Varhoma 6:17 - Testamente Leyimpsha Xichangana

¹⁷ Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke.

BIBELE Mahungu Lamanene

¹⁷ Kambe a ku nkhensiwe Xikwembu, hikuva n'wina lava khale a mi ri mahlonga ya ku dyoha, sweswi mi yingisile hi mbilu hinkwayo ntiyiso wa dyondzo leyi mi yi kumeke.

Xitsonga (Bibele)

¹⁷ Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Varhoma 6:17 Referans Kwoze

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

2 Timotiya 1:13

Tshama amaritweni lamatiyeke ya ntiyiso, lawa umatweke ka mina, kupfumeleni ni le rirhandzwini leringa ka Kriste Yesu.

2 Vakorinto 2:14

Kambe akukhensiwe Xikwembu lexi ka Kriste xihiyisaka kutsakeni, hi kutirhisa hina minkama hinkwayu; xihangalasa hinkwaku kunun'hwela loku kunandzihaka ka kutiva Kriste.

Varhoma 16:26

kambe svosvi xihumeseliweke rivaleni hi Matsalwa ya vaprofeta, hi kulandza kulerisa ka Xikwembu lexingaheliki, xona xihundla lexi xingativisiwa vamatiko hinkwavu, lesvaku vanhu vapfumela, vatlhela vayingisa.

Varhoma 1:8

Xa kusungula, nikhensa Xikwembu xa mina ha Yesu Kriste hikolaho ka n'wina hinkwenu, hikuva kupfumela ka n'wina kutwakalile misaveni hinkwayu.

3 Yohane 1:3

Hakunene nitsakile ngopfu loko vamakwerhu lava vateke koseyo vavekile vumboni henhla ka ntiyiso wa wena ni lesvi uhanyisaka xisvona ntiyisweni.

Varhoma 15:18

hikuva ningakala ningatiyi nhlana wa kuvula nchumu, handle ka lesvi Kriste angasviyendla ha mina, kutisa vamatiko kuyingiseni, hi marito ni mintirho,

Timhaka 11:18

Loko vatwa timhaka teto, vamiyela vangahavileli; kutani vadzunisa Xikwembu, vaku: “Loko svilitano, na vona vamatiko Xikwembu xivanyikile kuhundzuka loku kuyisaka vuton'wini.”

2 Yohane 1:4

Nitsakile ngopfu loko nikuma lesvaku vana van'wana va wena vafamba ntiyisweni, tani hi lesvi hiyamukeleke milawu ya Tatana hakona.

Vaheveru 5:9

Kutani loko ayendliwile lweyi ahetisekeke, ahundzukile xihlovo xa kuponisiwa lokungaheliki ka hinkwavu lava vamuyingisaka,

Filemoni 1:4

Nikhensa ka Xikwembu xa mina, na nili karhi nikuyanakanya nkarhi hinkwawu mikhongelweni ya mina,

2 Vatesalonika 1:3

Svahifanela kukhensa Xikwembu masiku hinkwawu hikolaho ka n'wina, vamakwerhu. Hakunene svafanela svosvo, hikuva kupfumela ka n'wina kuya mahlweni kukula ngopfu, ni kurhandzana ka n'wina hinkwenu kuya kuyengeteleka.

1 Petro 4:17

Hikuva nkama wufikile wa kuyavanyisiwa lokungatasungula hi va yindlo ya Xikwembu. Kutani, loko kusungula hi hina, xana makumu ya lavangayingisiki Evhangeli ya Xikwembu matava lawa yoyini ke?

1 Petro 3:1

Hi svosvo, n'wina vavasati lavatekiweke: Titsongahateni ka vanuna va n'wina, lesvaku van'wana vakokiwa hi mahanyela ya n'wina vasati va vona, hambi loko vangayingisi Rito avangabzeliwi hi munhu,

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

Vaheveru 11:8

Hi kupfumela, Abrahamu, siku leri avitaniweke ha rona kurhurha aya tikweni leri Xikwembu aximutshembisile rona, ayingisile, arhurha hambilesvi aangakutivi lomu ayakakona.

1 Vatesalonika 3:9

Xana kukhensa ka hina ka Xikwembu hikolaho ka n'wina kungava loku koyini, kutsakeni hinkwaku loku hikutwaka mahlweni ka Xikwembu xa hina hikolaho ka n'wina?

Vaefesa 1:16

anitshikanga kukhensa hikolaho ka n'wina. Namiyanakanya mikhongelweni ya mina;

1 Vakorinto 1:4

Masiku hinkwawu nikhensa Xikwembu xa mina hikolaho ka n'wina. Nixikhensa hikolaho ka timpsalu ta xona leti mitikumeke ha Yesu Kriste.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

Varhoma 2:8

kambe lavanga ni moya wa kutirhandza, vayalaka ntiyiso, vafambaka hi kuhomboloka, xitavahlundzukela ni kuvakarihela.

Timhaka 28:15

Loko vamakwerhu va le Roma vatwa lesvaku hafika, vatatahitlhangaveta ntsendzeleni wa Apiyo, laha kuvuliwaka “svitolo svinharhu”; kuteloko Pawulo avavona, akhensa Xikwembu, atiyisa mbilu.

1 Vakorinto 14:6

Hikolaho-ke, vamakwerhu, loko nita ka n'wina, nifika nivulavula hi tindzimi letingatwisisiwiki, nitamipfunisa kuyini xana? Aningamipfuni, handle ka loko ningatirhisa mavulavulela lawa mahlavutelaka svin'wana, kumbe ya vutivi, kumbe ya kuprofeta, kumbe ya kujondzisa.