Varhoma 5:18 - Testamente Leyimpsha Xichangana

¹⁸ Kutani-ke, kufana ni lesvi nandzu wun'we wudlayiseke vanhu hinkwavu lesvaku vabiwa, na wona ntirho wun'we wolulama wuyendla lesvaku vanhu hinkwavu vatshunxiwa, vakuma vutomi.

BIBELE Mahungu Lamanene

¹⁸ Kutani ke, kukotisa leswi nandzu wun'we wu dlayiseke vanhu hinkwavo leswaku va biwa, na wona ntirho wun'we wo lulama wu endla leswaku vanhu hinkwavo va ntshunxiwa, va kuma vutomi.

Xitsonga (Bibele)

¹⁸ Hikwalaho, kukota leswi ku dyoha ka munhu a ri un'we ku nga humesa ku avanyisa ehenhla ka vanhu hinkwavo, hi mukhuva wolowo, ku lulama ka munhu a ri un'we, ku humesela vanhu hinkwavo ku lulama loku nyikaka vutomi.

Varhoma 5:18 Referans Kwoze

1 Vakorinto 15:22

Kukotisa lesvi hinkwavu vafaka hikolaho ka Adamu, hi ndlela yoleyo, hinkwavu vatatlhela vapfuxiwa hikolaho ka Kriste.

Varhoma 5:12

Kutani-ke, kufana ni lesvi kujoha kungheneke misaveni hi munhu ali mun'we, na rona rifu ringhenile hikolaho ka kujoha, hi mukhuva wolowo rifu ritlulele vanhu hinkwavu, hikuva hinkwavu vajohile.

Varhoma 5:15

Kambe ntirho wa timpsalu lowutirhiweke hi Xikwembu awupimanisiwi ni nandzu lowungayendliwa hi Adamu; hikuva, loko nandzu wa munhu mun'we ntsena wudlayisile vanhu lavanyingi, timpsalu ta Xikwembu ni nyiko ya timpsalu leyiteke hi munhu mun'we ntsena anga Yesu Kriste, svitlulisile ngopfungopfu hi kutala ka vanhu lavanyingi.

Varhoma 5:19

Nasvona, kufana ni lesvi lavanyingi vahundzuliweke vajohi hikolaho ka munhu mun'we lweyi akalaka angayingisanga, hi mukhuva wolowo, hi kuyingisa ka munhu mun'we, vanhu lavanyingi vatahundzuliwa vava lavalulameke.

Timhaka 13:39

svosvi mun'wana ni mun'wana lweyi apfumelaka warivaleliwa ka svona ha Yesu.

Vaheveru 2:9

Kambe hivona Yesu, lweyi angayendliwa kuva hansi ka tintsumi nkarhinyana, svosvi anganyikiwa kukwetsima ni kutwala sviva hari ya vuhosi nhlokweni ya yena, hi mhaka ya kutwisiwa kuvaviseka ka rifu; na svili lesvaku, hi timpsalu ta Xikwembu, atwa nhlomulu wa rifu hikolaho ka munhu mun'wana ni mun'wana.

Varhoma 4:25

Hi yena Yesu lweyi anganyiketiwa lesvaku adlayiwa hikolaho ka milandzu ya hina, atlhela apfuxiwa kufeni lesvaku hi ta tshunxiwa ka yona.

Yohane 1:7

Yena atile kutava mboni, kutaveka vumboni henhla ka ta kuvonakala, lesvaku hinkwavu vatapfumela hikolaho ka yena.

Yohane 12:32

Kambe mina, loko nitava nitlakuliwile nisuka misaveni, nitakokela vanhu hinkwavu ka mina.”

1 Yohane 2:20

Kambe n'wina mi ni kutotiwa loku kutaka hi le ka lweyi wokwetsima, kutani n'wina hinkwenu masvitiva.

2 Petro 1:1

Mina Simoni Petrosi, nandza ni mupostola wa Yesu Kriste, nitsalela lavanyikiweke kupfumela loku hi risima leriringanaka ni kupfumela ka hina, hi kululama ka lweyi anga Xikwembu ni muponisi wa hina Yesu Kriste, nili:

Yohane 3:26

Hi loko vaya ka Yohani, vaku ka yena: “Mujondzisi, munhu lweyi awuli na yena ntlhatuku wa Yordani, lweyi ungavula vumboni henhla ka yena, wakhuvula na yena, kutani hinkwavu vakhirimana vaya ka yena.”

Varhoma 3:25

Xikwembu ximuvekile lesvaku hi kufa ka yena, vanhu va rivaleliwa svijoho, loko vapfumela ka yena; xiyendlele kukomba hilaha xiyendlaka vanhu vava lavalulameke hakona, hikuva axirivalele vanhu kujoha ka vona ka khale, minkameni ya kutsetselela ka xona;

Varhoma 6:14

Kujoha kungahamifumi, hikuva amili hansi ka Nawu, kambe svosvi mi le hansi ka timpsalu.