Varhoma 6:13 - Testamente Leyimpsha Xichangana

¹³ mingahanyiketeni svirho sva n'wina kujoheni, mingahasvitirhiseni kuyendla lesvohomboloka; kambe tinyiketeni ka Xikwembu tani hi vanhu lavahanyaka, lavahumeke xikarhi ka vafi. Kutani minyiketa svirho sva n'wina ka Xikwembu, misvitirhisa kuyendla lesvolulama.

BIBELE Mahungu Lamanene

¹³ mi nga ha nyiketi swirho swa n'wina eku dyoheni, mi nga ha swi tirhisi ku endla leswo homboloka; kambe tinyiketeni eka Xikwembu tanihi vanhu lava hanyaka, lava humeke exikarhi ka vafi. Kutani mi nyiketa swirho swa n'wina eka Xikwembu, mi swi tirhisa ku endla leswo lulama.

Xitsonga (Bibele)

¹³ Kambe mi nga tshuki mi nyiketa vudyoho swirho swa n'wina ku va swilo leswi tirhelaka ku homboloka; kambe tinyiketeni eka Xikwembu kukota lava hanyaka, lava ingi va file, kutani mi veka swirho swa n'wina eka Xikwembu ku tirha leswo lulama.

Varhoma 6:13 Referans Kwoze

Varhoma 12:1

Loko svilitano vamakwerhu, na mikhongotela hikolaho ka timpsalu ta Xikwembu, lesvaku minyiketa miri wa n'wina hinkwawu, wuva mhamba leyihanyaka, leyihlawulekeke, leyitsakisaka Xikwembu; hi wona magandzelela ya n'wina ya ntiyiso.

Varhoma 6:16

Xana amisvitivi lesvaku, loko mitinyiketa kutirhela mun'wana ni kumuyingisa, misvikarawa sva lweyi mimuyingisaka ke? Hambisvitirhi sva kujoha loku kuyisaka kufeni, hambi svikarawa svakuyingisa loku kuyisaka kululameni.

1 Petro 2:24

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena.

Vakolosa 3:5

Loko svilitano, dlayani lesvi svinga sva misava ka n'wina, hi lesvaku vuwosvi, ni sva nsila, ni kuhisekela sva tingana, ni kunavela lokobiha, ni makwanga, kunga kugandzela svikwembu sva hava.

Varhoma 7:5

Hikuva, loko hahahanyela sva ntumbuluku wa hina, kunavela lokunga ni kujoha, loku akupfuxiwa hi mhaka ya Nawu, akutirha ka svirho sva hina, kutani mihandzu yakona akuli kufa.

1 Petro 4:2

Kutani nkameni wa n'wina lowusaleke wa kuhanya laha misaveni, mingahafambisiweni hi kunavela kutitsakisa, kukota vanhu van'wana, kambe mifambisiwa hi lesvi Xikwembu xirhandzaka svona.

Vakolosa 2:13

Khale, amili lavafeke hikolaho ka milandzu ya n'wina, hi lesvi amili vamatiko lavangayimbangiki, kutani Xikwembu ximihanyisile svin'we na Kriste. Xihirivalelile milandzu ya hina hinkwayu,

1 Vakorinto 6:20

Mixaviwile hi nxavu lowukulu; hi kolaho, dzunisani Xikwembu hi miri wa n'wina.

1 Yohane 1:9

Kambe loko hitisola svijoho sva hina, xona xitshembekile, nasvona xilulamile akuva xihirivalela svijoho sva hina, ni kuhibasisa xihisusela kuhomboloka hinkwaku.

1 Vakorinto 6:15

Xana amisvitivi lesvaku, miri wa n'wina, i svirho sva miri wa Kriste ke? Xana ningateka svirho sva miri wa Kriste, nisviyendla svirho sva nghwavana ke? Ihim, nikutsongo!

Vaefesa 2:5

Hikolaho, hambilesvi ahifile hi mhaka ya milandzu ya hina, xihivuyisile vuton'wini svin'we na Kriste. I timpsalu ta Xikwembu leti timiponiseke.

Vafilipiya 1:20

Kulangutela ka mina ni kutshemba ka mina, hi lesvaku aningakhomiwi hi tingana nikutsongo, kambe hi kutiya ka mina ningachavi nchumu, svosvi kukota minkama hinkwayu, nitatwalisa vukulu bza Kriste mirini wa mina, hambi hi kuhanya kumbe hi kufa ka mina.

