Varhoma 3:21 - Testamente Leyimpsha Xichangana

²¹ Kambe svosvi ndlela leyi Xikwembu xiyendlaka ha yona lesvaku vanhu vava lavalulameke, yipfuleteliwile, na yingali yotshemba sva Nawu; vumboni bza wona bzi kona matsalweni ya Nawu ni Vaprofeta:

BIBELE Mahungu Lamanene

²¹ Kambe sweswi ndlela leyi Xikwembu xi endlaka ha yona leswaku vanhu va va lava lulameke, yi pfuleteriwile, yi nga ri yo tshemba swa Nawu; vumbhoni bya yona byi kona ematsalweni ya Nawu ni Vaprofeta:

Xitsonga (Bibele)

²¹ Kambe sweswi, handle ka nawu, ku lulama ka Xikwembu ku kombisiwa ku nga loku tiyisiwaka hi nawu ni vaprofeta;

Varhoma 3:21 Referans Kwoze

Timhaka 10:43

Hi yena lweyi vaprofeta hinkwavu vahlayeke vumboni henhla ka yena loko vaku: ‘Mun'wana ni mun'wana lweyi apfumelaka ka yena, atakuma kurivaleliwa ka svijoho hi vito ra yena.’”

Vafilipiya 3:9

ni kukumiwa na nili xilo xin'we na yena, ningahali na kululama lokunga ka mina, loku nikukumaka hi kuhlayisa Nawu, kambe nili ni kululama loku kunyikiwaka hi kupfumela ka Kriste, kululama loku kuhumaka ka Xikwembu, loku kuyimaka henhla ka kupfumela.

Vagalatiya 3:8

Matsalwa mahlayile khale lesvaku Xikwembu axilava kuyendla vamatiko vava lavalulameke hi kupfumela; hi kolaho, Abrahamu ativisiwile Evhangeli loko svahali kule, hi marito lamange: “Tinxaka hinkwatu ta misava titakatekisiwa hikolaho ka wena.”

Varhoma 5:19

Nasvona, kufana ni lesvi lavanyingi vahundzuliweke vajohi hikolaho ka munhu mun'we lweyi akalaka angayingisanga, hi mukhuva wolowo, hi kuyingisa ka munhu mun'we, vanhu lavanyingi vatahundzuliwa vava lavalulameke.

Varhoma 1:17

Ka yona kuhlavuteliwa hilaha vanhu vayendliwaka lavalulameke hi Xikwembu hakona; lesvi svikumiwa ntsena hi kupfumela, nkama hinkwawu, hilaha Matsalwa mahlayaka hakona maku: “Lweyi ayendliwaka lweyi alulameke hi kupfumela, atahanya.”

Varhoma 1:2

Evhangeli leyi, hi yona leyi Xikwembu xiyitshembiseke khale, hi vaprofeta va xona, Matsalweni layohlawuleka;

Timhaka 15:11

Kambe loko hi pfumela lesvaku timpsalu ta Hosi Yesu, hi tona tihiponisaka, ni le ka vona svitano.”

Luka 24:44

Kutani aku ka vona: “Hi tona timhaka leti ningamitivisa tona, loko nahali na n'wina, loko nite: ‘Hinkwasvu lesvitsaliweke mayelanu na mina Nawini wa Moxe ni ka Vaprofeta, ni ka Tipisalma, svifanela kuhetiseka.’”

2 Petro 1:1

Mina Simoni Petrosi, nandza ni mupostola wa Yesu Kriste, nitsalela lavanyikiweke kupfumela loku hi risima leriringanaka ni kupfumela ka hina, hi kululama ka lweyi anga Xikwembu ni muponisi wa hina Yesu Kriste, nili:

1 Petro 1:10

Vaprofeta lavativiseke sva timpsalu leti atifanele kukombiwa n'wina, valavisisile ni kukambisisa ta kuponisiwa loku;

Vagalatiya 5:5

Loko ali hina, hi ni kutshemba ka lesvaku Xikwembu xitahiyendla lavalulameke mahlweni ka xona, kutani hi svona lesvi hisvilangutelaka, hi matimba ya Moya lowutirhaka ka hina, hi kupfumela loku hinga nakona.

Varhoma 16:26

kambe svosvi xihumeseliweke rivaleni hi Matsalwa ya vaprofeta, hi kulandza kulerisa ka Xikwembu lexingaheliki, xona xihundla lexi xingativisiwa vamatiko hinkwavu, lesvaku vanhu vapfumela, vatlhela vayingisa.

Timhaka 26:22

Kambe nipfuniwile hi Xikwembu kufikela siku ra namuntlha, kutani svosvi niyimile kola na nili karhi nihumesa vumboni ka lavatsongo ni ka lavakulu; anivuli timhaka tin'wana, loko tingali leti Moxe ni Vaprofeta vangavula lesvaku titahumelela:

Yohane 1:45

Filipi akuma Nataniyeli aku ka yena: “Hikumile lweyi Moxe atsaleke timhaka ta yena Naweni; na vona vaprofeta vatitsalile: I Yesu wa le Nazareta n'wana Yosefa.”

2 Vakorinto 5:21

“Vuyelelanani ni Xikwembu!” Kriste lweyi angativangiki xijoho, Xikwembu ximuyendlile lesvaku ava xijoho hikolaho ka hina, lesvaku hikolaho ka yena, hiyendliwa lavalulameke mahlweni ka Xikwembu.

1 Vakorinto 1:30

Hi kuyendla ka xona, mi le ka Kriste Yesu, kutani hi xona Xikwembu lexingayendla lesvaku Kriste ava vutlhari ka hina; ha yena hiyendliwa lavalulameke, hihundzuka vakwetsimi va Xikwembu, hiva ni kukutsuliwa.

Varhoma 9:30

Hitakuyini ke? Hitaku: Vamatiko lava avangalandzi nawu wa kululama, vakume kululama koloko, hi mhaka ya kupfumela;

Varhoma 5:21

asvili lesvaku, kukotisa lesvi kujoha kufumeke hi rifu, timpsalu na tona titafumisa xisvosvo hi kululama loku kuyisaka vuton'wini lebzingaheliki, ha Yesu Kriste Hosi ya hina.

Timhaka 28:23

Vamuvekela siku, kutani vata ka yena na vali vanyinginyana, ka yindlo leyi aatshama ka yona. Pawulo avahlamusela ta Mfumu wa Xikwembu, atitiyisa hi vumboni bza yena; aringeta ni kuvakombisa ta Yesu, hi kuvula Nawini wa Moxe, ni ka vaprofeta, avulavula kusukela ni mixo kuyafika nimajambu.

Varhoma 3:28

Hikuva hivonile lesvaku munhu ahlayiwa lweyi alulameke hi kupfumela, kungali hi kuyendla lesvitsemiweke hi Nawu.

2 Vakorinto 3:9

Hikuva loko Nawu lowuvangaka kuyavanyisiwa wutile hi kuphatima, xana Moya lowu wuhitiselaka kululama mahlweni ka Xikwembu, awungaphatimi kutlulisa ke?