Varhoma 6:22 - Testamente Leyimpsha Xichangana

²² Kambe svosvi, mitshunxiwile kujoheni, mihundzukile vatirhi va Xikwembu, kutani mihandzu leyi miyitshovelaka svosvi yimiyisa kutengeni; kuheteleleni, mitakuma vutomi lebzingaheliki.

BIBELE Mahungu Lamanene

²² Kambe sweswi, mi ntshunxiwile eku dyoheni, mi hundzukile mahlonga ya Xikwembu, kutani mihandzu leyi mi yi tshovelaka sweswi yi mi yisa eku tengeni; eku heteleleni, mi ta kuma vutomi lebyi nga heriki.

Xitsonga (Bibele)

²² Kambe sweswi, leswi mi tshunxiweke evudyohweni, kutani mi hundzukeke malandza ya Xikwembu, mi titshovelela ku kwetsima, ni ndzhaku ka swona vutomi lebyi nga heriki.

Varhoma 6:22 Referans Kwoze

1 Petro 2:16

Hanyani kufana ni vanhu lavatshunxekeke; mingatekeni kutshunxeka ka n'wina yili ndlela yokanganyisa ha yona, yoyendla lesvobiha, kambe hanyani kufana ni vatirhi va Xikwembu.

Varhoma 6:18

Kutani mitshunxiwile kujoheni, miva mihundzuka svitirhi sva kululama.

Varhoma 8:2

Hikuva Nawu wa Moya lowunyikaka vutomi ha Yesu Kriste, wunitshunxile ka nawu wa kujoha ni wa rifu.

Yohane 8:32

nasvona mitativa ntiyiso, kutani ntiyiso wutamintshunsa.”

Vagalatiya 5:13

Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu.

1 Vakorinto 7:22

Hikuva lweyi avitaniweke kuva wa Hosi na ali xikarawa, i mutlhantlhiwa wa Hosi; ni lweyi avitaniweke na ali mutlhantlhiwa i xikarawa xa Kriste.

1 Petro 1:9

na mili karhi mikuma mihandzu ya kupfumela ka n'wina, kunga kuponisiwa ka mimoya ya n'wina.

Vagalatiya 1:10

Xana svosvi svikomba lesvaku ninavela kukhensiwa hi vanhu kumbe hi Xikwembu ke? Xana ni vonaka na nili lweyi aringetaka kutsakisa vanhu ke? Loko onge naharingeta kuyendla svosvo, aningatava mutirhi wa Kriste.

Varhoma 6:14

Kujoha kungahamifumi, hikuva amili hansi ka Nawu, kambe svosvi mi le hansi ka timpsalu.

Vagalatiya 5:22

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka

Varhoma 7:4

Svivulaka lesvi vamakwerhu: Na n'wina mifile hi tlhelo ra Nawu, hikuva miyendla miri wun'we na Kriste; svihlaya lesvaku miva mun'wana, anga yena lweyi apfuxiweke xikarhi ka vafi lesvaku hiveka mihandzu leyitsakisaka Xikwembu.

Varhoma 6:21

Xana amitshovela yini minkameni yoleyo, hi kuyendla svilo lesvi svosvi svimikhomisaka tingana, ke? Hikuva makumu ya svona i rifu.

Matewu 25:46

Kutani volavo vataya kukhatisiweni lokungaheliki, kambe lavolulama vataya vuton'wini lebzingaheliki.”

Tito 1:1

Mina Pawulo, nandza wa Xikwembu ni mupostola wa Yesu Kriste, nirhumiwile kuseketela kupfumela ka vanhu lavahlawuliweke hi Xikwembu, ni kuvapfuna kutiva ntiyiso lowujondzisiwaka hi vukhongeli bza hina,

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.

Vafilipiya 4:17

Ahi lesvaku nilava kukuma tinyiko, kambe nilava lesvaku n'wina mikuma mihandzu leyi yingatayandza yimitwalisa.

Vafilipiya 1:11

vutomi bza n'wina bzitatala hi mihandzu ya lesvolulama, leyitisiwaka ha Yesu Kriste, lesvaku Xikwembu xidzunisiwa ni kutwalisiwa ha yona.

Vaefesa 5:9

hikuva kuvonakala hi kona loku kuvekaka mihandzu leyotala, yinga ya vunene ni kululama ni ntiyiso.

2 Vakorinto 3:17

Loko vaku “Hosi”, vahlaya Moya, kutani laha Moya wa Hosi wunga kona, kutshunxeka ku kona.

Varhoma 7:25

Akukhensiwe Xikwembu ha Yesu Kriste, Hosi ya hina! Kuhetisela mhakeni leyi, ningaku: Mina, hi miyanakanyu ya mina, hambi nitirhela Nawu wa Xikwembu, hi miri wa mina nitirhela nawu wa kujoha.

Yohane 15:16

Ahi n'wina minihlawuleke; hi mina nimihlawuleke, kutani nimivekile lesvaku miya, miyaveka mihandzu, ni lesvaku mihandzu ya n'wina yiva kona masiku hinkwawu; kutani hinkwasvu lesvi mingatasvikombela ka Tatana hi vito ra mina, ataminyika svona.

Yohane 15:2

Rhavi rin'wana ni rin'wana leringa ka mina, leringavekiki mihandzu, warisusa; kambe rin'wana ni rin'wana lerivekaka mihandzu, warichaputela risaseka, lesvaku ritaveka mihandzu yotala.

Yohane 4:36

Lweyi atshovelaka akuma hakelo, kutani ahlengeleta timbewu atihlengeletela kukuma vutomi lebzingaheliki; lesvaku lweyi abzalaka ni lweyi atshovelaka vakota kutsaka svin'we.

Matewu 19:29

Kutani mani na mani lweyi atshikeke tiyindlo ta yena, kumbe vamakwavu vaxinuna ni vaxisati, kumbe tatana wa yena, kumbe mamana wa yena, kumbe nsati, kumbe vana, kumbe masimu, hikolaho ka vito ra mina, atanyikiwa svona ka dzana (100), atlhela aja ndzhaka ya vutomi lebzingaheliki.

Matewu 13:43

Nkarhini wolowo, lavolulama vatavangama kukotisa jambu, Mfun'wini wa Tatana wa vona. Lweyi anga ni tindleve, aayingise!

Matewu 13:40

Kukotisa loko mfava wutsuvuliwile, wuya hisiwa ndzilweni, svitava tano akuheleni ka misava.

Nhlavutelo 7:13

Kutani mun'we wa vakulukumba anivutisa aku: “I vamani lava vayambaleke sviyambalu svoleha svakubasa xana? Nakona vahuma kwihi ke?”

Yakobo 1:1

Mina Yakobe, nandza wa Xikwembu ni wa Hosi Yesu Kriste, nitsalela khume ra tinxaka ni timbirhi, vanga vakriste lavahangalakeke matikweni hinkwawu, nili: Xeweni!

Vakolosa 4:12

Epafrasi, lweyi anga mun'we wa n'wina, mutirhi wa Yesu Kriste, wamirungula; wa mitsundzuka svinene masiku hinkwawu mikhongelweni ya yena, akombela lesvaku miva lavahetisekeke ni lavatiyeke, kuyendleni ka hinkwasvu lesvi Xikwembu xisvirhandzaka.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.