1 Vakorinto 6:9

Xana amisvitivi lesvaku lavohomboloka vangakala vangaji ndzhaka ya Mfumu wa Xikwembu, ke? Mingatshukeni mitikanganyisa: Loko ali lavobiha, ni lavagandzelaka svikwembu svokala svingali svona, ni vunghwavana, ni vavanuna lavayendlaka sva tingana ni vavanunakulobze,

Varhoma 6:19

Nitirhisa mavulavulela ya vanhu, hikuva, hi ntumbuluku, mi vanhu lavanga ni gome. Kufana ni lesvi khale aminyiketile svirho sva n'wina kuva svitirhi sva chaka ni sva kuhomboloka, lesvaku miyendla lesvohomboloka ha svona, svosvi nyiketani svirho sva n'wina kuva svitirhi sva kululama, lesvaku miyendla lesvitengeke ha svona.

2 Vakorinto 10:4

Hikuva matlhari lawa hilwaka ha wona, ahilawa matirhisiwaka hi vanhu va misava, kambe mani matimba ya Xikwembu ya kuhirimuxa makhokholo;

Varhoma 6:11

Hi mukhuva wolowo, na n'wina tivoneni na mili lavafeke hi tlhelo ra kujoha, kutani na mili lavahanyelaka Xikwembu ha Yesu Kriste.

Vaefesa 5:14

hikuva xin'wana ni xin'wana lexikombiwaka lesvi xinga xisvona, xihundzuka kuvonakala. Hikolaho vange: “Pfuka wena lweyi uyetleleke, pfuka xikarhi ka vafi, kutani Kriste atakuvoninga.”

2 Vakorinto 8:5

I mhaka leyi hina ahingayilangutelanga, hikuva varhangile hi kutinyiketa ka Hosi, kutani hi kurhandza ka Xikwembu vatlhele vatinyiketa ka hina.

2 Vakorinto 5:15

Afele vanhu hinkwavu, lesvaku lavahanyaka vangahatihanyeli, kambe vahanyela lweyi afeke atlhela apfuxiwa kufeni hikolaho ka vona.

Varhoma 7:23

kambe ka svirho sva mina nikuma nawu wun'wana, lowulwaka ni nawu lowu wufambisaka miyanakanyu ya mina; wuniyendla mubohiwa nawini wa kujoha lowufumaka svirho sva mina.

Luka 15:32

kambe hifanela kutsaka, hiba minkulungwana, hikuva makwenu lweyi aafile, svosvi wahanya; aalahlekile, svosvi akumiwile.’”

Yakobo 4:1

Tinyimpi tivangiwa hi yini, ni kulwa xikarhi ka n'wina kuvangiwa hi yini? Xana asvivangiwi hi kunavela ka n'wina ka kutitsakisa, lokupfuxaka tinyimpi svirhweni sva n'wina, xana?

Varhoma 1:29

Vatele kuhomboloka hinkwaku, ni lesvobiha, ni kuphanga, ni mona; vatele mavondzo, ni kudlaya, ni kuphikizana, ni kukanganyisa, ni kuxengana; i vahlevi

Yohane 5:24

“Nitiyisile nili ka n'wina lweyi ayingisaka rito ra mina, ava apfumela ka Lweyi anirhumeke, a ni vutomi lebzingaheliki; kutani angakala angayavanyisiwi, kambe ahumile kufeni ayanghena vuton'wini.

Luka 15:24

hikuva n'wana lweyi wa mina aafile, kambe svosvi wahanya; aalahlekile, kambe svosvi akumiwile.’ Kutani vasungula kutsaka.

2 Vatesalonika 2:12

Kuhela ka svona hi lesvaku hinkwavu lavakalaka vangayamukelanga ntiyiso, vanga lava vatsakeleke tindlela letobiha, vatayavanyisiwa.

2 Vakorinto 5:14

Rirhandzu ra Kriste rahifambisa, hikuva hifikile laha hitivaka svinene lesvaku munhu mun'we afele hinkwavu; loko svilitano, hinkwavu vafile.

2 Timotiya 2:15

Yendla hi matimba kuvoneka na uli lweyi akhensekaka mahlweni ka Xikwembu, na ungali na tingana hi ntirho wa wena, ujondzisa Rito ra ntiyiso hi ndlela leyinene.