Varhoma 3:4 - Testamente Leyimpsha Xichangana

⁴ Nikutsongo! Xikwembu xifanele kutiviwa xili xa ntiyiso, ni loko munhu mun'wana ni mun'wana ali muhembi. Hi svona lesvingatsaliwa, loko vaku: “Hilaha ungatava lweyi alulameke, loko uvulavula, ni kukumiwa na ungali na nandzu, loko uthethisiwa.”

BIBELE Mahungu Lamanene

⁴ Niswitsanana! Xikwembu xi fanele ku tiviwa xi ri xa ntiyiso, ni loko munhu un'wana ni un'wana a ri muhembi. Hi swona leswi nga tsariwa, loko va te: “Hi laha u nga ta va la lulameke, loko u vulavula, ni ku kumiwa u nga ri na nandzu, loko u avanyisa.”

Xitsonga (Bibele)

⁴ Niswitsanana! Ntiyiso wu ta kumiwa wu ri wa Xikwembu, vunwa byi ri bya vanhu! Hilaha ku tsariweke hakona leswaku: “U ta kumiwa u lulamile eku vulavuleni ka wena, kutani u va la hlulaka eku avanyisiweni ka wena.”

Varhoma 3:4 Referans Kwoze

Vagalatiya 2:17

Kambe, hi kuringeta ka hina kuyendliwa lavalulameke ka Kriste, hikumiwa na hili “vajohi” na hina, xana svihlaya lesvaku Kriste aseketela kujoha ke? Nikutsongo!

Vaheveru 6:18

Lesvaku, hi svilo svimbirhi lesvingacinciki, lesvi ka svona svingayendlekiki lesvaku Xikwembu xikumeka na xili muhembi. Kutani hina lava hitsutsumeleke kuyatumbela ka xona, hitiya nhlana svinene, hiyamukela hi mandla mambirhi kulangutela loku kuvekiweke mahlweni ka hina.

Tito 1:2

bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

Yohane 3:33

Lweyi apfumelaka vumboni bza yena, atiyisile lesvaku Xikwembu i ntiyiso.

Nhlavutelo 3:7

“Tsalela ni ntsumi ya kereke ya le Filadelfiya, uku: “‘Lweyi akwetsimeke, lweyi anga wa ntiyiso, lweyi atameleke khiya ra Davhida, lweyi apfulaka kungapfali munhu, lweyi apfalaka kungapfuli munhu, avula svosvo ali:

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

Varhoma 9:14

Loko svilitano, xana hitakuyini ke? Xana Xikwembu xitirha hi kuhomboloka ke? Nikutsongo!

1 Yohane 5:10

Lweyi apfumelaka ka N'wana wa Xikwembu, a ni vumboni le mbilwini, lweyi angapfumeliki ka Xikwembu axiyendla muhembi, hikuva angapfumelanga vumboni lebzi Xikwembu xibzinyikeke mayelanu ni N'wana wa xona.

Vagalatiya 2:21

Anifularheli timpsalu ta Xikwembu, hikuva loko vanhu vangayendliwa lavalulameke hi mhaka ya kuhlayisa Nawu, svihlaya lesvaku kufa ka Kriste akupfunanga nchumu.

Varhoma 6:15

Kutani-ke? Xana hitajoha, hi lesvi hingaliki hansi ka Nawu, kambe hinga hansi ka timpsalu ke? Nikutsongo!

Varhoma 3:31

Loko svilitano, xana hidlaya Nawu hi mhaka ya kupfumela ke? Nikutsongo! Kambe hitiyisa Nawu.

Matewu 11:19

N'wana-wa-Munhu atile aja, anwa, kutani vaku: ‘Langutani, munhu wa makolo hi lweyi, wa xidakwa, lweyi atwananaka ni vahakelisi va rhesa ni vajohi!’ Kambe vutlhari bza Xikwembu bzitikomba na bzilulamile hi mintirho ya bzona.”

Vagalatiya 6:14

Loko ali mina, asvive kule na mina kutidzunisa, loko kungali hi xihambanu xa Hosi ya hina Yesu Kriste, hikuva hikolaho ka xihambanu xa yena, sva misava ka mina svivambiwile svifa, na mina nifile hi tlhelo ra sva misava.

Varhoma 11:1

Svosvi navutisa nili: Xana Xikwembu xicukumetile tiko ra xona ke? Nikutsongo! Hikuva na mina ni Muisrayele, wa rixaka ra Abrahamu, wa nyimba ya Benjamini.

2 Vakorinto 1:18

Kukotisa lesvi Xikwembu xitshembekaka, xitshembiso xa hina ka n'wina axivanga “ina na ihim!”

Varhoma 11:11

Niyengeta nivutisa niku: Xana Vaisrayele vatiphariyetile kuwela makumu ke? Nikutsongo! Kambe hikolaho ka kuwa ka vona, akupona kufikela vamatiko, lesvaku Vaisrayele vatava ni vukwele.

Varhoma 7:7

Loko svilitano, ahitavula yini ke? Xana Nawu i kujoha ke? Nikutsongo! Hambi svilitano, aningatativa lesvi kujoha kunga xisvona, loko Nawu awungavanga kona; hikuva aningatativa lesvi kunavela lokobiha kunga xisvona, loko Nawu awungahlayanga wuku: “Ungatshuki unavela!”

Varhoma 6:2

Nikutsongo! Hina hifeke hi tlhelo ra kujoha, xana hingahahanyela yini kujoheni ke?

Luka 20:16

Atata, atalovisa vatirhi volavo, anyika nsimu ya mvhinya ka van'wana!” Loko vatwa svosvo, vaku: “Svingatshuki sviva tano.”

Varhoma 7:13

Loko svilitano, xana xilo lexinene, hi xona lexinganivangela rifu ke? Nikutsongo! Kambe i kujoha, lesvaku kujoha loku kutikomba lesvi kunga svona; kutani kunivangele rifu hi kutirhisa xilo lexinene; asvili lesvaku, hi mhaka ya xileriso, kujoha kukombisisa svinene kubiha kakona.

1 Vakorinto 6:15

Xana amisvitivi lesvaku, miri wa n'wina, i svirho sva miri wa Kriste ke? Xana ningateka svirho sva miri wa Kriste, nisviyendla svirho sva nghwavana ke? Ihim, nikutsongo!

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”