Varhoma 3:5 - Testamente Leyimpsha Xichangana

⁵ Kambe, xana hitakuyini loko kuhomboloka ka hina kuyendla lesvaku kululama ka Xikwembu kukombisiwa rivaleni ke? Xana hitahlaya lesvaku Xikwembu xihombolokile loko xihiba kuhlundzukeni ka xona ke? (Nivulavula hi mukhuva wa vanhu.)

BIBELE Mahungu Lamanene

⁵ Kambe xana hi ta ku yini, loko ku homboloka ka hina ku endla leswaku ku lulama ka Xikwembu ku kombisiwa erivaleni xana? Xana hi ta vula leswaku Xikwembu xi hombolokile loko xi hi ba eku kariheni ka xona ke? (Ndzi vulavula hi mukhuva wa vanhu.)

Xitsonga (Bibele)

⁵ Kambe loko ku homboloka ka hina ku vonakisa ku lulama ka Xikwembu, hi ta ku yini? Xana hi ta ku: “Xikwembu xi hombolokile loko xi endla hi ku kariha” xana? (Ndzi vula hi mukhuva wa vanhu.)

Varhoma 3:5 Referans Kwoze

Varhoma 6:19

Nitirhisa mavulavulela ya vanhu, hikuva, hi ntumbuluku, mi vanhu lavanga ni gome. Kufana ni lesvi khale aminyiketile svirho sva n'wina kuva svitirhi sva chaka ni sva kuhomboloka, lesvaku miyendla lesvohomboloka ha svona, svosvi nyiketani svirho sva n'wina kuva svitirhi sva kululama, lesvaku miyendla lesvitengeke ha svona.

Vagalatiya 3:15

Vamakwerhu, nitamifananisela hi lesvihumelelaka vanhwini siku rin'wana ni rin'wana: Loko ntwananu wutiyisiwile, hambi kuli xikarhi ka vanhu, aku na lweyi angawu helisaka, kumbe kuyengetela svin'wana ka wona.

1 Vakorinto 9:8

Xana nihlaya lesvi hi mpfumelelo wa vanhu ke? Xana Nawu awuhlayi svosvo na wona ke?

Varhoma 7:7

Loko svilitano, ahitavula yini ke? Xana Nawu i kujoha ke? Nikutsongo! Hambi svilitano, aningatativa lesvi kujoha kunga xisvona, loko Nawu awungavanga kona; hikuva aningatativa lesvi kunavela lokobiha kunga xisvona, loko Nawu awungahlayanga wuku: “Ungatshuki unavela!”

Varhoma 4:1

Loko svilitano, xana hingahlaya lesvaku Abrahamu, yena lweyi rixaka ra hina rihumaka ka yena, akume yini ke?

Varhoma 2:5

Hi mbilu ya wena leyi ya kunonon'hwa, leyingalaviki kuhundzuka, utiyengetelela vukarhi lebzingatakuwela hi siku lerochavisa, leri kuthethisa loku kululameke ka Xikwembu kungatahumelela ha rona.

Nhlavutelo 18:20

Tsaka hi mhaka ya rona, wena tilo; na n'wina vahlawuliwa va Xikwembu, ni vapostola, ni vaprofeta, tsakani, hikuva Xikwembu xiriyavanyisile, ximirihisela.”

Nhlavutelo 15:3

vayimbelela risimu ra Moxe nandza wa Xikwembu, ni risimu ra Xinyempfana, vaku: “Wena Hosi, Xikwembu xa matimba hinkwawu, ahi kukula ni kuhlamalisa ka mintirho ya wena; wena Mufumi wa matiko hinkwawu, ahi kululama ni kutshembeka ka tindlela ta wena!

1 Vakorinto 15:32

Loko ongi nilwile ni svivandzana le Efesa na nili munhu ntsena lweyi afaka, asvitava svinipfunile yini ke? Loko vafi vangapfuxiwi, “ahijeni hinwa, hikuva mundzuku hitafa!”, hi kuvula ka Matsalwa.

Varhoma 12:19

Varhandziwa, mingatshukeni mitirihisela mili n'wina; kambe tshikelani vukarhi bza Xikwembu, hikuva kutsaliwile vaku: “Kurihisa i ka mina; hi mina lweyi ningatarihisela, kuvula Hosi.”

Varhoma 6:1

Loko svilitano, xana hitakuyini? Xana hitaya mahlweni hijoha lesvaku timpsalu titala ke?

Varhoma 3:19

Hasvitiva lesvaku hinkwasvu lesvi Nawu wuhlayaka svona svikongoma lava vativaka Nawu, lesvaku vanhu hinkwavu vapfaliwa milomo, ni lesvaku misava hinkwayu yiyisiwa kuthethisiweni mahlweni ka Xikwembu.

Varhoma 3:7

Kambe, loko kuhemba ka mina kukombisisa svinene lesvaku Xikwembu xi ni ntiyiso, kutwalisa ni kukwetsima ka xona, hikolaho ka yini nahaya mahlweni nithethisiwa tani hi mujohi ke?

Varhoma 5:8

Kambe Xikwembu xikombisa rivaleni rirhandzu ra xona ka hina, hi lesvi Kriste angahifela loko hahali vajohi.

Varhoma 8:31

Loko svilitano, xana hingahavula yini timhakeni toleto ke? Loko Xikwembu xiyima na hina, i mani lweyi angalwaka na hina xana ke?

Varhoma 9:30

Hitakuyini ke? Hitaku: Vamatiko lava avangalandzi nawu wa kululama, vakume kululama koloko, hi mhaka ya kupfumela;

2 Vakorinto 6:4

Timhakeni hinkwatu hitikombile na hili malandza ya Xikwembu hi kutiyisela ka hina lokukulu kuxanisekeni, ni le vusiwanini, ni le makhombzeni;

2 Vakorinto 7:11

Vonani hinkwasvu lesvi kuvaviseka ka n'wina hi mukhuva lowutsakeliwaka hi Xikwembu kungatisa svona xikarhi ka n'wina: Mingavona kuhiseka ka n'wina, ni kunavela ka n'wina ka kutihlamulela, ni kukarhateka ka n'wina moyeni, ni kuchava ka n'wina, ni kutitwa ka n'wina, ni kuchivirika ka n'wina, ni kunavela ka n'wina ka kutshinya xijoho! Hi matlhelo hinkwawu mitikombile na mili lavangaliki na nandzu mhakeni leyi.

Vagalatiya 2:18

Loko nitlhela nipfuxa mikhuva leyi aniyihahlulelile, hi kona ningatatikomba na nili muhoxi hakunene.