Varhoma 5:11 - Testamente Leyimpsha Xichangana

¹¹ Kungali svosvo ntsena, kambe hatitlakusa ka Xikwembu ha Hosi ya hina Yesu Kriste, lweyi svosvi hiyamukeleke kuvuyelelana loku ha yena.

BIBELE Mahungu Lamanene

¹¹ Ku nga ri sweswo ntsena, kambe ha tidzunisa eka Xikwembu ha Hosi ya hina Yesu Kriste, loyi sweswi hi amukeleke ku vuyelelana loku ha yena.

Xitsonga (Bibele)

¹¹ A hi leswi ntsena kambe hi ni ku tidzunisa eka Xikwembu ha Hosi ya hina Yesu Kriste, loyi hi nyikiweke, ni sweswi, ku hlanganisiwa ha yena.

Varhoma 5:11 Referans Kwoze

Varhoma 5:10

Loko hahali valala ka Xikwembu, hiyendliwile lavavuyelelaneke na xona hi kufa ka N'wana wa xona; kutani, lesvi hingavuyelelana na xona, ngopfungopfu hitaponisiwa hi mhaka ya vutomi bza Kriste.

Vafilipiya 4:4

Titsakeleni Hosini masiku hinkwawu; nitlhela nivulisa svosvo, nili: Titsakeleni!

Vagalatiya 4:9

Kambe lesvi namuntlha mitivaka Xikwembu (kumbe ningaku, lesvi namuntlha Xikwembu ximitivaka), xana sviyendlisa kuyini lesvaku mitlhelela ka mimoya leyi ya khale, leyitsaneke ya misava leyi ke? Hikolaho ka yini milava kutlhela mihundzuka svikarawa sva yona ke?

1 Petro 1:8

Ni loko mingasimuvona, mamu rhandza; hambi ni svosvi mingamuvoniki, mapfumela ka yena, kutani mitsaka hi kutsaka loku kuhlamalisaka, lokungahlayekiki,

Vakolosa 2:6

Kutani-ke, lesvi miyamukeleke Yesu Kriste kuva Hosi ya n'wina, hanyani hikuva xilo xin'we na yena,

Vafilipiya 3:3

hikuva hi hina hingayamukela kuyimba ka xiviri, hina lava higandzelaka Xikwembu hi Moya wa xona, hina lavatidzunisaka ha Yesu Kriste, hingavekiki kutshemba ka hina ka lesviyendliwaka hi vanhu ntsena.

Vafilipiya 3:1

Kutani svosvi vamakwerhu, titsakeleni Hosini. Asvinikarhati kutlhela nimitsalela svofana, nasvona svipfuna kumitiyisa.

Vagalatiya 5:22

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka

1 Vakorinto 10:16

Ndzheko wa minkateko lowu hiwukhensaka, xana awuvuli lesvaku hi ni kuhlangana svin'we ni ngati ya Kriste ke? Ni xinkwa lexi hikhemelanaka, xana axihlayi lesvaku hi ni kuhlangana svin'we ni miri wa Kriste ke?

Varhoma 11:15

Hikuva loko kucukumetiwa ka vona kuyendlile lesvaku misava yivuyelelana ni Xikwembu, kuyamukeliwa ka vona hi Xikwembu kutavula yini, loko kungali kuhanya ka lava avafile, xana?

Varhoma 2:17

Wena lweyi utivulaka Muyuda, wena utshembeke Nawu, utitlakusaka hi Xikwembu,

Yohane 1:12

Kambe, hinkwavu lava vangamuyamukela, lava vangapfumela ka vito ra yena, avanyikile matimba ya kuyendliwa vana va Xikwembu, vanga lavapfumelaka ka vito ra yena,

Luka 1:46

Kutani Mariya aku: “Mbilu yanga yidzunisa Hosi,

Varhoma 5:1

Loko svilitano, lesvi hingayendliwa lavalulameke hi mhaka ya kupfumela, hi ni kurhula ka Xikwembu, hi Hosi ya hina Yesu Kriste;

Varhoma 5:3

Kungali svosvo ntsena, kambe hitikulisa ni le kuxanisekeni ka hina, hi kutiva lesvaku kuxaniseka kupsala kutiyisela,

Varhoma 8:23

Akukonyi svivumbiwa ntsena, kambe na hina hingayamukela mihandzu yorhanga ya Moya Lowokwetsima, hakonya ndzeni ka hina, na hili karhi hilangutela kuyendliwa vana, kunga kuponisiwa ka miri wa hina.

Varhoma 9:10

Ahi svosvo ntsena, kambe Rabeka na yena, avelekile vana hi nuna mun'we ntsena, tatana wa hina Izaki.

2 Vakorinto 8:19

Ahilesvi ntsena, kambe nasvona ahlawuliwile hi tikereke kufamba na hina ntirhweni lowu wa timpsalu; nyiko yakona hiyitamela kudzuniseni ka Hosi hi xiviri xa yona, ni kuva xikombiso xa lesvaku hinavela svinene kupfuna.