Varhoma 5:15 - Testamente Leyimpsha Xichangana

¹⁵ Kambe ntirho wa timpsalu lowutirhiweke hi Xikwembu awupimanisiwi ni nandzu lowungayendliwa hi Adamu; hikuva, loko nandzu wa munhu mun'we ntsena wudlayisile vanhu lavanyingi, timpsalu ta Xikwembu ni nyiko ya timpsalu leyiteke hi munhu mun'we ntsena anga Yesu Kriste, svitlulisile ngopfungopfu hi kutala ka vanhu lavanyingi.

BIBELE Mahungu Lamanene

¹⁵ Kambe ntirho wa tintswalo lowu tirhiweke hi Xikwembu a wu ringanisiwi ni nandzu lowu nga endliwa hi Adamu; hikuva, loko nandzu wa munhu un'we ntsena wu dlayisile vanhu lavo tala, tintswalo ta Xikwembu ni nyiko ya tintswalo leyi teke hi munhu un'we ntsena a nga Yesu Kriste, swi tlurisile ngopfu-ngopfu hi ku andzela vanhu lavo tala.

Xitsonga (Bibele)

¹⁵ Kambe ku nyika ka tintswalo a ku fani ni ku dyoha hikuva, loko lavo tala va file hikwalaho ka ku dyoha ka munhu a ri un'we, tintswalo ta Xikwembu, ni ku nyika ka tintswalo, loku teke hi munhu a ri un'we, a nga Yesu Kriste, na swona swi andzele lavo tala ku tlurisa swonghasi.

Varhoma 5:15 Referans Kwoze

Varhoma 6:23

Hikuva hakelo ra xijoho i rifu, kambe nyiko leyinyikiwaka ntsena, leyihumaka ka Xikwembu, i vutomi lebzingaheliki, ha Yesu Kriste Hosi ya hina.

Vaefesa 2:8

Hikuva hi tona timpsalu ta Xikwembu leti timiponiseke, hikolaho ka kupfumela; kutani lesvi asvihumi ka n'wina, kambe i nyiko ya Xikwembu.

Varhoma 5:12

Kutani-ke, kufana ni lesvi kujoha kungheneke misaveni hi munhu ali mun'we, na rona rifu ringhenile hikolaho ka kujoha, hi mukhuva wolowo rifu ritlulele vanhu hinkwavu, hikuva hinkwavu vajohile.

1 Yohane 5:11

Kutani-ke, vumboni bzakona hi lebzi: Hi lesvaku Xikwembu xihinyikile vutomi lebzingaheliki, kutani, vutomi lebzi bzi le ka N'wana wa xona.

2 Vakorinto 9:15

Akukhensiwe Xikwembu hikolaho ka nyiko ya xona, yinga nyiko leyi kupfumalekaka marito ya kuyihlamusela.

1 Yohane 2:2

Hi yena mhamba hikolaho ka svijoho sva hina, svingali sva hina ntsena, kambe na svona sva misava hinkwayu.

Vaheveru 2:9

Kambe hivona Yesu, lweyi angayendliwa kuva hansi ka tintsumi nkarhinyana, svosvi anganyikiwa kukwetsima ni kutwala sviva hari ya vuhosi nhlokweni ya yena, hi mhaka ya kutwisiwa kuvaviseka ka rifu; na svili lesvaku, hi timpsalu ta Xikwembu, atwa nhlomulu wa rifu hikolaho ka munhu mun'wana ni mun'wana.

Yohane 4:10

Yesu amuhlamula aku: “Loko onge utivile kunyika ka Xikwembu, ni lweyi ange ka wena; ninyike mati ninwa, awutava ukombela ka yena, kutani aatava akunyikile mati lawa mahanyaka.”

Yohane 3:16

Hikuva Xikwembu xirhandzile misava, lakakuva, xinyikile N'wana wa xona wa mun'we, lesvaku hinkwavu lava vapfumelaka ka yena vangalovi, kambe vava ni vutomi lebzingaheliki.

Matewu 26:28

hikuva leyi i ngati ya mina, ngati ya ntwananu leyihalateliwaka lava votala lesvaku varivaleliwa svijoho.

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

Timhaka 15:11

Kambe loko hi pfumela lesvaku timpsalu ta Hosi Yesu, hi tona tihiponisaka, ni le ka vona svitano.”

2 Vakorinto 5:14

Rirhandzu ra Kriste rahifambisa, hikuva hifikile laha hitivaka svinene lesvaku munhu mun'we afele hinkwavu; loko svilitano, hinkwavu vafile.