaleni, ni lesvaku vahuma kufumeni ka Sathana vanghena ka Xikwembu; loko vapfumela ka mina, vatakuma kurivaleliwa ka svijoho, kutani vatayaveliwa ndzhaka xikarhi ka vahlawuliwa va Xikwembu.’

2 Vakorinto 1:5

Hikuva kukotisa lesvi mahlomulu ya Kriste mahitaleleke, nakona ha Kriste hikuma kuchaveleliwa hi ntalu.

Vafilipiya 3:10

Ninavela ntsena kutiva Kriste, ni matimba ya kupfuka ka yena kufeni, nikota ni kuhlangana na yena kuvavisekeni ka yena, niyendliwa lweyi afanaka na yena kufeni,

Vakolosa 1:24

Svosvi-ke, nitsaka hi lesvi nixanisiwaka hikolaho ka n'wina; kutani, hi kuxaniseka ka mina mirini, nihetisa lesvipfumalekeke maxangwini ya Kriste, hikolaho ka miri wa yena, yinga Kereke.

Vaheveru 1:2

Kambe masikwini lawa yohetelela, xivulavulile na hina hi N'wana, lweyi ximuvekeke kuva maja ndzhaka wa svilo hinkwasvu, lweyi na svona xitumbuluxeke tilo ni misava ha yena.