Varhoma 4:15 - Testamente Leyimpsha Xichangana

¹⁵ hikuva nawu wuvanga vukarhi, kambe laha nawu wukalaka wungali kona, aku na kuwutlula.

BIBELE Mahungu Lamanene

¹⁵ hikuva nawu wu vanga vukari, kambe laha ku nga hava nawu, ku hava ni ku wu tlula.

Xitsonga (Bibele)

¹⁵ hikuva nawu wu humesa vukari, hikuva laha nawu wu nga riki kona, ni ku tlula a ku kona.

Varhoma 4:15 Referans Kwoze

Varhoma 5:13

Kujoha akuli kona misaveni kukondza kufika Nawu, hambilesvi kujoha kungavuliwiki lesvaku i kujoha, loko kungasiva ni Nawu.

Vagalatiya 3:10

Hinkwavu lavatitshembaka hi lesvi vahlayisaka Nawu, va le kurhukiweni, hikuva Matsalwa mali: “Mun'wana ni mun'wana lweyi atsandzekaka kuhlayisa ni kuyendla hinkwasvu lesvitsaliweke bukwini ya Nawu, a le kurhukiweni.”

1 Vakorinto 15:56

Ndzhombo wa rifu i xijoho, kutani matimba ya xijoho i Nawu.

Vagalatiya 3:19

Loko svilitano, xana Nawu wutirhile yini ke? Wutisiwile ndzhaku, kukomba lesvi kujoha kunga svona, kukondza kuhumelela lweyi “wa rixaka”, lweyi xitshembiso xiyendleliweke yena. Nawu wutisiwile hi tintsumi, tiwunyika muhlanganisi hi voko.

Yohane 3:36

Lweyi apfumelaka ka N'wana a ni vutomi lebzingaheliki; kambe lweyi angapfumeliki ka N'wana angakala angabzivoni vutomi; kambe avukarhi bza Xikwembu bzitshama ka yena.

1 Yohane 3:4

Mani na mani lweyi ayendlaka xijoho nasvona ayendla lesvi svinga handle ka nawu, hikuva xijoho i kuyendla lesvinga handle ka nawu.

Vaefesa 5:6

Kungavi na munhu lweyi amikanganyisaka hi marito lamangapfuniki nchumu: Svijoho lesvi, hi svona lesviyendlaka lesvaku vukarhi bza Xikwembu bziwela vanhu lavangayingisiki.

Yohane 15:22

Loko aningatanga nitavulavula na vona, avangatava ni nandzu; kambe svosvi ava na lexi vangatiponisaka ha xona nandzwini wa vona.

Vakolosa 3:6

Hikolaho ka svona vukarhi bza Xikwembu bzita [henhla ka lavatiyalisaka].

Varhoma 1:17

Ka yona kuhlavuteliwa hilaha vanhu vayendliwaka lavalulameke hi Xikwembu hakona; lesvi svikumiwa ntsena hi kupfumela, nkama hinkwawu, hilaha Matsalwa mahlayaka hakona maku: “Lweyi ayendliwaka lweyi alulameke hi kupfumela, atahanya.”

Nhlavutelo 19:15

Anon'weni wa yena kuhuma tlhari lerokariha, leri angatatsema matiko ha rona, kutani atamafuma hi nhonga ya nsimbi. Atakandziyela xikamelweni xa vhinyu ra vukarhi lebzochavisa bza Xikwembu lexinga ni matimba hinkwawu.