Varhoma 6:19 - Testamente Leyimpsha Xichangana

¹⁹ Nitirhisa mavulavulela ya vanhu, hikuva, hi ntumbuluku, mi vanhu lavanga ni gome. Kufana ni lesvi khale aminyiketile svirho sva n'wina kuva svitirhi sva chaka ni sva kuhomboloka, lesvaku miyendla lesvohomboloka ha svona, svosvi nyiketani svirho sva n'wina kuva svitirhi sva kululama, lesvaku miyendla lesvitengeke ha svona.

BIBELE Mahungu Lamanene

¹⁹ Ndzi tirhisa mavulavulele ya vanhu, hikuva, hi ntumbuluko, mi vanhu lava tsaneke. Ku fana ni leswi khale a mi nyiketile swirho swa n'wina ku va mahlonga ya thyaka ni ya ku homboloka, leswaku mi endla leswo homboloka ha swona, sweswi nyiketani swirho swa n'wina ku va mahlonga ya ku lulama, leswaku mi endla leswi tengeke ha swona.

Xitsonga (Bibele)

¹⁹ Ndzi vula hi mukhuva wa vanhu, hikwalaho ka ku tsana ka nyama ya n'wina, ndzi ri: Kukota leswi ingi mi nyiketile swirho swa n'wina ku va makhumbi ya thyaka ni ya ku homboloka, mi yisiwa hakona eku hombolokeni, hi mukhuva wolowo sweswi, nyiketani swirho swa n'wina, ma va makhumbi ya ku lulama, mi fika hakona eku kwetsimeni.

Varhoma 6:19 Referans Kwoze

Varhoma 6:13

mingahanyiketeni svirho sva n'wina kujoheni, mingahasvitirhiseni kuyendla lesvohomboloka; kambe tinyiketeni ka Xikwembu tani hi vanhu lavahanyaka, lavahumeke xikarhi ka vafi. Kutani minyiketa svirho sva n'wina ka Xikwembu, misvitirhisa kuyendla lesvolulama.

Varhoma 3:5

Kambe, xana hitakuyini loko kuhomboloka ka hina kuyendla lesvaku kululama ka Xikwembu kukombisiwa rivaleni ke? Xana hitahlaya lesvaku Xikwembu xihombolokile loko xihiba kuhlundzukeni ka xona ke? (Nivulavula hi mukhuva wa vanhu.)

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

Vagalatiya 3:15

Vamakwerhu, nitamifananisela hi lesvihumelelaka vanhwini siku rin'wana ni rin'wana: Loko ntwananu wutiyisiwile, hambi kuli xikarhi ka vanhu, aku na lweyi angawu helisaka, kumbe kuyengetela svin'wana ka wona.

Vaheveru 12:15

Mitivonela ka lesvaku kungavi ni mun'we lweyi atsandzekaka kukuma minkateko ya Hosi; tivoneleni xikarhi ka n'wina kungatshuki kumila “rimintsu ra kubava” lerivangaka kukarhateka, ni kunyamisa lavotala.

Vaheveru 4:15

Hikuva Muprista lwenkulu lweyi hinga na yena ahi lweyi atsandzekaka kuhitwela vusiwana minkarhalweni ya hina, kambe hi lweyi aringiweke hi matlhelo hinkwawu kufana na hina, ntsena yena angajohanga.

1 Vakorinto 9:8

Xana nihlaya lesvi hi mpfumelelo wa vanhu ke? Xana Nawu awuhlayi svosvo na wona ke?

1 Vakorinto 5:6

Kutidzunisa ka n'wina akululamanga! Xana amisvitivi lesvaku comelanyana leritsongo rikukumukisa mbila hinkwayu ke?

Varhoma 15:1

Hina lava hinga ni matimba, hifanele kurhwala kuhluleka ka lava vanga ni gome, kungali kutitsakisa hina vinyi.

Varhoma 8:26

Hi mukhuva wolowo Moya na wona wahipfuna gomeni ra hina; hikuva ahitivi lesvi hinga svikombelaka ni ndlela leyi hifanelaka kukhongela ha yona, kambe Moya, wona ha woxe, wukhongela Xikwembu matshan'wini ya hina, loko hina hikonya kunene hingahumesi marito.

Matewu 4:23

Yesu arhendzeleka hi tiko hinkwaru ra Galileya, na ali karhi ajondzisa masinagogeni ya vona, apaluxa Evhangeli ya Mfumu, ahanyisa mavabzi hinkwawu, ni kukarhateka hinkwaku loku vanhu avali nakona.

Varhoma 7:23

kambe ka svirho sva mina nikuma nawu wun'wana, lowulwaka ni nawu lowu wufambisaka miyanakanyu ya mina; wuniyendla mubohiwa nawini wa kujoha lowufumaka svirho sva mina.